Jude 1:7 - Mbeti ti Nzapa - Tënë so amu fini

⁷ Ala dabe ti ala na azo ti agbata ti Sodome na Gomore nga na ambeni kodro so ayeke na tere ni: azo ni asara asioni ye tongana ti a-ange so, ala mu be ti ala kue ti sara gi aye ti ndumba, ala sara asioni ye so akpa titene zo asara pepe. Fadeso ala yeke baa pasi na ya ti wâ so ayeke gbi lakue lakue; ala ga tapande ndali ti azo kue.

Jude 1:7 ပူးပေါင်းရင်းမြစ်များ

Tongo nda ti aye 13:13

Azo ti Sodome ayeke azo ti kirikiri mingi, ala sara siokpari mingi so ake KOTA GBIA.

Tongo nda ti aye 18:20

Na pekoni, KOTA GBIA atene na Abraham: “Toto so ayeke na iri ti agbata ti Sodome na Gomore so ahon ndoni. Siokpari ti azo ti agbata ni ane ahon ndoni.

Tongo nda ti aye 19:5

Ala iri Lot si ala hunda lo, atene: “Akoli so aga na ndo ti mo na bi so ayeke na ndo wa? Sigigi na ala titene e lango na ala.”

1 Agbia 22:46

Tanga ti atënë na ndö ti Yosafat, aye ti koli so lo sara na abira so lo sara, a su tënë ni na ya ti “Mbeti ti aye so agbia ti Juda asara”.

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 13:19

Babilone, gbata so apendere ahon ambeni gbata ti kodro ni, azo ti Babilone ayeke pika kate ti ala ndali ni, fade Nzapa ayeke buba ni tongana ti so lo buba ando agbata ti Sodome na Gomore.

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Jérémie 20:16

Ayeke nzoni zo so aga tongana agbata so KOTA GBIA abuba ni si lo baa mawa ni pepe so! Ayeke nzoni na ndaperere, zo ni ama toto ti demango tere si na bekombite, lo ma dekongo ti bira!

Jérémie 50:40

Legeoko tongana Sodome na Gomore nga na agbata ti tere ni so KOTA GBIA abuba ni, fade mbi yeke buba kodro ti Babilone, zo ayeke kiri ti duti daa pepe, zo oko ayeke sara kodro daa mbeni pepe.

Abia ti demango tere 4:6

Sioni ti azo ti kodro ti mbi ayeke mingi, siokpari ti ala ahon ti azo ti Sodome; kodro ti Sodome ati hio, mbeni zo andu nga ni pepe.

Osée 11:8

“Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Matthieu 10:15

Mbi tene na ala taa-tënë: na lango ti fango ngbanga, fade ngbanga so a yeke fâ na li ti azo ti gbata so ayeke ngangu mingi ahon ti azo ti akodro ti Sodome na Gomore.”

Matthieu 11:24

Ndani laa, mbi tene na ala: na lango ti fango ngbanga, fade a yeke fâ ngbanga ngangu na li ti ala ahon ti Sodome.”

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Nzoni Tënë so Luc asu na mbeti 17:29

Me na lango so Lot asigigi na Sodome, Nzapa atokua wâ na *sufre na ndö ti ala tongana ngu so ayeke pika si afâ ala kue.

1 Korente 6:9

Ala hinga pepe? Azo ti sarango sioni, fade *Kodro-gbia ti Nzapa ayeke ga ti ala pepe. Ala handa tere ti ala pepe: azo ti gingo wali wala gingo koli kirikiri, azo ti vorongo anzapa nde, azo ti gingo wali wala koli ti amba ti ala, akoli so ayeke lango na amba ti ala akoli,

Ndia ti fani use ni 29:23

Fade amara kue ayeke hunda ndo, atene: “Ngbanga ti nyen si KOTA GBIA asara ye na kodro so tongaso? Ngbanga ti nyen si kota ngonzo ti lo alondo tongaso?”

2 Tesalonike 1:7

Ala so ayeke baa pasi, fade lo yeke mu na ala lege ti wungo tere, e na ala kue. Lo yeke sara ye ni tongaso na ndembe so Kota Gbia Jésus ayeke londo na yayu ti si, lo na angangu *ange ti lo;

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

2 Pierre 2:2

Fade azo mingi ayeke mu peko ti awafango-ye ti mvene so ti sara aye ti potopoto so ala yeke sara. Ndali ti azo tongaso, azo ayeke zonga lege ti taa-tënë.

2 Pierre 2:6

Nzapa afâ nga ngbanga na li ti azo ti agbata ti Sodome na Gomore si lo gbi agbata ni so. Lo sara tongaso ti fa tapande na azo ti sioni atene, fade mara ti ye so ayeke si na ala.

2 Pierre 3:7

Me gi na lege ti oko tënë ti yanga ti Nzapa laa, lo yeke bata yayu na sese so e yeke baa fadeso ti gbi ni na wâ. Lo yeke bata ni ti ku lango ti fango ngbanga na li ti azo ti sioni, lango so ala yeke kui biani biani.