Jude 1:5 - Mbeti ti Nzapa - Tënë so amu fini

⁵ Ataa so ala hinga ni kue awe, mbi ye ti dabe ti ala daa: ando, Kota Gbia amu azo ti Israel na kodro ti Ezipte, lo sigigi na ala si lo soo ala; me na pekoni, lo sara si azo so ake tënë ti lo akui.

Jude 1:5 ပူးပေါင်းရင်းမြစ်များ

Abia (Psaumes) 106:26

Tongaso lo yo maboko ti lo na nduzu, lo deba na ala, lo tene: ni yeke sara si ala kui na ya ti benyama,

Sigingo 12:51

Taa gi na lango ni so, KOTA GBIA azi azo ti Israel na kodro ti Ezipte asigigi na ala na lege ti molongo ti amara ti ala.

Rome 15:15

Me na ya ti mbeti so mbi su si mbi tokua na ala, ambeni tënë ayeke daa so mbi tene na ala na kamene pepe; mbi tene tënë ni na ala ti dabe ti ala na aye so a fa na ala awe. Mbi sara tongaso ndali ti so Nzapa asara nzoni be na mbi

Ndia ti fani use ni 1:32

Me na ya ti aye so kue, ala zia be ti ala na ndö ti KOTA GBIA Nzapa ti ala pepe.

Ahebro 3:16

Azo so ama ando go ti Nzapa si ala sara ngangu li so ayeke azo wa? Ala yeke azo so kue Moïse amu ala na kodro ti Ezipte si asigigi na ala.

2 Pierre 3:1

A-ita ti mbi so mbi ye ala mingi, use mbeti so mbi su ti tokua na ala laa. Na ya ti ambeti ni use kue, mbi ye ti dabe ti ala na ndö ti aye so ala hinga awe si ala duti azo so tënë ti be ti ala ayeke na legeni.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.

1 Jean 2:21

Mbi su mbeti so na ala pepe, ngbanga ti so ala hinga taa-tënë pepe, me mbi su mbeti so na ala, ngbanga ti so ala hinga taa-tënë awe. Ala hinga nga so mbeni tënë ti mvene oko ayeke londo na ya ti taa-tënë ti sigigi pepe.