Jude 1:3 - Mbeti ti Nzapa - Tënë so amu fini

³ A-ita ti mbi so mbi ye ala mingi, mbi ye fade mingi ti su mbeti na ala na ndö ti tënë ti songo so Nzapa asoo e na ala kue so. Me mbeni ye apusu mbi ti su mbeti so ti mu ngangu na be ti ala titene ala tiri bira ti bata mabe so Nzapa amu na azo ti lo fani oko biani biani.

Jude 1:3 ပူးပေါင်းရင်းမြစ်များ

Néhémie 13:25

Mbi suku na azuife ni si mbi deba ala. Mbi pika ambeni zo na popo ti ala si mbi gboto kua ti li ti ala. Na pekoni, mbi tene na ala ti deba yanga ti ala na iri ti Nzapa ti kiri ti mu amolenge ti ala ti wali pepe na awande. Ala nga, alingbi ala mu awali wande pepe ti ga wali ti ala wani wala ti amolenge ti ala ti koli.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Jérémie 9:3

Ayeke nzoni zo oko oko asara hange na mba ti lo; ala zia be ti ala na ndö ti a-ita ti ala pepe, ngbanga ti so azo kue ayeke azo ti handango a-ita ti ala; ataa mba ti mo so mo ye lo mingi, lo yeke du mvene na li ti mo.

Awatokua 17:3

lo fa nda ni na ala si lo fa nga na azo ni, lo tene: “Alingbi *Mesii abaa pasi, lo zingo na kuâ. Jésus so mbi yeke fa tënë ti lo so, lo laa lo yeke Mesii ni.”

Awatokua 18:28

Lo tene tënë nzoni mingi na le ti azo kue, asara si tënë ahunzi na yanga ti azuife. Na lege ti tënë ti Nzapa, lo fa na azo so Jésus ayeke *Mesii biani.

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Awatokua 28:28

Paul akiri atene: “Ayeke nzoni ala hinga atene, Nzapa atokua tënë ti songo zo na kuâ na azo ti amara nde. Ti azo ni so, fade ala yeke ma tënë ni!” [

Awatokua 4:12

Zo alingbi ti soo kuâ na lege ti mbeni iri nde pepe, ngbanga ti so na ndö ti dunia kue, mbeni iri nde so Nzapa amu ni na azo titene e soo kuâ na lege ni ayeke daa pepe.”

Awatokua 6:7

Tënë ti Nzapa angba ti tambula na ndo kue. Na Jérusalem, wungo ti adisiple ayeke gue na nduzu, gba ti awayango-sandaga ama na be.

Awatokua 9:13

Ananias akiri tënë, atene: “Kota Gbia, azo mingi atene tënë ti koli so na mbi. Ala tene na mbi tënë ti aye ti sioni so kue lo sara na azo ti mo na Jérusalem.

Awatokua 9:22

Me Saul ayeke kpengba lakue na lege ti fango tënë; lo yeke fa biani so Jésus ayeke *Mesii. Nilaa azuife ti Damas ahinga tënë so ala lingbi ti kiri ni na lo pepe.

1 Korente 15:3

Kozo ye so mbi fa na ala ayeke tënë so mbi wani, mbi ma: Christ akui ndali ti siokpari ti e tongana ti so Mbeti ti Nzapa atene.

Galasii 2:5

E yeda na tënë ti azo so oko pepe, ataa na ya ti kete ngbonga oko, ngbanga ti so e ye ti bata na ala, a-ita, taa-tënë ti Nzoni Tënë.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Galasii 6:11

Fadeso, mbi laa mbi su mbeti so na maboko ti mbi wani, nilaa agere ti mbeti ni ayeke kota kota so.

Efeze 1:1

Mbi Paul, mbi yeke *watokua ti Jésus Christ na lege so be ti Nzapa aye; mbi tokua mbeti so na azo ti Nzapa so ayeke na gbata ti Efeze, ala so ama na be na Jésus Christ si ala ga oko na lo.

Ndia ti fani use ni 21:9

Na lege so, fade ala yeke sara ye so ayeke mbirimbiri na le ti KOTA GBIA si ngbanga ti mene ti zo so asara sioni pepe aga na li ti ala pepe.

Ndia ti fani use ni 9:10

KOTA GBIA amu na mbi akpangbara têne use so lo wani, lo su na le ni atënë ti ndia ti lo kue. Lo tene lani atënë ti ndia ni na ala na ya ti wâ, na ndembe so ala bongbi na gbe ti hoto ni.

Filipe 1:1

Mbi Paul, mbi na Timothée, so e yeke azo ti kua ti Jésus Christ laa e tokua mbeti so na azo ti Nzapa so aga oko na Jésus Christ si ala yeke na gbata ti Filipe. E tokua nga mbeti so na azo so ayeke na li ti *Eglize, ala na *adiakre.

Filipe 1:27

Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

Kolose 1:2

si e tokua mbeti so na a-ita, azo ti Nzapa so ayeke na gbata ti Kolose, ala so ama na be na Christ si ala ga oko na lo. Ayeke nzoni Nzapa Babâ ti e asara nzoni be na ala si amu na ala siriri.

1 Tesalonike 2:2

Ala hinga nga atene, kozoni na gbata ti Filipe, azo azonga e si e baa pasi. Me na ya ti aye ti ngangu mingi, Nzapa amu ngangu na be ti e ti fa Nzoni Tënë ti lo na ala, azo ti Tesalonike.

1 Timothée 1:18

Timothée, molenge ti mbi, aye so mbi fa, mbi zia na maboko ti mo, alingbi na atënë ti peko ti yanga ti Nzapa so azo atene na ndö ti mo. Ayeke nzoni mo luti na ndö ti atënë ni ti tiri nzoni bira na legeni;

1 Timothée 6:12

Tiri nzoni bira ti mabe na legeni titene mo gbu fini so angba lakue lakue. Biani, Nzapa airi mo ando ti wara fini ni so si mo tene tënë ti mabe ni pendere na le ti azo mingi so.

2 Timothée 1:13

Sara ye alingbi gi na tapande ti atënë so ayeke na legeni so mo ma na yanga ti mbi. Sara ye ni na lege ti mabe, na lege ti ndoye, na lege ti gango so e ga oko na Jésus Christ.

Tite 1:4

Mbi tokua mbeti so na mo Tite so mo yeke taa molenge ti mbi na lege ti oko mabe so e yeke na ni. Ayeke nzoni Nzapa Babâ na Wasongo e, Jésus Christ asara nzoni be na mo si amu na mo siriri!

Ahebro 13:22

A-ita ti mbi, mbi hunda na ala titene ala kanga be ti ala, ala yeda na atënë so kue mbi tene ti mu ngangu na be ti ala. Ala baa, mbi tokua na ala yongoro mbeti pepe.

Ahebro 6:9

Ti ala, a-ita so e ye ala mingi, ataa so e tene tënë tongaso, e hinga na be ti e so, ala yeke tambula na nzoni lege so zo ayeke mu titene lo soo kuâ.

1 Pierre 5:12

Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

2 Pierre 2:21

Ti azo ni so, ayeke fade nzoni titene ala hinga lege ti mbirimbiri pepe. Sioni ni ayeke so, ala hinga lege ni awe si na pekoni, ala do lege ti atënë ti ndia ti Nzapa so a fa na ala kozoni so azia.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.

Jude 1:17

A-ita ti mbi so mbi ye ala mingi, ala dabe ti ala na atënë so *awatokua ti *Kota Gbia ti e Jésus Christ atene ando na ala.

Jude 1:20

Me ti ala, a-ita ti mbi so mbi ye ala mingi, ala luti ngangu na ndö ti mabe ti ala so ayeke nde si ayeke nzoni kue. Ala sambela na lege ti Yingo-Vuru.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.