Jude 1:25 - Mbeti ti Nzapa - Tënë so amu fini

²⁵ Lo oko laa lo yeke Nzapa, Wasongo e na lege ti Jésus Christ, *Kota Gbia ti e. Gonda, kota ndo, ngangu nga na komandema ayeke ti lo, ando ngu na ngu, fadeso ngbii gbanda kpu na kpu! Amen.

Jude 1:25 ပူးပေါင်းရင်းမြစ်များ

1 Mbai 29:11

KOTA GBIA, mo yeke kota, mo yeke ngangu, mo lingbi na gonda, iri ti mo awu mingi, mo yeke gbia! Biani, aye so kue ayeke na yayu nga na ndö ti sese ayeke ti mo. KOTA GBIA, lengo-gbia ayeke ti mo si mo yeke na li ti aye kue.

Abia (Psaumes) 104:24

KOTA GBIA, aye so mo sara ayeke mingi! Mo sara aye ni kue na lege ti ndara ti mo; sese asi singo na aye so mo sara.

Abia (Psaumes) 147:5

KOTA GBIA ti e ayeke kota, lo yeke na ngangu mingi; nda ti hingango ye ti lo ayeke daa pepe.

Abia (Psaumes) 78:20

Biani, lo pika kota têne, ngu asigigi daa, ngu ni asua gbani gbani. Me lo lingbi nga ti mu na e mapa wala lo lingbi nga ti mu nyama na azo ti lo?”

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Nzoni Tënë so Luc asu na mbeti 1:47

Be ti mbi asi singo na ngia ndali ti Nzapa, Wasongo mbi,

Jean 4:22

Ala azo ti Samarii, ala yeke voro Nzapa so ala hinga lo pepe, me e yeke voro ti e Nzapa so e hinga lo, ngbanga ti so ye so ayeke soo zo na kuâ alondo na mbage ti azuife.

Jean 5:44

Ala ye titene amba ti ala laa agonda ala si ala nga agonda amba ti ala; me gonda so alondo na Nzapa oko, ala ye ti gi ni pepe. Fade ala lingbi ti ma na be tongana nyen?

Rome 11:33

Anzoni ye ti Nzapa ayeke kota biani! Ndara ti lo na hingango ye ti lo ayeke kota ahon ndoni! Zo wa laa alingbi ti hinga nda ti fango ngbanga ti lo? Zo wa laa alingbi ti hinga tënë ti be ti lo?

Rome 11:36

Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

Rome 16:27

Nzapa oko laa ayeke na ndara. Gonda ayeke ti lo kpu na kpu na lege ti Jésus Christ! Amen.

Efeze 1:8

Nzapa amu na e anzoni ye mingi na lege ti nzoni be ti lo; lo mu na e ndara na hingango ndo kue.

Efeze 3:10

Me fadeso, lo fa ye ni na lege ti *Eglize titene ayingo so ayeke na nduzu si ayeke na komandema ahinga atënë ti ndara nde nde kue ti Nzapa.

Efeze 3:21

Ayeke nzoni azo so aga oko na Jésus Christ agonda lo na ya ti *Eglize; azo ti ngoi kue agonda lo kpu na kpu! Amen.

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

1 Timothée 2:3

Baa, ye so ayeke nzoni si anzere na le ti Nzapa, Wasongo e laa.

Tite 2:10

ala nzi nga ye ti awa ti ala ni pepe. Lakue ala sara ye titene awa ti ala alingbi ti zia be ti ala na ndö ti ala. So laa ayeke sara titene azo ane tënë so e yeke fa si alondo na Nzapa, Wasongo e.

Tite 2:13

si e zia be ti e ti ku nzoni lango so fade e yeke baa kota Nzapa ti e na Wasongo e, Jésus Christ, na ya ti gonda ti lo.

Tite 3:4

Me na ndembe so Nzapa, Wasongo e, afa nzoni be ti lo na azo si lo fa nga yengo so lo ye azo na ni,

Ahebro 13:8

Jésus Christ angba tongana ti biri, ti laso na kpu na kpu.

1 Pierre 4:11

Tongana mbeni zo ayeke fa tënë, alingbi lo fa gi tënë ti Nzapa. Tongana mbeni zo ayeke sara kua ndali ti amba ti lo, alingbi lo sara ni na ngangu so Nzapa amu na lo, tongaso si na ya ti aye kue, azo agonda Nzapa na lege ti Jésus Christ. Gonda na ngangu ayeke ti Nzapa, kpu na kpu! Amen.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

Aye so Nzapa afa 1:6

Lo sara si e ga azo ti Kodro-gbia ti Nzapa, awayango-sandaga ti sara kua ndali ti Nzapa Babâ ti lo. Gonda na ngangu ayeke ti Christ kpu na kpu! Amen.