Jude 1:24 - Mbeti ti Nzapa - Tënë so amu fini

²⁴ Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.

Jude 1:24 ပူးပေါင်းရင်းမြစ်များ

Abia (Psaumes) 21:6

Iri ti lo awu mingi ndali ti so mo so benda awe; mo mu na lo gonda na nengo mingi.

Abia (Psaumes) 43:4

Fade mbi yeke si na tere ti gbalaka ti mo; mbi yeke si na tere ti mo Nzapa, mo so taa ngia ti mbi alondo na mo. Mbi yeke pika kundi ti gonda mo Nzapa, Nzapa ti mbi!

Awayango-sandaga 14:11

Wayango-sandaga so ayeke sukula *sioni ti zo ni, ayeke zia zo ni na aye so kue lo ga na ni na dawa ti KOTA GBIA, na yanga ti da ti bongo so KOTA GBIA na azo ti lo ayeke wara tere daa.

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Matthieu 19:28

Jésus atene na ala: “Mbi tene na ala taa-tënë: na ndembe so ye kue ayeke kiri ti ga fini ni, fade *Molenge ti Zo ayeke duti na ndö ti mbata ti gonda ti lo ti Gbia. Ala baleoko na use so amu peko ti mbi, ala yeke duti na ndö ti ambata ti gbia baleoko na use titene ala fâ ngbanga ti amara baleoko na use ti Israel.

Matthieu 25:31

“Na ndembe so *Molenge ti Zo ayeke ga ande na ya ti gonda ti lo na *a-ange ti lo kue na tere ti lo, lo yeke duti na ndö ti mbata ti lo ti gbia so ayeke mbata ti gonda.

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Nzoni Tënë so Luc asu na mbeti 9:26

Tongana mbeni zo asara kamene ti mbi na ti atënë ti mbi, fade Molenge ti Zo ayeke sara nga kamene ti lo na lango so lo yeke ga na ya ti gonda ti lo, gonda ti Babâ ti lo nga na ti *a-ange so ayeke nde si ayeke nzoni kue.

Rome 14:4

Mo yeke ti mo zo wa ti kasa zo ti kua ti mbeni zo nde? Ataa lo ngba na nduzu wala lo ti, so abaa gi wa ti lo. Fade lo yeke ngba na nduzu, ndali ti so *Kota Gbia ayeke na ngangu ti sara si lo ngba na nduzu.

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

2 Korente 11:2

Mbi ye ala mingi, nilaa mbi yeke sara mbanda ti ala; yengo so mbi ye na ala so alondo na Nzapa. Biani, ala yeke tongana maseka-wali so ade ti hinga koli pepe; mbi mu zendo ti mu ala gi na koli oko, koli ni ayeke Christ.

2 Korente 4:14

Biani, e hinga so, Nzapa so azingo Kota Gbia Jésus na kuâ, fade lo yeke zingo nga e na Jésus si lo yeke zia e na ala titene e duti na tere ti lo.

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Efeze 5:27

ngbanga ti so lo ye si Eglize ni aluti na le ti lo, pendere, sarate ayeke daa pepe, le ti lo akpa ti mbakoro pepe, mbeni sioni ye oko ayeke daa pepe. Lo ye si Eglize ni aduti nde si aduti nzoni kue, tënë ayeke na li ti lo pepe.

Kolose 1:22

Me fadeso, na lege ti Molenge ti lo so amu tere ti zo si akui, songo akiri na popo ti ala na Nzapa. Tongaso, ala lingbi ti luti na le ti Nzapa tongana azo so ayeke nde si ayeke nzoni kue, azo so tënë ayeke na li ti ala pepe, azo so mbeni ye ti sioni ayeke na tere ti ala pepe.

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

Kolose 3:4

Christ ayeke fini ti ala. Na lango so lo yeke si, fade ala nga, ala yeke si legeoko na lo ti duti na ya ti gonda ti lo.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

Jacques 2:10

Tongana mbeni zo asara aye so kue ndia atene tënë ni, me lo buba lege ti mbeni tënë ti ndia ni oko, andaa ngbanga ti tanga ti ndia ni kue ayeke na li ti lo.

1 Pierre 4:13

Me ala duti na ngia tongana ala yeke baa pasi tongana ti so Christ abaa ando so. Tongaso, na ngoi so azo ayeke baa ande gonda ti lo, ala nga, be ti ala ayeke si singo na ngia.

2 Pierre 1:10

Ndani laa, a-ita, ayeke nzoni ala kiri asara ngangu ahon ti kozoni ti ngba na lege ti iringo so Nzapa airi ala, nga na lege ti sorongo so lo soro ala. Tongana ala sara tongaso, mbeni ye ti sara si ala ti ande ayeke daa oko pepe.

Jude 1:21

Ala ngba na lege ti ndoye ti Nzapa. Ala ku titene Kota Gbia ti e Jésus Christ amu na ala fini so angba lakue lakue na lege ti nzoni be ti lo.

Aye so Nzapa afa 14:5

Mbeni tënë ti mvene oko asigigi na yanga ti ala pepe; sioni ye oko ayeke na tere ti ala pepe.