Jude 1:23 - Mbeti ti Nzapa - Tënë so amu fini

²³ Ti azo so ayeke gue na le ti wâ, ala gboto ala na ya ti wâ ni ti soo ala. Ti ambeni zo ni, ala baa mawa ti ala, me ala sara ni na mbeto. Ataa bongo ti azo ni, ala ndu ni pepe, ngbanga ti so aye ti sioni ti azo ni agbu tere ni kue.

Jude 1:23 ပူးပေါင်းရင်းမြစ်များ

Amato 7:8

Lo yeke hon na lege, nduru na ndo so wali ni so ayeke daa. Lo mu lege ti gue na da ti wali ni.

Ésaïe 64:6

Zo oko ti di iri ti mo ayeke daa pepe, zo oko ti zingo na lango si lo bongbi oko na mo ayeke daa pepe. Biani, mo honde le ti mo na e, mo zia e si e woko na gbe ti sioni ti e.

Abia ti demango tere 4:14

Tongana awaziba, ala yeke fono gi kirikiri na ndö ti alege. Mene so atuku asara si ala ga *sioni; a ke na zo ti ndu bongo ti ala.

Awayango-sandaga 14:47

Zo so alango na ya ti da ni, alingbi lo sukula abongo ti lo; zo so ate kobe na ya ti da ni, alingbi lo sukula abongo ti lo.

Awayango-sandaga 15:17

Bongo wala ye so kue a sara na poro ti nyama si ngu ti tere ti koli ni ati na ndö ni, alingbi a sukula ni; aye ni ayeke ngba *sioni ngbii asi na lakui.

Amos 4:11

“Mbi buba aye so kue ayeke na ndo ti ala tongana ti so mbi buba ando aye kue na Sodome na Gomore. Ala sigigi na ya ni tongana nduru keke ti wâ so a gboto ni na ya ti wâ. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Rome 11:14

ti sara si, tongana lege ayeke daa, azo ti mara ti mbi asara kota be si mbi soo ambeni na popo ti ala.

1 Korente 15:33

Ala handa tere ti ala pepe. “Mo mu peko ti zo ti sioni, mo yeke ga zo ti sioni.”

1 Korente 3:15

Zo so da ti lo agbi, fade lo yeke wara ye pepe, lo wani, lo yeke soo kuâ, me lo yeke soo kuâ ni tongana ti zo so asigigi na ya ti wâ.

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

2 Tesalonike 3:14

Tongana mbeni zo ake ti ma tënë so e tene na ya ti mbeti so, ala su iri ti lo na mbeti, ala sara songo na lo pepe, tongaso si kamene agbu lo.

1 Timothée 4:16

Mo baa lege ti dutingo ti mo wani nzoni, mo baa nga lege ti fango ye ti mo nzoni; mo ngba daa lakue. Biani, tongana mo sara tongaso, fade mo yeke soo tere ti mo wani na kuâ si mo yeke soo nga azo so kue ayeke ma mo.

2 Jean 1:11

Zo so atene na lo: “Nzoni gango!”, andaa lo yeda na asioni sarango ye ti zo ni awe.

Jude 1:22

Ala baa mawa ti azo so angba ti dekite.

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.

Aye so Nzapa afa 3:4

Me ambeni zo oko oko ayeke na Sarde so abata bongo ti ala nzoni. Fade ala yeke tambula na tere ti mbi na vuru bongo, ngbanga ti so ala lingbi ti yu ni.