Jude 1:17 - Mbeti ti Nzapa - Tënë so amu fini

¹⁷ A-ita ti mbi so mbi ye ala mingi, ala dabe ti ala na atënë so *awatokua ti *Kota Gbia ti e Jésus Christ atene ando na ala.

Jude 1:17 ပူးပေါင်းရင်းမြစ်များ

Awatokua 20:35

Lakue, mbi fa na ala ti sara kua si fade ala lingbi ti mu maboko na azo ti mawa. Ala dabe ti ala na atënë so *Kota Gbia Jésus wani atene: ‘Mungo ye anzere ahon warango ye!’ ”

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Efeze 4:11

Lo laa lo mu amatabisi na azo; lo mu lege na ambeni ti ga *awatokua, wala awayanga-Nzapa, wala azo ti fango Nzoni Tënë, wala azo ti batango azo ti *Eglize wala awafango-ye.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

2 Pierre 3:2

Mbi ye si ala dabe ti ala na atënë so ando awayanga-Nzapa so ayeke nde si ayeke nzoni kue, atene na ala. Mbi ye nga si ala dabe ti ala na tënë ti yanga ti *Kota Gbia ti e na Wasongo e, so *awatokua afa ni na ala.

1 Jean 4:6

Me ti e, e yeke azo ti Nzapa. Zo so ahinga Nzapa ayeke ma tënë ti e; zo so ayeke zo ti Nzapa pepe, lo yeke ma tënë ti e pepe. Lege so laa e lingbi ti hinga popo ti Yingo ti taa-tënë na yingo so ayeke fa lege ti kirikiri.

Jude 1:3

A-ita ti mbi so mbi ye ala mingi, mbi ye fade mingi ti su mbeti na ala na ndö ti tënë ti songo so Nzapa asoo e na ala kue so. Me mbeni ye apusu mbi ti su mbeti so ti mu ngangu na be ti ala titene ala tiri bira ti bata mabe so Nzapa amu na azo ti lo fani oko biani biani.