Jude 1:16 - Mbeti ti Nzapa - Tënë so amu fini

¹⁶ Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Jude 1:16 ပူးပေါင်းရင်းမြစ်များ

Mbeti ti Job 32:21

Taa-tënë, mbi yeke mu mbage ti zo oko pepe; mbi yeke tene anzerengo tënë ti handa na zo pepe.

Mbeti ti Job 34:19

Nzapa laa ayeke mu mbage ti amakonzi pepe, lo yeke yamba zo ti mosoro nzoni ahon wayere pepe, ngbanga ti so lo laa lo sara ala use kue.

Abia (Psaumes) 106:25

Ala duti na gbe ti ada ti ala ti bongo si ala kasa ndo, ala ke ti ma yanga ti KOTA GBIA.

Abia (Psaumes) 15:4

Zo so Nzapa ake tënë ti lo, na le ti lo, lo baa zo ni tongana mbumbuse zo, me lo yeke ne zo so ayeke kpe mbeto ti KOTA GBIA. Tongana lo mu zendo ti sara mbeni ye, ataa so zendo ni ayeke ga na kpale na tere ti lo, lo yeke sara ni.

Abia (Psaumes) 17:10

Ala yeke baa mawa ti zo pepe, tënë ti baba asi singo na yanga ti ala.

Abia (Psaumes) 73:8

Ala yeke he azo na ngia, ala yeke tene sioni tënë ti aye ti ngangu so ala ye ti sara na azo; ala yeke tene tënë ni gi na baba.

Amato 28:21

Mungo mbage ti mbeni zo oko ayeke nzoni pepe. Gi ndali ti kete nduru mapa, ambeni zo ayeke sara mara ti siokpari so.

Ésaïe 29:24

Azo so lani li ti ala aga kirikiri, fade ala yeke ga azo ti hingango ndo; azo so lani ayeke ke tënë mingi, ala yeke yeda titene a fa ye na ala.”

Awayango-sandaga 19:15

“Na le ti ngbanga, ala fâ ngbanga na legeni: ala mu mbage ti zo ti mawa pepe, ala mu nga mbage ti kota zo pepe; me ala fâ ngbanga ti amba ti ala mbirimbiri.

Wungo ti azo 14:36

Azo so lani Moïse atokua ala ti bembe ndo na ya ti kodro ni, na peko ti so ala kiri awe, ala tene sioni tënë ti kodro ni si apusu bongbi ti azo ti Israel ti kasa Moïse.

Wungo ti azo 16:11

Tongaso, mo na azo so amu peko ti mo, ala kasa gi Aaron pepe, me KOTA GBIA laa ala ma tere ti ke lo.”

Nzoni Tënë so Luc asu na mbeti 15:2

*Afarizien na awafango-ndia ayeke kasa lo, atene: “Koli so ayeke yamba azo ti siokpari si lo na ala ayeke te kobe!”

Nzoni Tënë so Luc asu na mbeti 19:7

So azo abaa tongaso, ala kue akasa Jésus, atene: “Lo gue, lo lango na ndo ti zo ti siokpari!”

Nzoni Tënë so Luc asu na mbeti 5:30

*Afarizien na awafango-ndia ti ala ayeke kasa tënë ni si ala tene na adisiple ti Jésus, atene: “Ngbanga ti nyen laa ala yeke te, ala yeke nyon na azo ti rongo nginza ti lapo nga na azo ti siokpari so?”

Jean 6:41

Azuife ato nda ti kasa Jésus, ngbanga ti so lo tene: “Mbi yeke mapa so alondo na yayu si aga.”

Jean 6:61

Me Jésus ahinga so, adisiple ti lo ayeke kasa lo na gbe ti go ti ala ngbanga ti tënë so. Ndani laa lo hunda ala, lo tene: “Tënë so aso be ti ala?

1 Korente 10:10

Ti hunzi na ni, ala diko tënë na gbe ti go ti ala pepe tongana ti so ambeni na popo ti akotara asara ando si *ange ti kuâ afâ ala so.

Galasii 5:16

Tënë so mbi ye ti tene na ala ayeke so: ala zia Yingo ti Nzapa afa lege na fini ti ala, tongaso si ala sara ye na lege ti asioni nzara ti be ti ala pepe.

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Ndia ti fani use ni 1:27

Na ya ti ada ti ala ti bongo, ala kasa ndo, atene: “Be ti KOTA GBIA ake e awe, nilaa lo sara si e sigigi na sese ti Ezipte so. Lo ye ti zia e na maboko ti azo ti mara ti Amori titene ala fâ e ti hunzi e!

Filipe 2:14

Aye so kue ala yeke sara, ala sara ni na dikongo tënë na gbe ti go ti ala pepe wala na papa pepe.

1 Tesalonike 4:5

Ala sara ye na lege ti asioni nzara ti be ti ala pepe, tongana ti azo ti amara nde so ahinga Nzapa pepe.

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.

2 Timothée 4:3

Biani, mbeni ngoi ayeke ga so fade azo ayeke ye pepe ti ma fango ye so ayeke mbirimbiri, ala yeke sara ande gi aye ti be ti ala wani si ala yeke iri gba ti awafango-ye ti ga ti fa na ala tënë so anzere na mê ti ala.

1 Pierre 1:14

Ala sara ye tongana amolenge so ayeke ma ndo. Ala sara ye pepe na lege ti anzara ti be ti ala so ala yeke na ni ando, na ngoi so ala de ti hinga ndo pepe so.

1 Pierre 2:11

A-ita ti mbi so mbi ye ala mingi, ala yeke tongana agene, tongana awande na ndö ti sese so. Ndani laa mbi hunda na ala titene ala ke asioni nzara ti be so ayeke sara bira na ala.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.

2 Pierre 2:10

Lo yeke fâ ande ngbanga kozoni na li ti azo so ayeke sara aye ti potopoto na lege ti nzara ti aye ti kirikiri so ayeke na be ti ala si ala baa komandema ti Nzapa tongana buba ye na le ti ala. Awafango-ye ti mvene so abaa tere ti ala tongana azo so alingbi awe; baba ahon ndö ti ala, ayingo ti yayu so ayeke na gonda, azo ni akpe mbeto ti ala pepe si ala yeke zonga ala.

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,

Jude 1:15

Lo yeke ga ti fâ ngbanga na li ti azo kue, ti kanga azo ti sioni ndali ti asioni ye so kue ala sara. Lo yeke kanga nga azo ti siokpari so ayeke azo ti sioni ndali ti asioni yanga so kue ala tene na tere ti lo.’ ”

Jude 1:18

Awatokua ni atene na ala: “Na lango ti ndani, azo ayeke he ala na ngia, azo ti sioni so ayeke sara ye alingbi gi na asioni nzara ti be ti ala.”