Jude 1:15 - Mbeti ti Nzapa - Tënë so amu fini

¹⁵ Lo yeke ga ti fâ ngbanga na li ti azo kue, ti kanga azo ti sioni ndali ti asioni ye so kue ala sara. Lo yeke kanga nga azo ti siokpari so ayeke azo ti sioni ndali ti asioni yanga so kue ala tene na tere ti lo.’ ”

Jude 1:15 ပူးပေါင်းရင်းမြစ်များ

Abia (Psaumes) 139:20

Awato ti mo ayeke mu iri ti mo ti handa na azo, ala yeke di iri ti mo ti sara na sioni ye.

Abia (Psaumes) 149:9

ala yeke fâ ngbanga na ndö ti azo ni alingbi na tënë so a su na mbeti awe. Ye so KOTA GBIA ayeke sara ti ne azo ti lo kue laa. Aleluya!

Abia (Psaumes) 31:18

KOTA GBIA, tongana mbi iri mo, ayeke nzoni mo zia kamene na le ti mbi pepe. Me ayeke nzoni kamene agbu le ti asioni zo so. Ayeke nzoni yanga ti ala akanga si ala gue na ndo ti akuâ.

Abia (Psaumes) 37:6

Tongana lumiere ti ndaperere, lo yeke fa polele mbirimbiri ti mo; tongana lâ ti bekombite, lo yeke fa polele so tënë ayeke na li ti mo pepe.

Abia (Psaumes) 73:9

Ala zi yanga ti ala ti zonga yayu si menga ti ala ayeke kasa ye kue na ndö ti sese.

Abia (Psaumes) 94:4

Ala yeke diko atënë ti baba, ala yeke tene atënë ti zonga, ala yeke pika kate ti ala, azo ti sarango sioni so kue so.

Abia (Psaumes) 98:9

na dawa ti KOTA GBIA! Biani, lo yeke ga ti fâ ngbanga ti azo ti sese so. Fade lo yeke fâ ngbanga ti azo ti dunia so mbirimbiri, lo yeke fâ ngbanga ti azo na legeni.

Sigingo 16:8

Moïse akiri atene: “Fade ala yeke hinga atene KOTA GBIA laa, na ndembe so lo yeke mu na ala nyama na lakui titene ala te si na ndaperere, lo yeke mu na ala mapa titene ala te ya ti ala asi. Biani, lo ma kasango so ala kasa lo so. E, e yeke ti e zo wa? Ala yeke kasa e pepe, me KOTA GBIA laa ala yeke kasa lo.”

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Zo ti bongbingo azo 12:14

Biani, aye so kue zo ayeke sara, ataa na hondengo ni, nzoni ni wala sioni ni, fade Nzapa ayeke iri zo na ngbanga.

Ezekiel 35:13

Ala tene tënë na tere ti mbi na baba; ala tene atënë ti baba na tere ti mbi: mbi ma atënë ni kue awe.

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Daniel 7:20

Mbi ye nga ti hinga tënë mbirimbiri na ndö ti adidi baleoko so ayeke na li ti nyama ni so, na mbeni so ayeke sigigi si adidi ota ati na dawa ni so: ale ti didi ni ayeke daa si yanga ni ayeke daa so ayeke tene gba ti atënë ti baba. Azo abaa didi ni kota ahon atanga ni.

Jean 5:27

Tongaso lo mu ngangu ti fango ngbanga na Molenge ni, ngbanga ti so Molenge ni ayeke *Molenge ti Zo.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Rome 14:10

Me mo, mo yeke kasa mba ti mo ngbanga ti nyen? Mo yeke baa amba ti mo tongana azo ti buba ngbanga ti nyen? Fade e oko oko kue, e yeke luti na le ti Nzapa titene lo fâ ngbanga ti e.

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

1 Korente 5:13

Ti azo ti gigi, Nzapa laa ayeke fâ ande ngbanga ti ala. Mbeti ti Nzapa atene: “Ala zi zo ti sioni so ayeke na popo ti ala.”

1 Timothée 1:9

Alingbi e hinga ye so: azo so ayeke sara ye mbirimbiri, ndia ayeke ndali ti ala pepe; me ndia ayeke ndali ti azo so ake ti ma yanga, azo ti ngangu li, azo so ake tënë ti Nzapa, azo ti sarango siokpari, azo so akpe ye ti Nzapa wala ye ti yingo pepe, azo so ayeke fâ ababâ na amama ti ala, azo ti fango zo,

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Aye so Nzapa afa 13:11

Na pekoni, mbi baa mbeni nyama nde; lo londo na ya ti sese si lo sigigi. Lo yeke na adidi use so akpa ti molenge ti taba si lo yeke tene tënë tongana sioni nyama so akpa ngunde so.

Aye so Nzapa afa 22:20

Zo so atene tënë ti aye so, lo tene, aye ni ayeke taa-tënë; lo tene: “Biani, mbi yeke ga fafadeso!” Amen! Ga, *Kota Gbia Jésus!

1 Samuel 2:3

Ala azo, ala ngba ti diko atënë ti baba ti ala pepe; ala zia atënë ti mbana so ayeke sigigi na yanga ti ala. KOTA GBIA ayeke Nzapa so ahinga ye kue; lo laa lo yeke fâ ngbanga ti aye so kue azo ayeke sara.