Jude 1:12 - Mbeti ti Nzapa - Tënë so amu fini

¹² A-ita, na ndembe so ala yeke te kobe ti beoko si azo ni so ayeke na popo ti ala, azo ni aga tongana mbeni sarate na ya ti matanga ti ala ti tengo kobe. Azo ni so ayeke te ye na kamene pepe, ala hinga gi nzara ti ya ti ala. Ala yeke tongana ambinda so pupu ayeke hon na ni si ngu apika na peko ni pepe. Ala yeke nga tongana akeke so ale pepe, ataa so ndembe ni alingbi awe; tongana a zi gere ni, akui biani biani.

Jude 1:12 ပူးပေါင်းရင်းမြစ်များ

2 Mbai 7:20

fade mbi yeke gboto ala na sese ti mbi tongana ti so a yeke gboto pere; sese so mbi mu na ala so. Kota da so mbi zia ni nde ndali ti mbi wani, fade mbi yeke bi ni yongoro na le ti mbi, mbi yeke sara titene aga mbeni ye ti *mato nga na ye so azo kue ayeke he na ngia.

Mbeti ti Job 8:17

Agunda ti lo ahon na ndö ti tere, na ndö ti tere na popo ti atêne; keke ni ali ngbii na gbe ti kota têne.

Abia (Psaumes) 1:3

Lo yeke tongana keke so a lu na tere ti ngu: keke so ayeke le na ngoi ti lengo ni, akugbe ti lo angba fini lakue. Aye so kue zo ni ayeke sara ayeke ga nzoni.

Abia (Psaumes) 37:2

Biani, fade ala yeke woko hio tongana kongo, ala yeke hole tongana pere.

Amato 25:14

Zo so amu zendo ti mu mbeni nzoni ye na mba ti lo si lo mu ni pepe, lo yeke tongana mbinda na pupu so ayeke ga, me aga na ngu-Nzapa pepe.

Ezekiel 17:9

“Mo tene: Tënë so Kota Gbia NZAPA atene ayeke so: ‘Vinye so ayeke mai ande laa? Kozo ngoalo ni ayeke gboto agunda ti vinye ni pepe? Lo yeke buba ale ni si akete keke so asigigi na tere ni ahole pepe? Lo yeke hunda titene mbeni ngangu zo wala gba ti azo si agboto ni pepe.

Ezekiel 34:10

Tënë so mbi Kota Gbia NZAPA, mbi tene ayeke so: Mbi yeke ga na tere ti awabatango-taba ni. Mbi yeke gi ataba ti mbi, mbi yeke zi ala na maboko ti ala; mbi yeke zi ala na kua ti batango ataba ni, tongaso si awabatango-taba ni alingbi ti gi kobe ndali ti ala wani mbeni pepe. Mbi yeke gboto ataba ni na yanga ti ala si ataba ni ayeke kiri ti duti kobe ti ala pepe.

Ezekiel 34:18

Nzoni pere so ala te so alingbi na ala pepe? Ngbanga ti nyen si ala kiri ado na gbe ti gere ti ala tanga ti pere so angba so? Ngu so le ni avuru vurungo si ala nyon so alingbi na ala pepe? Ngbanga ti nyen si ala kiri ado ya ti ngu ni si le ni abuba so?

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Ezekiel 34:8

Fini ti mbi! Tënë so mbi Kota Gbia NZAPA, mbi tene ayeke so: Azo anzi ataba ti mbi; anyama kue ti ngonda ate ala, ngbanga ti so wabatango ala ayeke daa pepe. Awabatango-taba ni ague, agi peko ti ataba ti mbi pepe. Me ala gi kobe gi ndali ti ala wani, ala gi kobe ndali ti ataba ni pepe.

Osée 6:4

KOTA GBIA akiri tënë na ala: “Mo Efraim, fade mbi yeke sara nyen na mo? Mo Juda, fade mbi yeke sara nyen na mo? Yengo so ala ye na mbi ayeke tongana mbinda ti ndaperere, ayeke tongana ngu ti pere ti ndaperere so ayeke hon hongo.

Awayango-sandaga 14:43

“Na peko ti so a zi atêne ti da ni awe, a kpaka tere ti da ni si a kiri a bo tere ni na fini potopoto, tongana ye ni akiri asigigi na tere ti dere ti ya ti da ni,

Matthieu 13:6

So lâ asu ngangu, lâ ni agbi ale ti kobe ni si ahole, ngbanga ti so agere ni ali mingi pepe.

Matthieu 15:13

Jésus akiri tënë na ala: “Akeke so kue Babâ ti mbi so ayeke na yayu alu ni pepe, fade a yeke gboto ni.

Marc 4:6

So lâ asu ngangu, lâ ni agbi ale ti kobe ni si ahole, ngbanga ti so agere ni ali mingi pepe.

Nzoni Tënë so Luc asu na mbeti 12:45

Me tongana zo ti kua ni atene na be ti lo, atene: ‘Makonzi ti mbi ayeke ga ande hio pepe’ si lo to nda ti pika akoli na awali so ayeke sara kua kâ, lo yeke te, lo yeke nyon si lo ga ngbaa ti samba,

Nzoni Tënë so Luc asu na mbeti 16:19

“Ando, mbeni zo ti mosoro ayeke daa so lo yeke yu gi apendere bongo ti nginza. Lo yeke duti nzoni si lakue na da ti lo, gi matanga na matanga.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Nzoni Tënë so Luc asu na mbeti 8:6

Ambeni le ni atuku na ndö ti atêne; ala sigigi, akono si ahole, ngbanga ti so ngu ayeke na gere ni pepe.

Efeze 4:14

Fade e yeke kiri ti duti tongana akete molenge pepe so *mapo ti atënë nde nde ayingi ala, so pupu ti azo ti mvene nga na fango ye ti ala na lege ti mayere ahon na ala kirikiri tongana ngo na le ti ngu.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

1 Timothée 5:6

Me wali-mua so be ti lo ayeke na ndö ti anzerengo ye ti dunia so, lo kui awe, ataa so lo ngba na fini.

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

Jacques 5:5

Na sese so, ala duti na ya ti mosoro mingi si ala duti gi na ngia. Ala te ye, ala kono kirikiri tongana abagara so aku lango ti fango ala.