Jude 1:11 - Mbeti ti Nzapa - Tënë so amu fini

¹¹ Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.

Jude 1:11 ပူးပေါင်းရင်းမြစ်များ

2 Agbia 16:16

Wayango-sandaga Uria asara aye so kue gbia Ahaz amu yanga na lo ti sara.

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Ésaïe 3:9

Ala yeke mu mbage ti ambeni zo, so laa ayeke bi tënë na li ti ala; ala yeke sara asiokpari gi polele tongana ti azo ti Sodome, ala yeke sara ni na hondengo ni pepe. So mawa na ala! Ala wani ayeke leke ye ti mawa ndali ti ala.

Jérémie 13:27

Asarango ye ti ndumba ti mo, totongo ti mo tongana ti mbarata so ayeke toto na peko ti wali-mbarata so, asarango ye ti ndumba ti mo na li ti ahoto, nga na ya ti ayaka ayeke mu kamene na zo! Mbi baa afungo nzapa ti mo so kue! So ye ti mawa ti nyen, Jérusalem! Mo ye ti ga *nzoni pepe! Mo yeke ngba ti sara ye tongaso ngbii asi lawa?”

Ezekiel 13:3

Tënë so mbi Kota Gbia NZAPA, mbi tene ayeke so: Mawa na ala, awayanga-nzapa so ahinga ndo pepe! Ala so abaa ye oko pepe si ala mu gi atënë ti ya ti li ti ala si ayeke tene so.

Mishe 6:5

Ala azo ti mbi, ala dabe ti ala na ye so Balak, gbia ti Moab, aleke ando na be ti lo ti sarango ni, nga na tënë so Balaam, molenge ti Beor, akiri na ni na Balak so. Ala dabe ti ala nga na londongo so azo ti Israel alondo na Shitim ngbii ala si na Gilgal so. Tongaso, fade ala yeke hinga lege so KOTA GBIA ayeke sara nzoni na azo ti lo.”

Zakarii 11:17

Mawa na wabatango-taba so lo hinga ndo pepe, lo so lo do ataba ti lo, lo zia ala so! Ayeke nzoni a de maboko ti lo si a koro le ti lo ti mbage ti koli na ya ti bira! Ayeke nzoni maboko ti lo ahole biani biani, le ti lo ti mbage ti koli amingo biani biani!

Wungo ti azo 31:16

Ala hinga kue, lani na ya ti tënë ti Peor, awali ti mara ti Madian laa ama wango ti Balaam si ala pusu azo ti Israel ti sara siokpari ti ke KOTA GBIA. Ndani laa, kobela ti bubango kodro ati lani na ndö ti bongbi ti azo ti Israel.

Matthieu 11:21

Lo tene na ala: “Mawa na mo, gbata ti Korazen! Mawa na mo, gbata ti Betsaida! Biani, tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala tuku mburu ti wâ na li ti ala aninga awe ti fa atene, ala zia ngbene lege ti sarango ye ti ala awe!

Ndia ti fani use ni 23:4

Fade azo ti mara ti Amon na ti Moab ayeke li laoko pepe na ya ti bongbi ti azo ti KOTA GBIA. Ti londo na ala ngbii asi na molongo ti ahale ti ala baleoko, fade zo oko ayeke li na ya ti bongbi ti azo ti KOTA GBIA pepe.

Ahebro 11:4

Na lege ti mabe, Abel amu na Nzapa *sandaga so ayeke nzoni ahon ti Kain. Ndali ti mabe ti Abel, Nzapa atene, lo yeke zo ti mbirimbiri si lo yeda na aye so Abel amu. Na lege ti mabe si Abel angba ti tene tënë laso na e, ataa so lo kui awe.

2 Pierre 2:15

Ala do lege ti mbirimbiri azia awe, ala girisa lege si ala mu peko ti Balaam, molenge ti Bosor. Balaam ayeda ti wara nginza titene lo sara ye ti sioni.

1 Jean 3:12

E sara ye tongana Kain pepe: lo yeke zo ti Sioni wato si lo fâ ita ti lo Abel. Ngbanga ti nyen si lo fâ lo? Ngbanga ti so ye so Kain ayeke sara, ayeke sioni si ti ita ti lo ayeke mbirimbiri.

Aye so Nzapa afa 2:14

Me ambeni ye so mbi ke na mo ayeke so: na ndo ti mo, ambeni zo ayeke daa so ayeke mu peko ti Balaam na lege ti fango tënë ti lo. Ando Balaam amu wango na Balak titene lo handa azo ti Israel ti te anyama so a mu na *sandaga na anzapa nde si ala sara nga aye ti ndumba.