Josué 9:9 - Mbeti ti Nzapa - Tënë so amu fini

⁹ Ala kiri tënë na lo, atene: “E azo ti kua ti mo, e londo na mbeni kodro yongoro mingi. E ga ndali ti so, e ma sango ti *KOTA GBIA, Nzapa ti mo. E ma nga tënë ti aye so kue lo sara na kodro ti Ezipte,

Josué 9:9 ပူးပေါင်းရင်းမြစ်များ

1 Agbia 8:41

“Tongana wande, lo so lo yeke na popo ti azo ti Israel pepe, azo ti mo, tongana lo ma tënë ti iri ti mo na ya ti mbeni kodro yongoro si lo ga,

Néhémie 9:5

Na pekoni, azo ti mara ti Lévi Yeshua, Kadmiel, Bani, Hashabeneya, Sherebia, Hodia, Shebania na Petahia atene na azo ni, atene: “Ala londo! Ala mu singila na KOTA GBIA Nzapa ti ala lakue lakue, kpu na kpu!” “*KOTA GBIA, ayeke nzoni zo oko oko amu singila na mo, ngbanga ti so iri ti mo alingbi na gonda! Iri ti mo ayeke kota ahon tënë so kue zo alingbi ti tene ti mu singila na mo nga ti sepela mo!

Abia (Psaumes) 148:13

Ayeke nzoni ala sepela iri ti KOTA GBIA, ngbanga ti so lo oko laa lo yeke kota mingi, gonda ti lo amu ndö ti sese na yayu kue!

Abia (Psaumes) 72:19

Singila na Nzapa kpu na kpu ndali ti iri ti lo so alingbi na gonda! Ayeke nzoni sese kue asi singo na gonda ti lo! Amen! Amen!

Abia (Psaumes) 78:12

Na Ezipte, na sese ti Soan, na le ti akotara ti ala, Nzapa asara ye ti kpene:

Abia (Psaumes) 83:18

Ayeke nzoni kamene na mbeto agbu ala lakue lakue. Ayeke nzoni kota kamene agbu ala si ala kui kue!

Sigingo 15:14

Amara so angoro ala ama tënë ni, tere ti ala ado na mbeto. Kota mbeto agbu azo ti Filistii.

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Ésaïe 55:5

Mo Israel, fade mo yeke iri mara so mo hinga ni pepe; mara so ahinga mo pepe ayeke mu loro ti ga na mbage ti mo. Lo yeke ga ndali ti mbi KOTA GBIA, Nzapa ti mo, Nzapa ti Israel so ayeke nde si ayeke nzoni kue, lo so lo sara si mo wara gonda.”

Ésaïe 66:19

Fade mbi yeke zia na popo ti ala mbeni ye so afa ngangu ti mbi. Na peko ti ngbanga so mbi fâ, azo so ayeke ngba na fini, mbi yeke tokua ala na mbage ti amara so ayeke na Tarsis, na Pul nga na Lud – azo ni so ahinga ti pika kokora mingi – Mbi yeke tokua ala na ndo ti azo ti Tubal na ti Yavan, nga na ndo ti azo ti azoa so ayeke yongoro kâ, ndo so azo ade ti ma tënë ti mbi daa laoko pepe, ndo so azo ade ti baa gonda ti mbi daa laoko pepe. Fade awatokua ni ayeke fa gonda ti mbi na amara ni.

Wungo ti azo 14:15

Tongana mo fâ ala kue na ya ti lango oko, azo ti amara nde so ama sango ti mo, ayeke tene ande, atene:

Wungo ti azo 20:14

Moïse atokua azo na ndo ti gbia ti Edom atene: “Mo ma tënë so a-ita ti mo, azo ti Israel atene: Aye ti ngangu nde nde asi na e, mo hinga tënë ni kue awe.

Awatokua 8:7

Biani, asioni yingo asigigi na ya ti azo mingi na dekongo na yanga ti ala. Azo mingi so mbeni mbage ti tere ti ala abuba na ala so gere ti ala abuba, tere ti ala aga nzoni.

Ndia ti fani use ni 20:11

Tongana azo ti gbata ni ayeda na tënë ti siriri ni, tongana ala zi ayanga ti gbata ni na ala, fade azo ti gbata ni kue ayeke ga azo ti sarango angangu kua na gbe ti ala, azo ti Israel.

Ndia ti fani use ni 20:15

Ala yeke sara gi mara ti ye ni so na agbata so kue ayeke yongoro mingi, so ti tene agbata ti amara so ayeke pepe na ya ti kodro so ala yeke gue ti duti daa.

Josué 9:10

na ye so lo sara na agbia use ti azo ti mara ti Amori so ayeke na mbage ti ngu ti Jourdain. Agbia ni ayeke Sihon, gbia ti Heshebon, na Og, gbia ti Bashan so ayeke lango na Ashetarot.

Josué 9:16

Lango ota na peko ti mango tere ti ala ti ga ambuki, azo ti Israel ama a tene, azo ti Gabaon ayeke nduru na ala; ala lango ayo na ala pepe.

Josué 9:17

Azo ti Israel amu lege ague si lango ota na pekoni, ala li na ya ti agbata ti azo ni; agbata ni ayeke Gabaon, Kefira, Beerot na Kiriat-Yearim.

Josué 9:24

Azo ti Gabaon akiri tënë na Josué, atene: “E azo ti kua ti mo, e sara ye tongaso, ngbanga ti so e ma a tene, KOTA GBIA, Nzapa ti mo, amu yanga na Moïse, zo ti kua ti lo atene, fade ni yeke mu sese ni kue na ala, azo ti Israel si ala yeke fâ azo ti sese ni kue ti hunzi ala. Mbeto ti ala agbu e mingi si e baa e tene, e kui ti e awe.