Josué 9:8 - Mbeti ti Nzapa - Tënë so amu fini

⁸ Azo ti Hivi atene na Josué: “E yeke azo ti kua ti mo.” Josué ahunda ala, atene: “Ala yeke azo wa? Ala londo na ndo wa?”

Josué 9:8 ပူးပေါင်းရင်းမြစ်များ

2 Agbia 10:5

Makonzi ti yangbo ti gbia, makonzi ti gbata ni, akangba na azo so ayeke bata amolenge ti gbia atokua ndo na Yehu, atene: “E yeke azo ti kua ti mo; ye so kue mo hunda na e ti sara, fade e yeke sara ni. E yeke mu mbeni zo oko ti ga gbia pepe. Fade mo sara ye so be ti mo aye.”

Ndia ti fani use ni 20:11

Tongana azo ti gbata ni ayeda na tënë ti siriri ni, tongana ala zi ayanga ti gbata ni na ala, fade azo ti gbata ni kue ayeke ga azo ti sarango angangu kua na gbe ti ala, azo ti Israel.

Josué 10:6

Azo ti Gabaon atokua azo na Josué so ayeke na bâbâ ti Gilgal ti tene na lo, atene: “Mo zia pepe ti mu maboko na e, azo ti kua ti mo. Ga hio mo mu maboko na e, mo soo e na kuâ! Biani, agbia kue ti Amori so ayeke na sese ti ahoto ama tere ti tiri bira na e.”

Josué 9:11

*Akangba ti e na azo so kue ayeke lango na kodro ti e atene na e: ‘Ala mu kobe ti tengo ni na lege, ala gue, awara azo ti Israel, ala tene na ala, atene: E yeke azo ti kua ti ala. Fadeso, e hunda na ala titene e na ala e ga ambuki.’

Josué 9:23

Ti londo na lango ti laso, a deba ala awe. Ala yeke ngba lakue ti sara kua ti ngbaa, kua ti surungo akeke na ti tongo ngu ndali ti da ti Nzapa ti mbi.”

Josué 9:25

Fadeso, e yeke na gbe ti komandema ti mo; sara na e tongana ti so mo baa nzoni na le ti mo si ayeke mbirimbiri.”

Josué 9:27

Gi na lango ni so, Josué azia azo ti Gabaon titene ala ga azo ti surungo akeke na ti tongo ngu ndali ti bongbi ti azo ti Israel nga ndali ti gbalaka ti KOTA GBIA. Ala yeke sara kua ni na ndo so fade KOTA GBIA ayeke soro ni. Ala ngba ti sara kua ni ngbii asi laso.