Josué 9:27 - Mbeti ti Nzapa - Tënë so amu fini

²⁷ Gi na lango ni so, Josué azia azo ti Gabaon titene ala ga azo ti surungo akeke na ti tongo ngu ndali ti bongbi ti azo ti Israel nga ndali ti gbalaka ti KOTA GBIA. Ala yeke sara kua ni na ndo so fade KOTA GBIA ayeke soro ni. Ala ngba ti sara kua ni ngbii asi laso.

Josué 9:27 ပူးပေါင်းရင်းမြစ်များ

2 Mbai 2:16

Salomon adiko wungo ti awande so kue ayeke na Israel, ala so babâ ti lo David adiko ala lani awe so; wungo ti ala kue ayeke 153 600.

Wungo ti azo 31:28

Aye so a mu na aturugu so ague na bira, mo zi mbeni ndali ti KOTA GBIA; mo zi zo oko na popo ti azo ngbangbo oku, nyama oko na popo ti anyama ngbangbo oku, bagara oko na popo ti abagara ngbangbo oku, lele oko na popo ti alele ngbangbo oku, taba oko wala ngasa oko na popo ti ataba wala angasa ngbangbo oku.

Wungo ti azo 31:30

Na ndö ti aye so a mu na tanga ti azo ti Israel so, mo zi zo oko na popo ti azo baleoku, bagara oko na popo ti abagara baleoku, lele oko na popo ti alele baleoku, taba oko wala ngasa oko na popo ti ataba wala angasa baleoku. Aye so kue mo zi so, mo mu ni na azo ti mara ti Lévi so ala yeke sara kua na ya ti da ti mbi KOTA GBIA.”

Wungo ti azo 31:47

Na ndö ti azo na anyama so a mu na azo ti Israel, Moïse azi zo oko na popo ti azo baleoku, nyama oko na popo ti anyama baleoku si lo mu azo ni na anyama ni na azo ti mara ti Lévi, ala so ayeke sara kua na ya ti da ti KOTA GBIA. Lo sara ye ni alingbi na yanga so KOTA GBIA amu na lo.

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 12:14

Fade ala yeke ya asandaga ni gi na ndo so KOTA GBIA asoro ni na ya ti sese ti mbeni mara ti ala oko. Gi na ndo so oko laa ala yeke sara aye so kue mbi mu yanga na ala ti sarango ni.

Ndia ti fani use ni 12:5

Fade ala yeke gue ti voro lo gi na ndo so lo yeke soro ni na popo ti amara ti ala kue; na ndo so iri ti lo ayeke duti daa si azo ayeke gue ti voro lo daa.

Josué 9:21

E yeke zia ala titene ala ngba na fini, me ala yeke ga azo ti surungo akeke, azo ti tongo ngu ndali ti bongbi ti azo ni kue.” Ye so akota zo ni aleke na be ti ala ti sara laa.

Josué 9:26

Ye so Josué asara na ala ayeke so: lo kanga lege na azo ti Israel ti fâ ala.