Josué 9:25 - Mbeti ti Nzapa - Tënë so amu fini

²⁵ Fadeso, e yeke na gbe ti komandema ti mo; sara na e tongana ti so mo baa nzoni na le ti mo si ayeke mbirimbiri.”

Josué 9:25 ပူးပေါင်းရင်းမြစ်များ

Tongo nda ti aye 16:6

Abram akiri tënë na Sarai, atene: “Baa zo ti kua ti mo laa; lo yeke na gbe ti komandema ti mo. Sara na lo ye so be ti mo aye.” Tongaso Sarai asara pasi mingi na Agar si Agar akpe yongoro na tere ti Sarai.

2 Samuel 15:26

Me tongana KOTA GBIA aye tënë ti mbi pepe, ayeke nzoni lo sara na mbi tongana ti so be ti lo aye.”

2 Samuel 24:14

David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia e ti na maboko ti KOTA GBIA, ngbanga ti so nzoni be ti lo ayeke kota; me mbi ye ti ti na maboko ti azo pepe.”

2 Agbia 10:5

Makonzi ti yangbo ti gbia, makonzi ti gbata ni, akangba na azo so ayeke bata amolenge ti gbia atokua ndo na Yehu, atene: “E yeke azo ti kua ti mo; ye so kue mo hunda na e ti sara, fade e yeke sara ni. E yeke mu mbeni zo oko ti ga gbia pepe. Fade mo sara ye so be ti mo aye.”

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Jérémie 26:14

Ti mbi, mbi yeke na ya ti maboko ti ala; ala sara na mbi ye so ala baa ayeke nzoni si ayeke mbirimbiri na le ti ala.

Jérémie 38:5

Tongaso gbia Sedesias akiri tënë na ala: “Lo laa na maboko ti ala so! Ataa so mbi yeke gbia, mbi lingbi ti kanga lege na ala pepe.”

Matthieu 11:26

Biani Babâ, ye ni ayeke tongaso, ngbanga ti so mo yeda.

Josué 9:26

Ye so Josué asara na ala ayeke so: lo kanga lege na azo ti Israel ti fâ ala.

Awafango-ngbanga 10:15

Azo ti Israel akiri tënë na KOTA GBIA: “E sara siokpari awe. Sara na e tongana ti so be ti mo aye; me mo soo e laso si!”

Awafango-ngbanga 8:15

Na pekoni, Gédéon ague, abaa azo ti Sukot si lo tene na ala: “Ala he mbi lani atene: ‘Mo zia maboko na ndö ti Zeba na Salmuna awe si mo hunda na e ti mu kobe na azo ti mo so awoko kue awe so?’ Baa, Zeba na Salmuna ni laa mbi ga na ala so!”

1 Samuel 3:18

Tongaso Samuel afa na Heli peko ti atënë so kue. Lo honde mbeni tënë oko pepe. Heli atene: “KOTA GBIA laa; ayeke nzoni lo sara ye so be ti lo aye!”