Josué 9:20 - Mbeti ti Nzapa - Tënë so amu fini

²⁰ Ye so e yeke sara ande na ala ayeke so: e yeke zia ala titene ala ngba na fini. Tongaso pepe, ngonzo ti KOTA GBIA ayeke ti na ndö ti e ndali ti deba ti yanga ti e so e de na ala so.

Josué 9:20 ပူးပေါင်းရင်းမြစ်များ

2 Mbai 36:13

Lo tomboka na tere ti gbia Nabukodonosor so asara si Sedesias adeba yanga ti lo na iri ti Nzapa. Lo sara ngangu li, lo kpengba be ti lo, lo ke ti kiri na mbage ti KOTA GBIA, Nzapa ti Israel.

Amato 20:25

Tongana zo amu zendo ti mu ye na Nzapa, ayeke nzoni lo gbu li ti lo mbirimbiri kozoni si. Tongana lo mu zendo ni si lo gbu li ti lo na peko, fade ayeke ga kuku ndali ti lo.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Rome 1:31

li ti ala ayeke daa pepe, ala yeke azo so asara ye alingbi na zendo ti ala pepe, ala yeke na be ti zo pepe, ala yeke baa mawa ti amba ti ala pepe.

1 Timothée 1:10

azo ti gingo wali wala gingo koli kirikiri, akoli so ayeke lango na amba ti ala akoli, azo so ayeke ka amba ti ala na ngbaa, azo ti mvene, azo so ayeke deba na tënë ti mvene, ala na azo so ayeke sara ye so ayeke nde na fango ye so ayeke mbirimbiri.

Josué 9:19

Me akota zo ni kue atene na bongbi ti azo ni kue, atene: “E deba yanga ti e na azo ti Gabaon na iri ti KOTA GBIA, Nzapa ti Israel awe; e lingbi ti sara sioni na ala mbeni pepe.

Josué 9:21

E yeke zia ala titene ala ngba na fini, me ala yeke ga azo ti surungo akeke, azo ti tongo ngu ndali ti bongbi ti azo ni kue.” Ye so akota zo ni aleke na be ti ala ti sara laa.