Josué 9:14 - Mbeti ti Nzapa - Tënë so amu fini

¹⁴ Azo ti Israel ayeda ti mu ambeni kobe ti azo ti Gabaon, me ala hunda KOTA GBIA ndali ni pepe.

Josué 9:14 ပူးပေါင်းရင်းမြစ်များ

2 Samuel 2:1

Na peko ti aye so, David ahunda *KOTA GBIA, atene: “Mbi lingbi ti gue na mbeni gbata ti Juda?” KOTA GBIA akiri tënë: “Mo gue senge.” David ahunda ndo, atene: “Mbi lingbi ti gue na ndo wa?” KOTA GBIA akiri tënë: “Mo gue na Hebron.”

2 Samuel 5:19

David ahunda *KOTA GBIA, atene: “Alingbi mbi gue, mbi tiri bira na azo ti Filistii so? Fade mo yeke zia ala na maboko ti mbi?” KOTA GBIA akiri tënë na David: “Mo gue! Fade mbi yeke zia ala na maboko ti mo.”

Esdras 8:21

Kâ na tere ti ngu ti Ahava, mbi mu yanga titene e ke kobe, e sara tere ti e kete na gbe ti Nzapa. Tongaso si e, na asewa ti e, e hunda na lo ti sara si tambula ti e ague nzoni si ye asara akungba ti e pepe.

Sigingo 28:30

Ti mo Moïse, fade mo yeke zia na ya ti bozo ti fango ngbanga ni Urim na Tumim. Tongaso aye ni ayeke duti na kate ti Aaron na ndembe so lo yeke ga na dawa ti mbi. Biani, Aaron ayeke yu aye so lakue na kate ti lo na ndembe so lo yeke ga na dawa ti mbi, tongaso si lo lingbi ti hinga ye so be ti mbi aye na mbage ti azo ti Israel.”

Wungo ti azo 27:21

Josué, lo wani, lo yeke luti na dawa ti wayango-sandaga Elazar; Elazar ayeke ga ti hunda mbi KOTA GBIA na lege ti Urim. Na pekoni, lo yeke tene peko ti tënë ti mbi na Josué. Fade Josué na bongbi ti azo ti Israel ayeke gue ti tiri bira, ala yeke kiri na kodro alingbi gi na yanga so mbi, KOTA GBIA, mbi mu.”

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

Josué 9:13

Ala baa abozo ti poro so! Na ndembe so e tuku vin daa, abozo ni angba fade fini ni. Fadeso, abozo ni asuru awe! Abongo ti e na apâpä ti e abuba kue awe ndali ti yongoro tambula so e sara so.”

Awafango-ngbanga 1:1

Na peko ti kuâ ti Josué, azo ti Israel ahunda *KOTA GBIA, atene: “Mara wa laa na popo ti e ayeke gue kozo ti sara bira na azo ti Kanaan?”

Awafango-ngbanga 20:18

Azo ti Israel ague na Betel ti hunda Nzapa: “Mara wa na popo ti e ayeke londo kozoni ti tiri na azo ti Benjamin?” KOTA GBIA akiri tënë na ala: “Mara ti Juda laa ayeke londo kozo!”

Awafango-ngbanga 20:28

Pinas, molenge ti Elazar, molenge ti Aaron laa ayeke bata sanduku ni. Azo ti Israel atene: “Fade e kiri e sara bira na azo ti Benjamin, a-ita ti e? Wala e zia lege ni?” KOTA GBIA akiri tënë na ala: “Ala gue senge, ngbanga ti so kekereke, mbi yeke zia azo ti Benjamin na maboko ti ala.”

1 Samuel 22:10

Ahimelek ahunda *KOTA GBIA ndali ti lo. Lo mu na David kobe ti tengo ni; lo mu nga na lo yongoro zeme ti Goliat, zo ti Filistii.”