Josué 9:13 - Mbeti ti Nzapa - Tënë so amu fini

¹³ Ala baa abozo ti poro so! Na ndembe so e tuku vin daa, abozo ni angba fade fini ni. Fadeso, abozo ni asuru awe! Abongo ti e na apâpä ti e abuba kue awe ndali ti yongoro tambula so e sara so.”

Josué 9:13 ပူးပေါင်းရင်းမြစ်များ

Matthieu 9:17

Zo alingbi nga ti tuku fini vin na ya ti ngbene bozo ti poro pepe. Tongaso pepe, fade bozo ni ayeke sungba, vin ni atuku na sese si bozo ni abuba. Me ayeke nzoni ti tuku fini vin na ya ti fini bozo si fade aye ni use kue angba nzoni.”

Marc 2:22

Zo alingbi nga ti tuku fini vin na ya ti ngbene bozo ti poro pepe, ngbanga ti so fade vin ni ayeke sungba ya ti bozo ni si vin ni na bozo ni kue abuba. Zo ayeke zia fini vin gi na ya ti fini bozo ti poro.”

Nzoni Tënë so Luc asu na mbeti 5:37

Zo alingbi nga ti tuku fini vin na ya ti ngbene bozo ti poro pepe. Tongaso pepe, fade fini vin ni ayeke sara si bozo ni asungba, vin ni atuku na sese si bozo ni abuba.

Ndia ti fani use ni 29:5

Kobe ti ala ti tengo ni ayeke lani mapa pepe, ngu ti ala ti nyongo ni ayeke vin wala angangu samba pepe. Aye so kue asi titene ala hinga atene, lo yeke KOTA GBIA Nzapa ti ala.

Josué 9:12

Ala baa, mapa ti e laa! Na ndembe so e mu ni na ya ti ada ti e si e londo ti ga ge, mapa ni angba fade wâ. Fadeso, mapa ni ahole kue si aga fuku!

Josué 9:14

Azo ti Israel ayeda ti mu ambeni kobe ti azo ti Gabaon, me ala hunda KOTA GBIA ndali ni pepe.

Josué 9:4

Ti azo ti Gabaon, ala sara ye na mayere. Ala leke akobe ti ala ti tengo ni na lege, ala mu agbagba sake na agbagba bozo ti samba so a sara ni na poro ti nyama, a suru surungo, ala fu ni kirikiri si ala zia ni na ndö ti alele.

Josué 9:5

Ala yu agbagba pâpä so a fu ni kirikiri, ala yu nga agbagba bongo; ala mu amapa so ahole holengo si aga fuku.