Josué 8:8 - Mbeti ti Nzapa - Tënë so amu fini

⁸ Tongana ala mu gbata ni awe, fade ala yeke bi wâ daa alingbi na yanga so KOTA GBIA amu. Baa, yanga so mbi mu na ala laa.”

Josué 8:8 ပူးပေါင်းရင်းမြစ်များ

2 Samuel 13:28

Na pekoni, Absalom amu yanga na azo ti kua ti lo, atene: “Ala baa Amnon nzoni. Na ndembe so lo nyon samba ahon ndö ti lo si be ti lo ayeke na ngia, tongana mbi tene na ala: ‘Ala pika Amnon!’, fade ala pika lo, ala fâ lo. Ala sara mbeto pepe, mbi laa mbi mu yanga na ala! Ala gbu ngangu, ala sara ye ti koli!”

Ndia ti fani use ni 20:16

Ti agbata ti amara so KOTA GBIA Nzapa ti ala ayeke mu ni na ala titene aga ti ala, ye so kue ayeke na fini, fade ala yeke zia ni pepe titene angba na fini.

Josué 1:16

Akapita ni akiri tënë na Josué, atene: “Aye so kue mo mu yanga na e titene e sara, fade e yeke sara ni; ndo so kue mo yeke tokua e daa, fade e yeke gue.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 6:24

Na pekoni, ala gbi gbata ni na aye so kue ayeke na ya ni. Ye so ala gbi ni pepe ayeke gi wen ti nginza, lôro nga na aye so a sara ni na bengba wen nga na wen. Ala mu aye ni azia na ya ti kubu so a yeke bata amosoro ti da ti *KOTA GBIA daa.

Josué 8:13

Aturugu ni asara bâbâ ti ala na Banga ti gbata ni. Mbeni mbage ti aturugu so ayeke ga na peko asara ti ala bâbâ ni na Do ti gbata ni. Na bi ni so, Josué ague na popo-hoto ni.

Josué 8:2

Fade mo yeke sara na gbata ti Ai na gbia ni gi mara ti ye so mo sara lani na gbata ti Jéricho nga na gbia ni. Me ala lingbi ti mu aye so ala yeke gbu na peko ti bira, anzoni ye nga na anyama ti gbata ni titene aga ti ala. Mo tokua ambeni turugu na hondengo ni na mbage ti peko ti gbata ni.”

Josué 8:22

Ambeni zo ti Israel alondo na ya ti gbata ni si ala gue ti tiri nga na azo ti Ai. Azo ti Israel akanga lege mbage na mbage si azo ti Ai ayeke gi na popo ti azo ti Israel. Azo ti Israel afâ ala kue, zo oko angba na fini pepe, zo oko awara lege ti kpe pepe.

Josué 8:28

Josué agbi Ai; lo sara si gbata ni aga gba ti têne kpu na kpu, aga tongana benyama; angba tongaso ngbii asi laso.

Josué 8:7

Tongaso ala, aturugu, fade ala yeke sigigi na ndo so ala honde tere ti ala daa so si ala yeke mu gbata ni. Biani, KOTA GBIA, Nzapa ti ala ayeke zia ni na maboko ti ala.

Josué 8:9

Josué atokua aturugu ni na ndo so lo ye titene ala gue, ahonde tere ti ala daa so. Ala gue, aduti na mbage ti Do ti gbata ti Ai, na popo ti Betel na Ai. Ti Josué, lo na tanga ti aturugu ni angba alango na bi ni so.

Awafango-ngbanga 4:6

Mbeni lâ, Debora atokua ti iri Barak, molenge ti Abinoam. Barak ayeke na kodro ti Kedesh na sese ti Neftali. Debora atene na lo: “KOTA GBIA, Nzapa ti Israel amu yanga atene, mo londo, mo gue, mo mu akoli saki baleoko na popo ti azo ti mara ti Neftali na ti Zabulon, mo gue na ala na ndö ti hoto ti Tabor.