Josué 8:4 - Mbeti ti Nzapa - Tënë so amu fini

⁴ Lo mu yanga na ala, lo tene: “Ala gue, ahonde tere ti ala na mbage ti peko ti gbata ni, ala gue yongoro mingi pepe; ala kue aduti nduru ti sara bira ni.

Josué 8:4 ပူးပေါင်းရင်းမြစ်များ

2 Agbia 7:12

Gbia alondo na bi ni; lo tene na azo ti kua ti lo: “Mbi ye ti fa na ala nda ti ye so azo ti Sirii ayeke leke ti sara na e. Ala hinga atene, nzara ahon ndö ti e. Ndani laa ala zia bâbâ ti ala, ala sigigi ti honde tere ti ala na ya ti ngonda. Ala tene: ‘Tongana azo ti Israel alondo na ya ti gbata ni ti sigigi, fade e yeke gbu ala na fini le ti ala si na pekoni, e yeke li na ya ti gbata ti ala.’ ”

2 Mbai 13:13

Na ngoi ni so, Yeroboam atokua ambeni turugu ti luti na hondengo ni na mbage ti peko ti azo ti Juda; azo ti Israel ayeke na dawa ti ala si ambeni turugu ti Yeroboam aluti na hondengo ni na mbage ti peko ti azo ti Juda ni.

Zo ti bongbingo azo 7:19

Ndara ayeke sara si zo ti ndara ayeke na ngangu mingi ahon amakonzi baleoko so ayeke na ya ti mbeni gbata.

Zo ti bongbingo azo 9:16

Nilaa mbi tene, ndara ayeke nzoni ahon ngangu. Me tongana zo ti ndara ayeke wayere, azo ayeke baa ndara ti lo tongana mbeni ye oko pepe; ala yeke ma nga atënë ti lo pepe.

Awatokua 23:21

Me mo yeda na tënë ti ala pepe, ngbanga ti so ambeni koli, li ti ala ahon baleosio, ayeke honde ande tere ti ala ti ku lo. Ala deba yanga ti ala atene, ala yeke te kobe wala ala yeke nyon nga ngu pepe, ngbii ala fâ Paul si. Ala leke tere ti ala awe si ala yeke ku gi tënë ti yanga ti mo.”

Josué 8:16

A mu yanga na azo ti Ai kue ti tumba peko ti azo ti Israel. Ala tumba peko ti azo ni si ala handa ala, ahon na ala yongoro na gbata ni.

Josué 8:3

Josué na aturugu ti lo kue aleke tere ti ala ti gue ti tiri bira na gbata ti Ai. Lo soro aturugu saki baleota, angangu zo ti bira si lo tokua ala na bi.

Awafango-ngbanga 20:29

Azo ti Israel ahonde aturugu angoro Gibea kue.

Awafango-ngbanga 20:33

Azo ti Israel kue alondo na ndo so ala honde tere ti ala daa, ala gue, aleke tere ti ala na Baal-Tamar. Ala so ahonde tere ti ala na ya ti ngonda nduru na gbata ni alondo na lando ti Gibea asigigi.

Awafango-ngbanga 20:36

Azo ti Benjamin ahinga atene, a kinda ala awe. Andaa azo ti Israel azia ndo na azo ti Benjamin, ngbanga ti so ala zia be ti ala na ndö ti amba ti ala so ahonde tere ti ala na ya ti ngonda, nduru na Gibea.

Awafango-ngbanga 9:25

Nilaa akota zo so ayeke na Sishem ahonde *azaragina na li ti ahoto si ala yeke nzi akungba ti azo so kue ayeke hon na lege. Abimelek ama tënë ni.

Awafango-ngbanga 9:32

Tongaso mbi hunda na mo ti londo gi na bi so, mo na azo ti mo, ala gue, ahonde tere ti ala na ya ti ngonda.

1 Samuel 15:2

Tënë so KOTA GBIA so ayeke na ndö ti dunia kue atene ayeke so: ‘Fade mbi yeke fâ ngbanga na ndö ti azo ti Amalek ndali ti ye so ala sara ando na azo ti Israel. Azo ti Amalek akanga lege na ala na ndembe so ala londo na sese ti Ezipte ti sigigi.

1 Samuel 15:5

Saul ague ngbii asi na gbata ti azo ti Amalek. Lo na aturugu ti lo ahonde tere ti ala na ndo so ngu ayeke sua daa, me ngu ni ahole awe.