Josué 8:35 - Mbeti ti Nzapa - Tënë so amu fini

³⁵ Josué adiko atënë ti Ndia ti Moïse na dawa ti bongbi ti azo ti Israel kue, na awali, amolenge nga na awande so ayeke na popo ti ala; lo girisa mbeni tënë oko daa pepe.

Josué 8:35 ပူးပေါင်းရင်းမြစ်များ

Esdras 10:1

So Esdras angba ti kuku na dawa ti kota da ti Nzapa, lo yeke toto si lo yeke sambela ti hunda titene Nzapa azi siokpari na li ti ala, gba ti azo ti Israel, akoli, awali na amolenge, abongbi na tere ti lo. Azo ni kue ayeke toto mingi.

Néhémie 8:2

Wayango-sandaga Esdras aga na mbeti ti Ndia ni na gbe ti bongbi ti azo ni. Akoli, awali na azo so kue alingbi ti ma ya ti mbeni tënë nzoni, abongbi na ndo so. Ye ni ayeke na kozo lango ti nze mbarambara ni.

Néhémie 8:3

Ti londo na kota ndaperere ngbii asi na bekombite, Esdras aluti na kota le ti kodro so abaa le na yanga ti gbagba so iri ni Ti-ngu; lo diko mbeti ti Ndia ni na akoli, na awali nga na azo so kue alingbi ti ma ya ni. Azo ni kue aduti kpoo ti ma tënë ti Ndia so a yeke diko ni so.

Sigingo 12:38

Ambeni zo gbani gbani so ayeke ti amara nde nde amu peko ti ala si ala na ala ague. Ala gue na ataba, angasa na abagara; anyama ni awu ahon ndoni.

Jérémie 26:2

“Tënë so KOTA GBIA atene ayeke so: Gue mo luti na ya ti gbagba ti kota da ti KOTA GBIA, mo to mbela na tënë so na azo so kue alondo na ya ti agbata ti Juda si aga ti voro Nzapa na ya ti kota da so. Mo tene na ala atënë so kue mbi mu yanga na mo ti tene; mo zi mbeni tënë oko na ya ni pepe.

Joël 2:16

ala bongbi azo ti kodro, ala iri azo ti bongbi ndali ti Nzapa. Ala bongbi ambakoro, ala bongbi amaseka nga na akete molenge so angba ti nyon me. Ayeke nzoni koli na wali so amu tere fini ni alondo na ya ti kubu ti ala asigigi.

Zakarii 8:23

Tënë so KOTA GBIA so ayeke na ndö ti dunia kue atene ayeke so: na ngoi ni so, fade azo baleoko so ayeke tene ayanga ti kodro nde nde ayeke gbu mbeni zuife oko na yanga ti bongo ti lo si ayeke tene na lo: ‘E nga, e ye ti gue na ala, ngbanga ti so e ma a tene, Nzapa ayeke na ala.’ ”

Marc 10:14

So Jésus abaa ye so, ngonzo agbu lo si lo tene na adisiple ni, lo tene: “Ala zia akete molenge aga na mbi! Ala kanga lege na ala pepe, ngbanga ti so *Kodro-gbia ti Nzapa ayeke ndali ti azo so ayeke tongana amolenge so.

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Awatokua 21:5

Me so lango ti e na ndo so ahunzi awe, e londo ti hon. Adisiple ni kue, ala na awali ti ala na amolenge ti ala ague, azia e na lege ngbii asi na yanga ti gbata ni. E kuku na yanga ti kota ngu-ingo ni si e sambela.

Ndia ti fani use ni 29:10

awali ti ala na amolenge ti ala, ataa awande so aduti na popo ti ala na ya ti bâbâ si kua ti ala ayeke ti de keke wala ti to ngu na ala, azo ti Israel.

Ndia ti fani use ni 29:11

Fadeso KOTA GBIA Nzapa ti ala asara *mbuki na ala; alingbi ala yeda biani na tënë ti mbuki so lo deba yanga ti lo daa so.

Ndia ti fani use ni 29:9

Moïse atene: Ala, azo ti Israel, ala laa aluti laso na le ti *KOTA GBIA Nzapa ti ala so. Azo kue ayeke na ndo so: azo so ayeke na li ti amara ti ala na amakonzi ti ala, *akangba ti ala na azo so ayeke baa ndo na ndö ti akua ti ala,

Ndia ti fani use ni 31:12

Fade azo kue ayeke bongbi tere ti ala, akoli, awali, amolenge na awande so asara kodro na ndo ti ala, azo ti Israel, titene ala ma atënë ti Ndia so a yeke diko ni so. Tongaso si ala yeke manda ti kpe mbeto ti KOTA GBIA Nzapa ti ala si ala sara ye alingbi na atënë kue ti Ndia so.

Ndia ti fani use ni 4:2

Tënë so mbi yeke fa na ala, alingbi ala zia mbeni tënë na ndö ni pepe, ala zi nga mbeni tënë na ya ni pepe; me alingbi ala sara ye alingbi na atënë kue ti yanga ti KOTA GBIA Nzapa ti ala.