Josué 8:33 - Mbeti ti Nzapa - Tënë so amu fini

³³ Azo ti Israel kue na *akangba ti ala, amakonzi ti ala, awafango-ngbanga ti ala na awande so ayeke na popo ti ala, aluti na tere ti sanduku ti mbuki ti KOTA GBIA mbage na mbage. Ala luti na le ti awayango-sandaga so ayeke azo ti mara ti Lévi so ayeke yo sanduku ti mbuki ni. Mbeni ndambo ti azo ni aluti na mbage ti hoto ti Garizim si mbeni ndambo ti ala aluti na mbage ti hoto ti Ebal. Moïse, zo ti kua ti KOTA GBIA amu ando yanga na azo ni ti sara tongaso ti sara tufa na ndö ti azo ti Israel.

Josué 8:33 ပူးပေါင်းရင်းမြစ်များ

Sigingo 12:49

“Ndia oko so ayeke ndali ti zo ti Israel so a du lo na ya ti kodro ni nga ndali ti wande so aduti na popo ti ala.”

Awayango-sandaga 24:22

“Fade ndia oko so ayeke duti ndali ti wande nga ndali ti molenge ti kodro, ngbanga ti so mbi laa mbi yeke KOTA GBIA, Nzapa ti ala.”

Wungo ti azo 15:15

Ndia ni ayeke ndali ti bongbi ti azo kue, ndali ti azo ti Israel, ndali ti awande; ndia ni ayeke ngba kpu na kpu ndali ti *ahale ti ala so ayeke ga ande na peko. Ndia ni ayeke ngba kpu na kpu ndali ti ala, nga ndali awande so asara kodro na popo ti ala.

Wungo ti azo 15:16

Gi oko ndia so na oko mbela so laa ayeke ndali ti ala nga ndali ti awande so asara kodro na popo ti ala.”

Wungo ti azo 15:29

Oko ndia so ayeke ndali ti zo so asara siokpari, me na mbana ti be ti lo pepe; ayeke nga ndali ti azo ti Israel wala awande so asara kodro na popo ti ala.”

Jean 4:20

Akotara ti e avoro Nzapa na ndö ti hoto so. Me ti ala, azuife, ala tene: ‘Ndo ti vorongo lo ayeke gi na Jérusalem.’ ”

Ndia ti fani use ni 11:29

Na ndembe so KOTA GBIA Nzapa ti ala ayeke sara titene ala li na sese so ala yeke gue ti mu ni titene aga ti ala, na ndö ti hoto ti Garizim, fade ala yeke tene tënë so aga na tufa; na ndö ti hoto ti Ebal, ala yeke tene tënë so aga na dengo ba.

Ndia ti fani use ni 31:12

Fade azo kue ayeke bongbi tere ti ala, akoli, awali, amolenge na awande so asara kodro na ndo ti ala, azo ti Israel, titene ala ma atënë ti Ndia so a yeke diko ni so. Tongaso si ala yeke manda ti kpe mbeto ti KOTA GBIA Nzapa ti ala si ala sara ye alingbi na atënë kue ti Ndia so.

Ndia ti fani use ni 31:25

Na pekoni, lo mu yanga na azo ti mara ti Lévi so kua ti ala ayeke ti yo sanduku ti mbuki ti KOTA GBIA, lo tene:

Ndia ti fani use ni 31:9

Moïse asu *Ndia ti Nzapa so na mbeti si lo mu ni na awayango-sandaga, *ahale ti Lévi so kua ti ala ayeke ti yo sanduku ti *mbuki ti *KOTA GBIA; lo mu ni nga na *akangba kue ti Israel.

Josué 23:2

Lo iri azo ti Israel kue, *akangba ti ala, amakonzi ti ala, awafango-ngbanga ti ala na awafango-ndia ti ala si lo tene na ala: “Mbi ga mbakoro si ngu ti mbi ahon mingi awe.

Josué 24:1

Josué abongbi amara ti Israel kue na Sishem. Lo iri *akangba ti ala, amakonzi ti ala, awafango-ngbanga ti ala nga na awafango-ndia ti ala. Ala ga aluti na dawa ti Nzapa.

Josué 3:14

Na ndembe so azo ni alondo na ya ti bâbâ ni ti fâ ngu ti Jourdain, awayango-sandaga so ayeke yo sanduku ti mbuki ni ahon ti ala kozo ti azo ni.

Josué 3:3

si ala mu yanga na azo ni, atene: “Tongana ala baa awayango-sandaga so ayeke azo ti mara ti Lévi na yongo sanduku ti *mbuki ti *KOTA GBIA, Nzapa ti ala, ayeke nzoni ala londo na ndo so ala yeke daa so, ala mu peko ti sanduku ti mbuki ni.

Josué 3:6

Lango oko na pekoni, Josué amu yanga na awayango-sandaga, atene: “Ala mu sanduku ti mbuki ni, ala hon kozo ti azo ni.” Awayango-sandaga ni asara tongana ti so lo hunda.

Josué 4:10

Awayango-sandaga so ayeke yo sanduku ti mbuki ni aluti na nduzu taa na be ti Jourdain ngbii azo ni asara ye so kue KOTA GBIA amu yanga na Josué si lo tene peko ni na ala so. Lege so Josué asara ye alingbi na yanga so Moïse amu na lo so laa. Azo ni afâ ngu ni hio.

Josué 4:18

Awayango-sandaga so ayeke yo sanduku ti mbuki ti KOTA GBIA asara ye alingbi na yanga so Moïse amu na ala. Gi so ala sigigi na ya ti ngu ti Jourdain si gere ti ala ado kuru sese awe, ngu ni akiri na plase ti lo, asuku tongana ti kozo si ayeke sua ti hon.

Josué 6:6

Josué, molenge ti Nune, airi awayango-sandaga ni si lo tene na ala: “Ala yo sanduku ti mbuki si ambeni zo mbarambara na popo ti ala amu didi mbarambara ti akoli-taba, ala tambula na dawa ti sanduku ti mbuki ti KOTA GBIA.”