Josué 8:31 - Mbeti ti Nzapa - Tënë so amu fini

³¹ Lo leke ni alingbi na yanga so Moïse, zo ti kua ti KOTA GBIA amu na azo ti Israel. A su tënë ni na ya ti mbeti ti *Ndia ti Moïse, atene: “Gbalaka ni ayeke na asenge têne so zo andu tere ni na wen oko pepe.” Na ndö ti gbalaka ni, azo ti Israel ayeke mu na KOTA GBIA *asandaga so a yeke gbi ni kue na wâ nga na asandaga ti beoko.

Josué 8:31 ပူးပေါင်းရင်းမြစ်များ

2 Agbia 14:6

Me lo fâ pepe amolenge ti azo ti fango babâ ti lo, alingbi na tënë so a su na ya ti mbeti ti *Ndia ti Moïse. Na ya ti mbeti ni, KOTA GBIA amu yanga atene: “Fade a yeke fâ ababâ na amama pepe ndali ti siokpari ti amolenge ti ala; a yeke fâ nga amolenge pepe ndali ti siokpari ti ababâ na amama ti ala; a yeke fâ zo oko oko ndali ti siokpari ti lo wani.”

2 Agbia 22:8

Tongaso kota wayango-sandaga Hilkia atene na wakuasu Shafan, atene: “Mbi wara mbeti ti *Ndia na ya ti kota da ti KOTA GBIA.” Hilkia amu mbeti ni na Shafan si Shafan adiko ni.

2 Mbai 25:4

Me lo fâ amolenge ti ala pepe, alingbi na tënë so a su na ya ti mbeti ti *Ndia, so ti tene mbeti ti Moïse. Na ya ti mbeti ni, KOTA GBIA amu yanga, atene: “Alingbi ti fâ ababâ na amama pepe ndali ti siokpari ti amolenge ti ala; alingbi nga ti fâ amolenge pepe ndali ti siokpari ti ababâ na amama ti ala; zo oko oko ayeke kui ndali ti siokpari ti lo wani.”

2 Mbai 35:12

Ala zia anyama ni na mbage, so ti tene akoli-bagara ti mu na asewa ti akete mara ti azo ti Israel titene ala mu na sandaga so a yeke gbi ni kue na wâ na KOTA GBIA, alingbi na tënë so a su na ya ti mbeti ti Moïse.

Esdras 6:18

A kangbi ya ti awayango-sandaga na azo ti mara ti Lévi si ala duti na ya ti abongbi nde nde, tongaso si ala lingbi ti sara kua ti Nzapa na Jérusalem, alingbi na tënë so a su na ya ti mbeti ti Moïse.

Néhémie 13:1

Na ngoi ni so, a diko mbeti ti Moïse na le ti azo kue si na ya ni, a wara mbeni tënë so atene, fade zo ti mara ti Amon na ti Moab ayeke li laoko pepe na ya ti bongbi ti azo ti Nzapa.

Sigingo 18:12

Na pekoni, Zetro, kogara ti Moïse aya *sandaga so a yeke gbi ni kue na wâ nga na asandaga nde nde na Nzapa. Tongaso Aaron na *akangba ti Israel kue aga ti te kobe na kogara ti Moïse na dawa ti Nzapa.

Sigingo 24:5

Lo tokua ambeni maseka ti Israel ti gue ti mu na KOTA GBIA *sandaga so a yeke gbi ni kue na wâ, ti fâ akoli-bagara ti mu na sandaga ti beoko.

Matthieu 12:26

Tongana Satan ayeke tumba ye so ayeke ti Satan, so afa atene, lo yeke tiri na lo wani; fade kodro so lo yeke gbia daa ayeke ngba tongana nyen?

Ndia ti fani use ni 27:2

Na lango so ala yeke fâ ngu ti Jourdain ti li na sese so *KOTA GBIA Nzapa ti ala amu na ala, fade ala yeke mu angbongboro têne, ala zia ni aluti na nduzu si ala yeke zia mbamba na tere ni kue.

Ndia ti fani use ni 27:8

Ala yeke su atënë ti ndia so kue na ndö ti atêne ni; ala yeke de ni pendere titene gere ti ambeti ni asigigi polele.”

Josué 1:8

Ayeke nzoni atënë ti ya ti mbeti ti Ndia so angba lakue na yanga ti mo; mo gbu li ti mo daa bi na lâ, mo gi nga lege ti sara aye so kue alingbi na tënë so a su na ya ti mbeti ni. Tongaso si aye so kue mo leke na be ti mo ti sarango ni, mo yeke sara ni na legeni si aga nzoni.