Josué 8:29 - Mbeti ti Nzapa - Tënë so amu fini

²⁹ Ti gbia ti Ai, Josué amu yanga titene a kanga go ti lo na tere ti keke na nduzu; kuâ ti lo angba na ya ti keke ni ngbii asi na lakui. Na lakui, Josué amu yanga titene ala zi kuâ ti lo ni. Ala gue, abi kuâ ni na yanga ti gbata ni si ala bongbi gba ti têne na ndö ni; atêne ni angba ngbii asi laso.

Josué 8:29 ပူးပေါင်းရင်းမြစ်များ

2 Samuel 18:17

A mu kuâ ti Absalom abi na ya ti mbeni kota du na ya ti gbako kâ; a zia gba ti atêne na ndö ni. Azo ti Israel kue akpe kirikiri, zo oko oko akiri na da ti lo.

Esther 7:10

Ala kanga go ti Haman na nduzu na tere ti keke so lo wani, lo leke ndali ti Mardochée. Na pekoni, ngonzo ti gbia ade.

Abia (Psaumes) 107:40

KOTA GBIA abi kamene na le ti akota zo, lo sara si ala tambula kirikiri na benyama so lege ayeke daa pepe.

Abia (Psaumes) 110:5

Kota Gbia ayeke na mbage ti maboko ti mo ti koli; na lango ti ngonzo ti lo, lo nika agbia.

Jean 19:31

Lango ni ayeke lango ti lekengo tere ndali ti *lango ti wungo tere. Azuife aye ka titene akuâ angba na ndö ti akeke ti kroa na lango ti wungo tere pepe. Andaa lango ti wungo tere ni ayeke mbeni kota lango mingi. Tongaso ala gue, ahunda Pilate ti mu yanga titene a kungbi agere ti akoli so a kanga ala na ndö ti akeke ti kroa so si ala zi akuâ ni na ndö ti akeke ti kroa ni.

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

Josué 10:30

*KOTA GBIA azia gbata ni na gbia ni na maboko ti azo ti Israel; azo ti Israel afâ ala na azo so kue ayeke na gbata ni, ala zia zo oko angba na fini pepe. Mara ti ye so ala sara na gbia ti Jéricho so, gi ni laa ala sara na gbia ti Libna.

Josué 10:33

Horam, gbia ti Gezer, ague ti mu maboko na azo ti Lakish. Me Josué afâ lo na aturugu ti lo kue; lo zia zo oko angba na fini pepe.

Josué 12:9

Agbia so Josué ahon ndö ti ala na bira ayeke agbia ti agbata tongana: Jéricho, Ai, so ayeke nduru na Betel,

Josué 7:26

Na pekoni, ala leke kota gba ti têne na ndö ti lo; gba ti têne ni angba ngbii asi laso. Ndani laa azo adi iri ti ndo ni, popo-hoto ti Akor ngbii asi laso. Na peko ti aye so kue, ngonzo ti KOTA GBIA ade.

Josué 8:23

Ti gbia ti Ai, ala gbu lo na fini le ti lo si ala gue na lo na Josué.