Josué 8:22 - Mbeti ti Nzapa - Tënë so amu fini

²² Ambeni zo ti Israel alondo na ya ti gbata ni si ala gue ti tiri nga na azo ti Ai. Azo ti Israel akanga lege mbage na mbage si azo ti Ai ayeke gi na popo ti azo ti Israel. Azo ti Israel afâ ala kue, zo oko angba na fini pepe, zo oko awara lege ti kpe pepe.

Josué 8:22 ပူးပေါင်းရင်းမြစ်များ

Mbeti ti Job 20:5

azo ti sioni ayeke dekongo na ngia, me dekongo ni ayeke ninga pepe; azo so ake Nzapa, ngia ti ala ayeke gue yongoro pepe.

Ndia ti fani use ni 7:2

KOTA GBIA ayeke zia amara ni na gbe ti komandema ti ala, azo ti Israel, ala yeke hon ndö ti azo ni na bira si ala yeke fâ ala kue ti hunzi ala. Alingbi ala sara *mbuki na azo ti amara ni pepe, ala baa mawa ti ala pepe;

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

Josué 10:28

Gi na lango ni so, Josué amu gbata ti Makeda si lo fâ gbia ni na azo ti gbata ni kue; lo zia zo oko angba na fini pepe. Mara ti ye so lo sara na gbia ti Jéricho so, gi ni laa lo sara na gbia ti Makeda.

Josué 6:21

Ala buba aye so kue ayeke na ya ti gbata ni; akoli na awali, amaseka na ambakoro, abagara, ataba na alele, ala fâ ala kue.

Josué 8:21

So Josué na azo ti Israel kue abaa so azo so ahonde tere ti ala na mbage ti peko ti gbata ni amu gbata ni awe si guru ti wâ ayeke londo na ya ti ya ti gbata ni, ala kiri na peko ti tiri na azo ti Ai.

Josué 8:23

Ti gbia ti Ai, ala gbu lo na fini le ti lo si ala gue na lo na Josué.

Josué 8:8

Tongana ala mu gbata ni awe, fade ala yeke bi wâ daa alingbi na yanga so KOTA GBIA amu. Baa, yanga so mbi mu na ala laa.”