Josué 8:21 - Mbeti ti Nzapa - Tënë so amu fini

²¹ So Josué na azo ti Israel kue abaa so azo so ahonde tere ti ala na mbage ti peko ti gbata ni amu gbata ni awe si guru ti wâ ayeke londo na ya ti ya ti gbata ni, ala kiri na peko ti tiri na azo ti Ai.

Josué 8:21 ပူးပေါင်းရင်းမြစ်များ

2 Samuel 10:9

Yoab ahinga atene, ambeni zo ti bira ni aluti na dawa ti lo ti tiri na lo si ambeni aluti na peko ti lo. Lo soro akpengba turugu na popo ti azo ti Israel si lo zia ala ti tiri bira na aturugu ti Sirii.

Josué 10:1

Adoni-Sedek, gbia ti Jérusalem, ama a tene, Josué amu gbata ti Ai si lo buba ni kue. Lo sara na gbata ti Ai na gbia ni gi mara ti ye so lo sara na gbata ti Jéricho nga na gbia ni. Lo ma nga atene, azo ti gbata ti Gabaon na azo ti Israel aleke tënë ti siriri si ala yeke lango ndo oko.

Josué 8:20

Azo ti Ai abaa ndo na peko ti ala, ala baa so guru ti wâ alondo na ya ti gbata ni si ayeke gue na nduzu. Ala hinga ndo so ala lingbi ti kpe daa pepe, ngbanga ti so azo ti Israel so ayeke kpe fade ti gue na mbage ti benyama, ala kiri na peko ti tiri na azo so ayeke tumba peko ti ala.

Josué 8:22

Ambeni zo ti Israel alondo na ya ti gbata ni si ala gue ti tiri nga na azo ti Ai. Azo ti Israel akanga lege mbage na mbage si azo ti Ai ayeke gi na popo ti azo ti Israel. Azo ti Israel afâ ala kue, zo oko angba na fini pepe, zo oko awara lege ti kpe pepe.