Josué 8:20 - Mbeti ti Nzapa - Tënë so amu fini

²⁰ Azo ti Ai abaa ndo na peko ti ala, ala baa so guru ti wâ alondo na ya ti gbata ni si ayeke gue na nduzu. Ala hinga ndo so ala lingbi ti kpe daa pepe, ngbanga ti so azo ti Israel so ayeke kpe fade ti gue na mbage ti benyama, ala kiri na peko ti tiri na azo so ayeke tumba peko ti ala.

Josué 8:20 ပူးပေါင်းရင်းမြစ်များ

Tongo nda ti aye 19:28

Lo baa ndo na mbage ti Sodome na Gomore nga na mbage ti lando ni. Lo baa so guru ti wâ alondo na sese si ayeke gue na nduzu tongana guru ti kota wâ.

Mbeti ti Job 11:20

Me azo ti sioni, le ti ala ayeke ngba gi na lege ti ku; ndo ti bata tere ti ala daa, ala yeke wara ni pepe; gi kuâ laa ala yeke zia be ti ala ti ku ni.

Abia (Psaumes) 76:5

Nzapa, zango ti mo ahon ndoni, gonda ti mo ayeke kota si ayeke pika le ti zo ahon gba ti aye so azo agbu na peko ti bira, aye ni aga tongana hoto.

Ésaïe 34:10

Na bi wala na kota lâ, gudron ni ayeke mingo pepe. Guru ti wâ ayeke londo daa lakue lakue. Ngu na ngu, kodro ni ayeke ngba benyama, zo oko ayeke kiri ti hon na ya ni pepe.

Josué 8:19

Gi so lo yoro maboko ti lo, azo ti Israel so ahonde tere ti ala, asigigi hio na ndo so ala yeke daa, ala kpe, ala gue, ali na ya ti gbata ni si ala mu ni. Na pekoni, ala bi wâ daa hio.

Josué 8:21

So Josué na azo ti Israel kue abaa so azo so ahonde tere ti ala na mbage ti peko ti gbata ni amu gbata ni awe si guru ti wâ ayeke londo na ya ti ya ti gbata ni, ala kiri na peko ti tiri na azo ti Ai.

Aye so Nzapa afa 18:9

Agbia ti sese so asara aye ti ndumba na lo si ala na lo asara kota nzara ti warango ye, fade ala yeke dema tere si ala yeke toto ndali ti lo na ndembe so wâ ayeke gbi lo si ala baa guru ni so ayeke sigigi.

Aye so Nzapa afa 19:3

Ala kiri atene: “Aleluya! Wâ so agbi kota gbata ni, guru ni ayeke sigigi kpu na kpu!”

Awafango-ngbanga 20:38

Azo ti Israel na ala so ahonde tere ti ala na ya ti ngonda ama tere tongaso: fade ala so ahonde tere ti ala na ya ti ngonda ayeke sara wâ si guru ni ayeke londo na nduzu na ndö ti gbata ni.

Awafango-ngbanga 20:40

Andaa na ngoi ni so, ngbongboro guru ti wâ ato nda ti londo na nduzu na ndö ti gbata ni. Tongana azo ti Benjamin abaa ndo na peko, ala baa gi menga ti wâ laa ayeke londo na ya ti gbata ni kue si ayeke gue na nduzu.

Awafango-ngbanga 20:41

Azo ti Israel akiri na tere ti azo ti Benjamin. Mbeto agbu azo ti Benjamin mingi, ngbanga ti so ala baa kpale so ayeke ti na ndö ti ala.