Josué 8:18 - Mbeti ti Nzapa - Tënë so amu fini

¹⁸ KOTA GBIA atene na Josué: “Yoro likongo so ayeke na maboko ti mo na mbage ti Ai, ngbanga ti so mbi yeke zia gbata ni na maboko ti mo.” Josué ayoro likongo ni na mbage ti Ai.

Josué 8:18 ပူးပေါင်းရင်းမြစ်များ

Mbeti ti Job 15:25

Biani lo yoro maboko na le ti Nzapa; lo gi yanga ti Nzapa, lo so ngangu ti lo ahon angangu kue.

Mbeti ti Job 39:23

Bozo ti ale ti kokora, likongo so aza zango nga na yongoro zeme ayeke toto na ndö ti lo.

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 8:1

KOTA GBIA atene na Moïse: “Tene na Aaron, mo tene: ‘Yoro maboko ti mo nga na keke ti mo na ndö ti *abale, na ndö ti angu so ayeke sua na ya ti adu nga na ndö ti angu ti *alende; mo sara si akongba asigigi amu ya ti Ezipte kue.’ ”

Sigingo 8:5

Moïse akiri tënë na Faraon, atene: “Tongana mo ye, mo fa na mbi lango so mbi lingbi ti sambela Nzapa ndali ti mo, ndali ti azo ti gbe ti mo nga ndali ti azo ti kodro ti mo. Mbi yeke hunda na Nzapa titene akongba ni alondo na ndo ti mo nga na ya ti yangbo ti mo ahon. Tongaso ala yeke ngba gi na ya ti bale ti Nil.”

Ezekiel 30:25

Biani, mbi yeke sara si maboko ti gbia ti Babilone awara ngangu, me maboko ti Faraon ayeke woko wokongo. Mbi yeke zia yongoro zeme ti mbi na maboko ti gbia ti Babilone si lo yeke yoro ni na tere ti Ezipte; tongaso, fade azo ayeke hinga atene, mbi laa mbi yeke KOTA GBIA.

Josué 8:17

Mbeni zo oko angba na ya ti agbata ti Ai na ti Betel pepe. Ala kue asigigi ti tumba peko ti azo ti Israel; ala zia ya ti gbata ni angba senge.

Josué 8:19

Gi so lo yoro maboko ti lo, azo ti Israel so ahonde tere ti ala, asigigi hio na ndo so ala yeke daa, ala kpe, ala gue, ali na ya ti gbata ni si ala mu ni. Na pekoni, ala bi wâ daa hio.

Josué 8:26

Josué angba ti yoro likongo ti lo na mbage ti Ai ngbii a fâ azo ti Ai ni kue si.

Josué 8:7

Tongaso ala, aturugu, fade ala yeke sigigi na ndo so ala honde tere ti ala daa so si ala yeke mu gbata ni. Biani, KOTA GBIA, Nzapa ti ala ayeke zia ni na maboko ti ala.

1 Samuel 17:41

Zo ti Filistii so ayeke ga nduru nduru na tere ti David. Zo so ayo aye ti bira ti lo ayeke tambula na dawa ti lo.

1 Samuel 17:45

David atene na zo ti Filistii ni: “Mo mu yongoro zeme na likongo nga na kota likongo ti ga ti tiri na mbi. Ti mbi, mbi yeke ga ti tiri na mo na iri ti KOTA GBIA so ngangu ti lo ahon angangu kue, Nzapa ti aturugu ti Israel so mo gi yanga ti lo so.

1 Samuel 17:6

Lo kanga poro so a sara na bengba wen na gere ti lo, lo yo likongo so a sara na bengba wen.