Josué 8:17 - Mbeti ti Nzapa - Tënë so amu fini

¹⁷ Mbeni zo oko angba na ya ti agbata ti Ai na ti Betel pepe. Ala kue asigigi ti tumba peko ti azo ti Israel; ala zia ya ti gbata ni angba senge.

Josué 8:17 ပူးပေါင်းရင်းမြစ်များ

Mbeti ti Job 5:13

Nzapa ayeke gbu azo ti ndara na lege ti sioni mayere ti ala; azo ti mvene, lo yeke kinda hio tënë ti be ti ala.

Ndia ti fani use ni 2:30

Me Sihon, gbia ti Heshebon, ake titene e hon na ndo ti lo. Andaa KOTA GBIA Nzapa ti ala, azo ti Israel asara lani si li ti lo akpengba si be ti lo akpengba, tongaso si lo lingbi ti zia lo na maboko ti ala; nilaa ye ni asi lani tongaso.

Josué 11:20

Biani, KOTA GBIA asara titene be ti azo ti kodro ni akpengba si ala ngba gi ti tiri bira na azo ti Israel. Tongaso si azo ti Israel abaa mawa ti ala pepe, ala fâ azo ni kue, ahunzi ala tongana ti so *KOTA GBIA amu yanga na Moïse.

Josué 8:16

A mu yanga na azo ti Ai kue ti tumba peko ti azo ti Israel. Ala tumba peko ti azo ni si ala handa ala, ahon na ala yongoro na gbata ni.

Josué 8:18

KOTA GBIA atene na Josué: “Yoro likongo so ayeke na maboko ti mo na mbage ti Ai, ngbanga ti so mbi yeke zia gbata ni na maboko ti mo.” Josué ayoro likongo ni na mbage ti Ai.

Josué 8:3

Josué na aturugu ti lo kue aleke tere ti ala ti gue ti tiri bira na gbata ti Ai. Lo soro aturugu saki baleota, angangu zo ti bira si lo tokua ala na bi.

Awafango-ngbanga 20:31

Azo ti Benjamin asigigi ti tiri bira na azo ti Israel, azo ti Israel ahanda ala si ahon yongoro na kodro ti ala. Azo ti Benjamin ato nda ti fâ ambeni zo ti Israel tongana ti kozoni na ndö ti lege ti guengo na Betel nga na ndö ti lege ti guengo na Gibea; ala fâ azo ti Israel baleota.