Josué 8:14 - Mbeti ti Nzapa - Tënë so amu fini

¹⁴ Na ndaperere, so gbia ti Ai abaa azo ti Israel, lo na aturugu ti lo kue asigigi hio na ya ti gbata ni ti gue ti tiri bira na azo ti Israel, na oko ndo so lani ala tiri bira kozoni daa so; ndo ni ayeke na mbage ti popo-hoto ti Jourdain. Me lo hinga pepe lo tene, ambeni turugu ahonde tere ti ala na mbage ti peko ti gbata ni.

Josué 8:14 ပူးပေါင်းရင်းမြစ်များ

Zo ti bongbingo azo 9:12

Lango so ye ti vundu ayeke si na zo, lo hinga ni pepe. Ye ti sioni ayeke wara azo biaku tongana ti so gbanda agbu susu, wala tongana ti so kuku agbu ndeke.

Ésaïe 19:11

Amakonzi ti gbata ti Soan ayeke azo ti buba mingi, azo ti ndara so ayeke mu wango na Faraon, ala yeke bongbi ti azo so li ti ala ayeke daa pepe. Asara tongana nyen laa ala tene na Faraon: “Mbi yeke molenge ti azo ti ndara, molenge ti agbia ti giriri”?

Ésaïe 19:13

Amakonzi ti Soan aga azo ti buba awe, amakonzi ti Manfis ahanda tere ti ala. Amakonzi ti akete mara laa ayeke gue na Ezipte na sioni lege.

Daniel 4:31

“So ngoi ni so ahon awe, mbi Nabukodonosor, mbi yo le ti mbi na nduzu si ndara ti mbi ti zo akiri daa. Mbi mu singila na Nzapa so ayeke na yayu kâ na ndö ti aye kue, mbi sepela lo si mbi gonda lo so angba lakue lakue: lo yeke gbia lakue lakue, kodro ti lo ayeke ngba kpu na kpu.

Matthieu 24:39

Ala hinga tënë ni oko pepe ngbii asi na ngoi so kota ngu apika, asuku si amu ala kue ahon na ala. Ye ni ayeke duti ande nga tongaso na lango ti gango ti Molenge ti Zo.

Matthieu 24:50

fade makonzi ti zo ti kua so ayeke si na lango so zo ti kua ni ayeke ku lo pepe wala na ngbonga so lo hinga pepe.

Ndia ti fani use ni 1:1

So ayeke atënë so Moïse atene na azo ti Israel kue na ngoi so ala yeke na mbage ti ngu ti Jourdain, na benyama, na lando so ahole kasakasa, nduru na Suf. Lando ni ayeke na popo ti Paran, ti Tofel, ti Laban, ti Haserot na ti Di-Zahab.

Josué 8:13

Aturugu ni asara bâbâ ti ala na Banga ti gbata ni. Mbeni mbage ti aturugu so ayeke ga na peko asara ti ala bâbâ ni na Do ti gbata ni. Na bi ni so, Josué ague na popo-hoto ni.

Josué 8:15

Josué na azo ti Israel kue azia azo ni ahon ndö ti ala na ngangu si ala kpe ti gue na mbage ti benyama.

Josué 8:16

A mu yanga na azo ti Ai kue ti tumba peko ti azo ti Israel. Ala tumba peko ti azo ni si ala handa ala, ahon na ala yongoro na gbata ni.

Josué 8:5

Ti mbi, fade mbi na azo ti mbi kue, e yeke gue nduru na gbata ti Ai. Tongana azo ti gbata ni asigigi ti ga ti tiri na e tongana ti kozo, e yeke kpe na dawa ti ala.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

Awafango-ngbanga 20:37

Azo so ahonde tere ti ala na ya ti ngonda so alondo hio amu lege ti Gibea. Ala kangbi tere ti ala na ya ti gbata ni kue si ala fâ azo ni kue.