Josué 8:10 - Mbeti ti Nzapa - Tënë so amu fini

¹⁰ Na ndaperere so ndo angba kâ, Josué atambula ti baa aturugu ni. Na pekoni, lo na *akangba ti Israel amu li ti aturugu ni si ala gue ti tiri bira na gbata ti Ai.

Josué 8:10 ပူးပေါင်းရင်းမြစ်များ

Tongo nda ti aye 22:3

Na ndaperere so ndo angba kâ, Abraham alondo, lo suru keke ti wâ ti zongo na sandaga. Lo leke lele ti lo; lo mu amaseka-koli use so ayeke sara kua na lo, na molenge ti lo Isaac, na tere ti lo si lo mu lege, lo gue na ndo so Nzapa afa na lo.

Abia (Psaumes) 119:60

Titene mbi ku kungo pepe, mbi hon daa hio ti bata atënë ti ndia ti mo.

Josué 3:1

Na ndaperere so ndo angba kâ, Josué na azo ti Israel kue alondo na Shitim, ala gue na yanga ti ngu ti Jourdain. Ala lango na ndo so kozoni si ala fâ ngu ni.

Josué 6:12

Na ndaperere so ndo angba kâ, Josué alondo si awayango-sandaga ayo sanduku ti mbuki ni.

Josué 7:16

Na ndaperere, so ndo angba kâ, Josué asara si azo ti Israel aga na lege ti amara ti ala. A fa mara ti Juda.

Josué 8:11

Aturugu so kue ayeke na lo aleke tere ti ala ti tiri bira; ala gue, asi na ndo so abaa le na gbata ti Ai, ala sara bâbâ ti ala na mbage ti Banga. Mbeni popo-hoto laa akangbi ala na Ai.

Josué 8:9

Josué atokua aturugu ni na ndo so lo ye titene ala gue, ahonde tere ti ala daa so. Ala gue, aduti na mbage ti Do ti gbata ti Ai, na popo ti Betel na Ai. Ti Josué, lo na tanga ti aturugu ni angba alango na bi ni so.