Josué 7:7 - Mbeti ti Nzapa - Tënë so amu fini

⁷ Na pekoni, Josué atene: “Ae Kota Gbia NZAPA! Mo sara si azo so afâ ngu ti Jourdain ngbanga ti nyen? Mo sara tongaso titene mo zia e na maboko ti azo ti mara ti Amori titene ala hunzi e biani biani? Tongana e ngba fade ti sara kodro na mbage ti ngu ti Jourdain kâ, ka ayeke nzoni mingi!

Josué 7:7 ပူးပေါင်းရင်းမြစ်များ

2 Agbia 3:10

Tongaso gbia ti Israel atene: “Ae! KOTA GBIA airi agbia ota so ti zia ala na maboko ti azo ti Moab!”

Abia (Psaumes) 116:11

Li ti mbi aga kirikiri si mbi tene: “Azo kue ayeke azo ti mvene.”

Sigingo 16:3

Azo ni atene: “Na ngoi so lani e yeke na Ezipte, e yeke duti na tere ti ta ti nyama, e yeke te kobe, ya ti e asi. Tongana KOTA GBIA afâ e lani gi kâ, ka ayeke nzoni mingi! Me ala mu e, aga na e na benyama so si ala zia e titene e kue, e kui nzara!”

Sigingo 17:3

Kâ, nzara ti ngu ahon ndö ti azo ni si ala kasa Moïse, atene: “Mo mu e na kodro ti Ezipte, mo ga na e ge ngbanga ti nyen? Mo ye titene nzara ti ngu afâ e, na amolenge ti e nga na anyama ti e?”

Wungo ti azo 14:16

‘KOTA GBIA alingbi ti zia azo so pepe ti li na ya ti kodro so lo deba yanga ti lo lani ti mu na ala; ndani laa lo fâ ala kue na ya ti benyama.’

Wungo ti azo 14:3

Ngbanga ti nyen *KOTA GBIA aga na e ge titene e kui kuâ ti yongoro zeme so? Fade awato ayeke gbu awali ti e na amolenge ti e kue. Ayeke fade nzoni titene e kiri na Ezipte!”

Matthieu 17:17

Jésus akiri tënë: “Ala azo ti fadeso, ala yeke na mabe pepe, ala yeke azo ti kirikiri! Mbi yeke ngba ti duti na tere ti ala ngbii asi lawa? Mbi yeke ngba ti kanga be ti mbi na ala ngbii asi lawa? Ala ga na mbi molenge ni ge!”

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Ahebro 12:5

Be ti ala agirisa na wango so Nzapa ayeke mu na ala tongana ti so babâ ayeke mu na amolenge ti lo; lo tene: “Molenge ti mbi, tongana *Kota Gbia apika mo ti zia mo na nzoni lege, mo baa ni tongana senge ye pepe. Tongana Kota Gbia asuku na mo, ayeke nzoni be ti mo awoko pepe,

Josué 7:6

Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.

Josué 7:8

Mbi gbu gere ti mo, Kota Gbia! Ti fadeso, mbi yeke tene nyen, so azo ti Israel akpe na le ti awato ti ala awe so?

1 Samuel 4:3

Aturugu ti Israel akiri na ya ti bâbâ ti ala si *akangba atene: “Ngbanga ti nyen laa *KOTA GBIA azia lege na azo ti Filistii ti fâ e laso tongaso? E gue na Silo, e mu sanduku ti *mbuki ti KOTA GBIA, e ga na ni. Tongaso si KOTA GBIA aduti na popo ti e si lo zi e na maboko ti awato ti e.”