Josué 7:6 - Mbeti ti Nzapa - Tënë so amu fini

⁶ Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.

Josué 7:6 ပူးပေါင်းရင်းမြစ်များ

Tongo nda ti aye 37:29

So Ruben akiri aga abaa ndo na ya ti du ti ngu ni, Joseph ayeke na ya ni pepe. Lo suru bongo na tere ti lo,

Tongo nda ti aye 37:34

Jacob asuru bongo na tere ti lo, lo yu bongo ti mua si lo toto kuâ ti molenge ti lo na ya ti alango mingi.

2 Samuel 1:11

David agbu bongo ti lo wani si lo suru ni; azo so kue ayeke na tere ti lo asara nga tongana ti lo.

2 Samuel 1:12

Ala sara mua, ala toto, ala ke kobe ngbii asi na lakui ndali ti kuâ ti Saul, ti Jonatan na ti azo ti Israel so kue ayeke azo ti *KOTA GBIA so akui na ya ti bira so.

2 Samuel 1:2

Na ota lango ni, mbeni koli alondo na ya ti bâbâ ti Saul asi. Bongo ti lo asuru surungo, ya ti li ti lo kue gi na sese ti fa vundu ti be ti lo. So lo si nduru na David awe, lo kuku, lo kpo li ti lo na sese.

2 Samuel 12:16

David avoro Nzapa ndali ti molenge ni, lo ke kobe ti sambela. Na bi, na da ti lo, lo yeke lango gi na sese.

2 Samuel 13:19

Tamar amu mburu ti wâ, lo tuku na li ti lo, lo suru yongoro bongo ti nzoroko so lo yu so. Lo zia maboko ti lo na li ti lo si lo gue na dekongo na yanga ti lo.

2 Samuel 13:31

Gbia alondo, lo suru bongo na tere ti lo si lo lango na sese. Azo ti kua ti lo kue ayeke luti na tere ti lo na surungo bongo na tere ti ala.

2 Agbia 22:11

So gbia ama atënë ti ya ti mbeti ti *Ndia ni, lo suru bongo na tere ti lo ti fa kota mbeto ti be ti lo.

2 Mbai 34:19

So gbia ama atënë ti ya ti mbeti ti *Ndia ni, lo suru bongo na tere ti lo ti fa kota mbeto ti be ti lo.

Esdras 10:1

So Esdras angba ti kuku na dawa ti kota da ti Nzapa, lo yeke toto si lo yeke sambela ti hunda titene Nzapa azi siokpari na li ti ala, gba ti azo ti Israel, akoli, awali na amolenge, abongbi na tere ti lo. Azo ni kue ayeke toto mingi.

Néhémie 9:1

Na lango baleuse na osio ti oko nze ni so, azo ti Israel abongbi ti ke kobe ti sambela. Ala yu bongo ti mua, ala tuku fuku ti sese na li ti ala.

Esther 4:1

So Mardochée ama tënë ti ye so kue asi so, lo suru bongo na tere ti lo, lo yu bongo ti mua si lo tuku mburu ti wâ na li ti lo. Lo tambula na ya ti gbata ti Suze kue, na kota mawa na be ti lo, lo yeke dekongo.

Esther 4:3

Andaa na ya ti kodro-sese oko oko so kue atënë ti ndia na mbela ni asi daa, azuife kue ayeke na ya ti kota mawa: ala ke kobe si gi toto na toto, demango tere na demango tere; ambeni mingi na popo ti ala ayu gi bongo ti mua si ala yeke lango na ya ti mburu ti wâ.

Mbeti ti Job 1:20

Tongaso Job alondo, lo suru kota bongo ti lo ti de si lo kio kua ti li ti lo. Na pekoni, lo ti, lo kpo li ti lo na sese

Mbeti ti Job 2:12

So ala ngba yongoro, ala baa Job, me ala hinga lo pepe. Tongaso ala yoro yanga ti ala na kota toto. Zo oko oko asuru kota bongo ti lo ti de, ala tuku fuku ti sese na nduzu si akiri atuku na ya ti li ti ala.

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Abia ti demango tere 2:10

*Akangba ti gbata ti Sion aduti gi na sese, tënë ahunzi na yanga ti ala awe; ala yu abongo ti mua, ya ti li ti ala kue gi na fuku ti sese. Amaseka-wali ti gbata ti Sion aduti aba li ti ala na sese.

Wungo ti azo 14:6

Josué, molenge ti Nune na Kaleb, molenge ti Yefune ayeke lani na popo ti azo so ague ti *bembe ndo na ya ti kodro ni, ala suru bongo na tere ti ala.

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Awatokua 14:14

So Barnabas na Paul ama tënë ni, ala suru bongo ti ala si ala kpe ali na popo ti azo ni; ala dekongo, atene:

Josué 7:7

Na pekoni, Josué atene: “Ae Kota Gbia NZAPA! Mo sara si azo so afâ ngu ti Jourdain ngbanga ti nyen? Mo sara tongaso titene mo zia e na maboko ti azo ti mara ti Amori titene ala hunzi e biani biani? Tongana e ngba fade ti sara kodro na mbage ti ngu ti Jourdain kâ, ka ayeke nzoni mingi!

Aye so Nzapa afa 18:19

Ala tuku fuku ti sese na ya ti li ti ala, ala toto, ala sara mua, ala dekongo, atene: “Mawa-ee! So mawa! Kota gbata so na lege ti gba ti amosoro ti lo awa ti amangboko aga azo ti mosoro mingi so, gi na ya ti ngbonga oko aye ti lo kue abuba awe!”

Awafango-ngbanga 11:35

Gi so Yefte abaa lo awe, lo suru bongo na tere ti lo si lo tene: “Ae, molenge ti mbi, mo bi mbi na ya ti mawa awe! Mo laa mo yeke zo ti bingo vundu na be ti mbi! Mbi mu zendo na KOTA GBIA awe, lege titene mbi kiri na peko ayeke daa pepe.”

Awafango-ngbanga 20:26

Tongaso, azo ti Israel kue amu lege ague na Betel. Kâ, ala duti ti toto na dawa ti KOTA GBIA, ala ke kobe ngbii asi na lakui. Ala mu na KOTA GBIA *sandaga so a yeke gbi ni kue na wâ nga na sandaga ti beoko.

Awafango-ngbanga 21:2

Azo ti kodro ni kue akiri ague na Betel, ala duti kâ na dawa ti *KOTA GBIA ngbii asi na lakui. Ala dekongo si ala toto mingi.

1 Samuel 4:12

Gi na lango ni so, mbeni koli ti mara ti Benjamin alondo na yanga ti bira kâ, akpe asi na Silo, lo suru bongo na tere ti lo kue; lo tuku fuku ti sese na ya ti li ti lo.