Josué 7:26 - Mbeti ti Nzapa - Tënë so amu fini

²⁶ Na pekoni, ala leke kota gba ti têne na ndö ti lo; gba ti têne ni angba ngbii asi laso. Ndani laa azo adi iri ti ndo ni, popo-hoto ti Akor ngbii asi laso. Na peko ti aye so kue, ngonzo ti KOTA GBIA ade.

Josué 7:26 ပူးပေါင်းရင်းမြစ်များ

2 Samuel 18:17

A mu kuâ ti Absalom abi na ya ti mbeni kota du na ya ti gbako kâ; a zia gba ti atêne na ndö ni. Azo ti Israel kue akpe kirikiri, zo oko oko akiri na da ti lo.

2 Samuel 21:14

A lu abio ti ala, ti Saul na ti Jonatan na du ti kuâ ti Kish, babâ ti Saul na kodro ti Sela, na sese ti Benjamin. Na peko ti so azo asara ye so kue gbia amu yanga daa, Nzapa abaa mawa ti kodro ni.

2 Mbai 29:10

Fadeso, mbi ye ti sara *mbuki na KOTA GBIA, Nzapa ti Israel, tongaso si sioni ngonzo ti lo ade na tere ti e.

Esdras 10:14

Ayeke nzoni amakonzi ti e aluti na ndo so na iri ti bongbi ti azo ni kue. Azo so kue na ya ti agbata ti e amu awali so ayeke awande, fade ala yeke ga ti luti na dawa ti amakonzi ni na lango so a yeke fa na ala. Azo ni na *akangba nga na awafango-ngbanga ti agbata oko oko ayeke ga nga. E yeke leke tënë ni ngbii ngonzo ti Nzapa so alondo tongana wâ na tere ti e so ade.”

Abia (Psaumes) 85:4

Mo kai ngonzo ti mo awe, mo zia lege ti ngonzo ti mo ti wâ awe.

Sigingo 32:12

Tongana mo sara tongaso, fade azo ti Ezipte ayeke tene: ‘Na lege ti sioni be laa KOTA GBIA asara si azo ti Israel asigigi na kodro ti Ezipte; lo ye ti fâ ala na ndö ti hoto, ti hunzi ala na ndö ti sese so!’ KOTA GBIA, kai sioni ngonzo ti mo, zia ti sara sioni na azo ti mo.

Ésaïe 40:2

Ala tene tënë ti mu ngangu na be ti Jérusalem, ala dekongo na lo atene: “Kua ti lo ti ngbaa ahunzi awe, a zi sioni ti lo na li ti lo awe. Biani, asioni so lo sara, *KOTA GBIA asara si lo wara futa ni fani use.”

Ésaïe 65:10

Ti azo ti mbi so agi mbi, fade lando ti Saron ayeke ga ndo ti tengo kobe ti ataba na ti angasa; popo-hoto ti Akor ayeke ga ndo ti lango ti abagara.

Abia ti demango tere 3:53

Ala mu mbi na fini le ti mbi, ala bi mbi na ya ti kota du; ala mu têne, abi na ndö ti mbi.

Osée 2:15

Mbi yeke ga ti kiri peko ti sioni na lo ndali ti ye so lo sara na ngoi so lo yeke zö dukani na anzapa *Baal, lo yeke yu bage na aye ti mê na aye ti go si lo yeke kpe na peko ti andeko ti lo ni; me ti mbi, be ti lo ayeke girisa na mbi. – So tënë ti yanga ti KOTA GBIA laa.

Osée 2:17

Kâ, mbi yeke kiri na lo ayaka ti vinye ti lo, mbi yeke sara si popo-hoto ti Akor, – popo-hoto ti ye ti vundu so – aga tongana mbeni lege so lo yeke hon daa ti wara ye so lo zia be ti lo ti ku. Kâ, lo yeke ma yanga ti mbi tongana ti so lo sara na ndembe so lo de maseka, tongana ti so lo sara na ngoi so lo sigigi na sese ti Ezipte.”

Joël 2:13

Ala suru bongo ti ala pepe, me ala suru be ti ala.” Biani, ala kiri na KOTA GBIA, Nzapa ti ala; lo yeke sara nzoni be na zo si lo yeke baa mawa ti zo, lo yeke sara ngonzo hio hio pepe, nzoni be ti lo asi singo. Sioni so lo leke na be ti lo ti sara na zo, lo yeke ke ti sara ni.

Joël 2:18

Yengo so *KOTA GBIA aye na kodro ti lo so agbu be ti lo mingi, lo baa mawa ti azo ti lo.

Jonas 1:15

Na pekoni, ala mu Jonas abi lo na ya ti kota ngu-ingo si le ti ngu so ayeke yingi ngangu so akai kpoo.

Zakarii 6:8

Tongaso KOTA GBIA airi mbi si atene na mbi: “Mo baa, ala so ayeke gue na mbage ti Banga ayeke sara titene Yingo ti mbi aduti na ya ti kodro ti mbage ti Banga.”

Wungo ti azo 25:8

Lo li na ya ti da ti bongo na peko ti zo ti Israel ni si lo kpo lo, lo na wali ti Madian ni, ala use kue taa na ya ti ala; lo fâ ala. Tongaso kobela ti bubango kodro so ati na ndö ti azo ti Israel so akai.

Ndia ti fani use ni 13:17

ala yeke bongbi amosoro ni kue na ndo so azo ayeke bongbi daa na be ti gbata ni, ala yeke gbi amosoro ni nga na gbata ni na wâ. Fade ayeke ga tongana *sandaga so a yeke gbi kue na wâ ndali ti KOTA GBIA Nzapa ti ala. Gbata ni so ayeke ngba ndo ti gba ti atêne kpu na kpu; a yeke kiri ti leke ni laoko pepe.

Ndia ti fani use ni 13:18

Ye so a diko ni titene a buba ni kue so, alingbi maboko ti ala andu ni oko pepe. Tongaso, fade ngonzo ti KOTA GBIA so alondo tongana wâ so ayeke de, lo yeke sara nzoni be na ala si lo yeke baa mawa ti ala, lo yeke sara titene ala wu mingi, alingbi na zendo so lo mu na akotara ti ala.

Josué 10:27

Na lakui, Josué amu yanga titene a zi ala na tere ti akeke ni, a gue, a bi ala na ya ti du ti têne so agbia ni ahonde fade tere ti ala daa so. A zia akota têne na yanga ti du ni ti kanga na ni; atêne ni angba ngbii asi laso.

Josué 7:24

Josué na azo ti Israel kue amu Akan, molenge ti Zera, na wen ti nginza ni, bongo ni, ngbongboro lôro ni; amolenge ti lo ti koli na ti wali, abagara ti lo, alele ti lo, angasa ti lo, ataba ti lo, da ti lo ti bongo, na aye ti lo kue si ague na lo nga na aye ni na popo-hoto ti Akor.

Josué 8:29

Ti gbia ti Ai, Josué amu yanga titene a kanga go ti lo na tere ti keke na nduzu; kuâ ti lo angba na ya ti keke ni ngbii asi na lakui. Na lakui, Josué amu yanga titene ala zi kuâ ti lo ni. Ala gue, abi kuâ ni na yanga ti gbata ni si ala bongbi gba ti têne na ndö ni; atêne ni angba ngbii asi laso.