Josué 7:21 - Mbeti ti Nzapa - Tënë so amu fini

²¹ Na ya ti aye so e gbu na peko ti bira ni, mbi baa mbeni kota bongo ti zo ti kodro ti Shinear, so ayeke pendere ahon ndoni, na ale ti nginza ngbangbo use, na mbeni ngbongboro lôro so nengo ni ayeke ndambo ti kilo oko. Mbi sara nzara ni si mbi mu ni. Mbi honde ni na gbe ti sese, na ya ti da ti mbi ti bongo si mbi zia wen ti nginza ni na gbe ni.”

Josué 7:21 ပူးပေါင်းရင်းမြစ်များ

Tongo nda ti aye 10:10

Akota gbata ti kodro so lo yeke gbia daa ayeke Babel, Erek, Akad na Kalne; agbata ni kue ayeke na kodro ti Shinear.

Tongo nda ti aye 3:6

Wali ni abaa so ale ti keke ni ayeke nzoni titene zo ate ni; ayeke pendere titene zo abaa ni si ayeke nzoni ti sara si zo ahinga ndo. Lo mu mbeni le ni, lo te, lo mu nga na koli ti lo so ayeke na tere ti lo si lo kue, lo te ni.

Tongo nda ti aye 34:27

Tanga ti amolenge ti Jacob atuku na ndö ti akuâ ni si ala anzi aye so kue ayeke na gbata ni, ngbanga ti so a sara ye ti kamene na ita ti ala ti wali.

Tongo nda ti aye 6:2

amolenge-koli ti Nzapa abaa so amolenge-wali ti azo ni ayeke pendere mingi. Ala soro ambeni molenge-wali ni si ala mu ala ti ga awali ti ala.

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

2 Agbia 7:8

Azo ti buruma ni ahon na ya ti bâbâ ni kue, ala li na ya ti mbeni da ti bongo. Kâ, ala te, ala nyon. Na pekoni, ala mu nginza, lôro na abongo, ala gue, ahonde ni. Ala kiri ali na ya ti mbeni da ti bongo nde. Aye so ayeke na ya ti da ni, ala mu, ague, ahonde ni.

Mbeti ti Job 31:1

Mbi na le ti mbi, e use kue, e deba titene mbi baa maseka-wali na nzara ni pepe.

Abia (Psaumes) 119:37

Sara si le ti mbi angba na ndö ti buba ye pepe, sara si mbi kiri mbi duti na fini ti mu lege so mo fa.

Sigingo 20:17

“Alingbi mo sara nzara ti da ti mba ti mo pepe; mo sara nzara ti wali ti mba ti mo pepe, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo, ataa ye so kue lo yeke na ni.”

Amato 1:19

Biani, azo so ayeke wara ye na lege ti nzi, baa ye so ayeke ku ala laa: a yeke zi fini ti ala.

Amato 23:31

Vin so abe bengo si ayeke za zango na ya ti kopo so, mo baa ni na nzara ni pepe. Tongana mo nyon ni, ayeke nzere na lege ti go ti mo.

Amato 28:22

Zo so be ayeke sara lo, lo yeke kpe kpengo na peko ti mosoro; me lo hinga pepe atene, fade yere ayeke ti na ndö ti lo.

Amato 4:23

Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Ésaïe 28:15

“Ala yeke tene: E na kuâ e ga *ambuki awe, e na ndo ti akuâ, e leke tënë awe. Tongana ye ti ngangu ayeke si ande, ye ni ayeke wara e pepe. Biani, tenengo mvene aga ndo so e yeke kpe daa ti bata tere ti e, handango azo ayeke ndo ti hondengo tere ti e.”

Ésaïe 29:15

So mawa na azo so ayeke sara ye na gbe mingo si ala yeke honde apialo ti ala na *KOTA GBIA so! Ala yeke sara aye ti ala na ya ti vukongo ndo, ala yeke tene: “Zo wa laa abaa e, zo wa? Zo wa laa ahinga ye so e sara, zo wa?”

Habakuk 2:9

Mawa na mo, mo so mo yeke mu ye ti azo na lege ti nzi ndali ti asewa ti mo! Mo yeke sara tongaso titene mo duti na kota ndo si ye ti mawa alingbi ti wara mo pepe.

Nzoni Tënë so Luc asu na mbeti 12:15

Na pekoni, Jésus atene na ala: “Ala sara hange! Ala sara si kota nzara ti warango aye asara ala pepe, ngbanga ti so tongana zo ayeke na aye mingi, aye ti lo ni laa alingbi ti bata fini ti lo pepe.”

Nzoni Tënë so Luc asu na mbeti 12:2

Ye so kue angba na hondengo ni, fade nda ni ayeke sigigi; ye so kue angba na gbe mingo, fade azo ayeke hinga tënë ni.

Efeze 5:3

Ala yeke azo so ayeke nde si ayeke nzoni kue. Tongaso, sarango ye ti ndumba, sarango aye ti kamene nde nde wala kota nzara ti warango ye, akpa titene a ma tënë ti aye tongaso na popo ti ala pepe.

Efeze 5:5

Alingbi ala hinga nzoni atene, azo ti sarango ye ti ndumba, azo ti sarango ye ti kamene nga na azo so kota nzara ti warango ye ayeke na be ti ala, *Kodro-gbia ti Christ na ti Nzapa ayeke ga ti ala pepe. – Andaa sarango kota nzara ti warango ye ayeke mbeni lege ti vorongo anzapa nde. –

Ndia ti fani use ni 7:25

Fade ala, azo ti Israel, ala yeke gbi na wâ ayanda ti azo ti amara ni. Alingbi nzara ti wen ti nginza na lôro so azo ni azia na tere ti ayanda ni asara ala pepe; ala mu aye ni so pepe ti ga ti ala, ngbanga ti so aye ni ayeke sioni mingi na le ti KOTA GBIA Nzapa ti ala. Tongana ala mu ni, fade ayeke ga kuku ti gbungo ala.

Kolose 3:5

Tongaso, ala zi anzara ti sarango asioni ye ti dunia so na be ti ala: sarango ye ti ndumba, sarango ye ti kamene, nzara ti tere, nzara ti sarango asioni ye nga na kota nzara ti warango ye; so ayeke mbeni lege ti vorongo anzapa nde.

Ahebro 13:5

Na lege ti sarango ye ti ala, alingbi nzara ti nginza ahon ndö ti ala pepe, me ala zia be ti ala gi na ye so ala yeke na ni, ngbanga ti so Nzapa wani atene: “Fade mbi yeke do mo ti zia mo pepe, mbi yeke zia mo oko pepe.”

Jacques 1:15

Tongana nzara ti be ti zo amu ngo awe, ayeke du siokpari. Tongana siokpari ni ahon ndoni awe, ayeke gue na zo na kuâ.

Josué 7:20

Akan akiri tënë na Josué, atene: “Biani, mbi laa mbi sara siokpari so ake KOTA GBIA, Nzapa ti Israel. Ye so mbi sara ayeke so:

Josué 7:22

Josué atokua azo si ala kpe ague na ya ti da ti Akan so a sara na bongo. Andaa lo honde aye ni na ya ti da ti bongo ni biani si lo zia wen ti nginza ni na gbe ni.

2 Pierre 2:15

Ala do lege ti mbirimbiri azia awe, ala girisa lege si ala mu peko ti Balaam, molenge ti Bosor. Balaam ayeda ti wara nginza titene lo sara ye ti sioni.