Josué 7:2 - Mbeti ti Nzapa - Tënë so amu fini

² So ala yeke na Jéricho, Josué atokua ambeni koli na gbata ti Ai so ayeke nduru na gbata ti Bet-Aven, na mbage ti To ti Betel. Lo tene na ala: “Ala gue *abembe ndo na gbata ni.” Akoli ni ague, abembe ndo ni.

Josué 7:2 ပူးပေါင်းရင်းမြစ်များ

Tongo nda ti aye 12:8

Lo londo na ndo so, lo gue, lo si na hoto so ayeke na mbage ti To ti gbata ti Betel; Betel ayeke na Do si Ai ayeke na To. Lo zia da ti lo ti bongo na popo ti agbata use so. Lo leke mbeni gbalaka ndali ti KOTA GBIA. Kâ, lo iri KOTA GBIA na iri ti lo si lo voro lo.

Tongo nda ti aye 28:19

Lo di iri ti ndo ni Betel. Me kozo iri ti gbata ni ayeke Luz.

1 Agbia 12:29

Yeroboam azia bagara oko na Betel, oko na Dan.

Néhémie 11:31

Ambeni zo ti mara ti Benjamin aduti na Geba, Mikmas, Aya, Betel na ando nde nde so ayeke na tere ni,

Amato 20:18

Tongana mo hunda anzoni wango, fade apialo ti mo ayeke ga nzoni; kozo titene mo londo ti gue na bira, ayeke nzoni mo leke gere ni nzoni si.

Amato 24:6

Kozo titene mo londo ti gue na bira, ayeke nzoni mo leke gere ni nzoni si. Ndali ti gba ti awamungo-wango si kodro ayeke sigigi na ya ti akpale.

Ésaïe 10:28

Wato asi nduru na Ayat, lo hon na ya ti Migron si lo zia akungba ti lo na Mikmas.

Jérémie 49:3

Ala, azo ti Heshebon, ala he bia ti totongo kuâ, ala tene: “A buba gbata ti Ai kue awe!” Ala, akete kodro so ayeke nduru na Raba, ala dekongo ngangu! Ala yu bongo ti mua, ala dema tere, ala tambula asi kâ, asi ge na ya ti gbagba: a gbu nzapa Milkom ti gue na lo na kodro wande, lo na awayango-sandaga ti lo na amakonzi ti lo.

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Efeze 5:15

Ala sara hange na lege ti dutingo ti ala. Ala duti tongana abuba zo pepe, me tongana azo ti ndara.

Josué 12:9

Agbia so Josué ahon ndö ti ala na bira ayeke agbia ti agbata tongana: Jéricho, Ai, so ayeke nduru na Betel,

Josué 18:12

Na mbage ti Banga, katikati ti sese ti ala alondo na ngu ti Jourdain, ague na mbage ti nduzu, na Banga ti Jéricho, akiri ahon na sese so ahoto ayeke daa na mbage ti Do si ague, asi na benyama, na Bet-Aven.

Josué 2:1

So ala yeke na Shitim, Josué, molenge ti Nune, atokua azo use na hondengo ni; lo tene na ala, lo tene: “Ala gue, *abembe ndo na sese ni nga na gbata ti Jéricho.” Azo ni ague, ali na ya ti da ti mbeni wali-ndumba so iri ti lo Rahab si ala lango kâ.

Josué 7:3

Ala kiri atene na Josué: “Ayeke nzoni mo tokua aturugu kue na Ai pepe. Aturugu nduru na saki use wala saki ota alingbi awe. Zia aturugu kue ague senge senge pepe, ngbanga ti so azo ti Ai ni ayeke mingi pepe.”

1 Samuel 13:5

Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.

1 Samuel 14:23

Na lango ni so, KOTA GBIA asara si azo ti Israel aso benda. Bira ni ague ngbii asi na peko ti Bet-Aven kâ.

1 Samuel 30:27

Lo tokua nga ambeni ye ni na akangba ti Betel, ala ti Ramot so ayeke na mbage ti Mbongo ti Israel, ala ti Yatir,