Josué 7:19 - Mbeti ti Nzapa - Tënë so amu fini

¹⁹ Josué atene na Akan: “Molenge ti mbi, gonda KOTA GBIA, Nzapa ti Israel, tene taa-tënë. Fa na mbi ye so mo sara, honde ye oko na mbi pepe.”

Josué 7:19 ပူးပေါင်းရင်းမြစ်များ

2 Agbia 20:15

Ésaïe atene: “Nyen laa ala baa na yangbo ti mo, nyen?” Ezekias akiri atene: “Ala baa aye so kue ayeke na ya ti yangbo ti mbi: aye ti ya ti kubu ti da so a bata amosoro ti mbi daa; mbi honde mbeni ye oko na ala pepe.”

2 Mbai 30:22

Ezekias atene tënë ti mu ngangu na be ti azo ti mara ti Lévi so kue kua ti KOTA GBIA agbu be ti ala. Na ya ti lango mbarambara kue, ala te kobe ti matanga ni, ala mu asandaga ti beoko si ala he bia ti sepela KOTA GBIA, Nzapa ti akotara ti ala.

Abia (Psaumes) 32:5

Me mbi fa na mo siokpari ti mbi, mbi honde sioni ti mbi pepe. Mbi tene: “Fade mbi yeke fa na KOTA GBIA asioni ti mbi.” Ti mo, mo zi na li ti mbi awe ngbanga ti siokpari ti mbi. Luti kete

Abia (Psaumes) 51:3

O Nzapa, mo so mo yeke sara nzoni be na zo, baa mawa ti mbi! O Nzapa, mbi buba lege ti ndia ti mo awe! Na lege ti kota nzoni be ti mo, zi sioni ni na li ti mbi.

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Ésaïe 13:12

Mbi yeke sara titene warango zo aga ngangu tongana warango lôro ti nzoni ni, wala warango lôro ti Ofir.”

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Daniel 9:4

Mbi sambela KOTA GBIA, Nzapa ti mbi si mbi fa siokpari so na lo, mbi tene: “Ae! KOTA GBIA, mo yeke kota, azo alingbi ti kpe mbeto ti mo mingi. Mo yeke bata tënë ti *mbuki ti mo na azo so abata andia ti mo; mo yeke sara nzoni be na azo so aye mo.

Nzoni Tënë so Luc asu na mbeti 17:18

Mbeni zo na popo ti ala ti kiri ti gonda Nzapa ayeke daa pepe? Gi wande oko so?”

Jean 9:24

Afarizien akiri airi waziba ni si ala tene na lo: “Mo gonda gi Nzapa! E hinga so koli so azi le ti mo ayeke zo ti siokpari.”

Rome 10:10

Biani, tongana zo ama na be, lo ga mbirimbiri; tongana lo tene tënë ni na yanga ti lo, lo yeke soo kuâ.

2 Timothée 2:25

Azo so ayeke ke tënë na yanga ti lo, ayeke nzoni lo fa ye na ala yeke-yeke. E hinga pepe, Nzapa ayeke sara titene ala zia ngbene lege ti sarango ye ti ala, ala hinga taa-tënë

Tite 2:2

Mo tene na ambakoro-koli titene ala sara ye ahon ndoni pepe, me na legeni; ala ne tere ti ala, ala tene tënë na legeni, ala kpengba na lege ti mabe, na lege ti yengo tere nga na lege ti kangango be na ya ti aye kue.

Jacques 1:20

Biani, zo so asara ngonzo ayeke sara ye ti mbirimbiri na le ti Nzapa pepe.

Josué 7:20

Akan akiri tënë na Josué, atene: “Biani, mbi laa mbi sara siokpari so ake KOTA GBIA, Nzapa ti Israel. Ye so mbi sara ayeke so:

Aye so Nzapa afa 16:9

Ngangu ndo-wâ agbi azo; ala zonga iri ti Nzapa so ayeke na ngangu na ndö ti asioni ye so kue, me ala ke ti zia ngbene lege ti sarango ye ti ala, ala ke ti gonda Nzapa.

1 Samuel 14:43

Saul atene na Jonatan: “Fa na mbi peko ti ye so mo sara so.” Jonatan afa na lo peko ti ye ni, atene: “Mbi mu kete mafuta ti wotoro na yanga ti keke so lani ayeke na maboko ti mbi so si mbi tara ni. Mbi laa! Mbi yeke nduru ti kui fafadeso.”

1 Samuel 6:5

Fade ala sara alimo ti aka ti sanzo nga na limo ti adeku so ayeke buba kodro ti ala. Na pekoni, ala gonda Nzapa ti Israel. E hinga pepe, fade lo yeke zia ti sara ngangu na ala, na anzapa ti ala nga na kodro ti ala.