Josué 7:12 - Mbeti ti Nzapa - Tënë so amu fini

¹² Ndani laa, fade azo ti Israel alingbi ti gbu le ni na awato ti ala pepe, ala yeke kpe na le ti awato ti ala ni. Biani, azo ti Israel ayeke ga azo so a zia ala titene a fâ ala kue ti hunzi ala. Aye so mbi ke na ala ti mu, tongana ala buba ni pepe, fade mbi yeke ngba na popo ti ala pepe.

Josué 7:12 ပူးပေါင်းရင်းမြစ်များ

Abia (Psaumes) 44:10

Me mo ke e awe, mo zia kamene na le ti e awe. Fadeso mo ke ti gue na aturugu ti e na bira.

Abia (Psaumes) 60:10

Moab ayeke tongana kota sembe so mbi yeke sukula ngu na ya ni; mbi bi poro ti gere ti mbi na ndö ti Edom ti fa so sese ni aga ti mbi biani awe. Azo ti Filistii, ala baa ti ala atene, fade ala yeke dekongo ti songo benda na ndö ti mbi?”

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Ésaïe 59:2

Sioni ti ala laa akangbi popo ti ala na Nzapa ti ala; siokpari ti ala laa asara si lo bi le ti lo yongoro si lo lingbi ti ma ala pepe.

Jérémie 23:33

*KOTA GBIA atene na Jérémie: “Tongana azo so, wala mbeni wayanga-Nzapa, wala mbeni wayango-sandaga ahunda mo, atene: ‘Nengo tënë ti KOTA GBIA so lo zia na ndö ti e tongana nengo kungba so ayeke so wa?’ Fade mo kiri tënë na ala, mo tene: ‘Ala laa ayeke nengo kungba ni. Ndani laa, fade mbi yeke bi ala yongoro; so tënë ti yanga ti KOTA GBIA laa.’

Jérémie 6:8

“Jérusalem, zia a fa nzoni lege na mo. Tongaso pepe, mbi yeke zi maboko ti mbi na tere ti mo si ndo ti mo ayeke ga ande ngonda, sese so zo oko alingbi ti duti daa pepe.”

Osée 9:12

Ataa ala yeke bata amolenge-koli, mbi yeke kanga lege na ala titene ala kono. Biani, mawa na ala, azo ti Efraim, tongana mbi hon yongoro na tere ti ala!

Habakuk 1:13

Le ti mo alingbi na bango asioni ye pepe, ngangu so zo ayeke sara na mba ti lo, mo lingbi ti yeda ti baa ni pepe. Azo so ayeke ka amba ti ala so, mo lingbi ti yeda ti baa ala? So azo ti sioni ayeke buba azo so ayeke mbirimbiri ahon ala so, mo ke ti zi yanga ti mo daa ngbanga ti nyen?

Wungo ti azo 14:39

Moïse atene peko ti atënë so kue na azo ti Israel; ala sara kota mawa.

Wungo ti azo 14:42

Ala ma na ndö ti ahoto ni pepe, ngbanga ti so KOTA GBIA ayeke na ala pepe. Ala gue kâ pepe, ndali ti awato ti ala ayeke hon ndö ti ala na bira.

Wungo ti azo 14:43

Azo ti mara ti Amalek na azo ti Kanaan laa ayeke na dawa ti ala so. Azo ni ayeke fâ ala kue na ya ti bira ni, ngbanga ti so ala ke KOTA GBIA awe; fade lo yeke na ala pepe.”

Wungo ti azo 14:45

Nilaa azo ti mara ti Amalek na azo ti Kanaan so alango na ndö ti ahoto ni so azu, ala tiri bira na azo ti Israel, ala nika ala ngbii asi na Horma.

Ndia ti fani use ni 7:26

Alingbi mara ti ayanda tongaso ali na ya ti da ti ala pepe. Tongaso pepe, fade a yeke buba ala kue legeoko na ayanda ni. Biani, alingbi ala buba ayanda ni so kue, ala baa ala tongana ye so ayeke sioni mingi nga na ye so zo alingbi ti baa na le ti lo fani use pepe.

Josué 6:18

Me ti ala, ala sara hange! Aye so a zia ni titene a buba ni, ala mu ni pepe. Tongana ala mu mbeni ye, fade ala yeke sara si kpale ati na ndö ti bâbâ ti azo ti Israel si ayeke buba bâbâ ni kue.

Awafango-ngbanga 16:20

Dalila atene: “Samson, azo ti Filistii ayeke ga ti tiri na mo!” Lo zingo na lango, lo tene: “Mbi yeke sigigi na ya ti kamba tongana ti kozoni si mbi yeke hon.” Andaa lo hinga pepe, lo tene, *KOTA GBIA azia lo awe.

Awafango-ngbanga 2:14

KOTA GBIA asara ngonzo na tere ti azo ti Israel. Lo zia ala na maboko ti azo ti gbungo ye ti azo si azo ni agbu aye ti ala kue. Lo ka ala na awato ti ala so alango nduru na ala; ala lingbi ti gbu le ni na awato ti ala mbeni pepe.

Awafango-ngbanga 2:4

So ange ti KOTA GBIA atene tënë so na azo ti Israel kue awe, azo ni kue ati na toto.

1 Samuel 14:38

Tongaso Saul airi amakonzi kue ti ga nduru na tere ti lo, lo tene: “Ala gi mbirimbiri ti hinga siokpari wa laa a sara ni laso.