Josué 7:11 - Mbeti ti Nzapa - Tënë so amu fini

¹¹ Azo ti Israel asara siokpari awe. Biani, ala buba lege ti mbuki ti mbi na ala awe. Biani, ye so mbi ke na ala ti mu, ala mu ni; ala nzi ni si ala honde ni na ya ti akungba ti ala.

Josué 7:11 ပူးပေါင်းရင်းမြစ်များ

2 Agbia 18:12

Aye so kue asi, ngbanga ti so azo ti Israel ama yanga ti *KOTA GBIA, Nzapa ti ala pepe, ala buba ya ti *mbuki ti lo. Aye so kue Moïse, zo ti kua ti KOTA GBIA amu ando yanga na ala ti sarango ni, ala ma ni pepe, ala sara nga ye alingbi na ni pepe.

2 Agbia 5:24

So ala si na mbeni ndo so iri ni Ofel awe, Gehazi amu abozo ni na maboko ti ala, lo zia na ya ti da ti lo si lo tene na azo ti kua ti Naaman ni ti kiri.

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Osée 6:7

“Me ti ala, na ya ti gbata ti Adam, ala buba ya ti *mbuki ni awe. Kâ si ala ka mbi.

Awayango-sandaga 5:15

“Tongana mbeni zo asara ye so ayeke sioni mingi ti ke ye so alingbi fade ti mu na *sandaga na KOTA GBIA, me lo sara ni na mbana ti be ti lo pepe, ye so lo lingbi ti sara na KOTA GBIA ti leke na tënë ti lo ayeke so: lo yeke ga na koli-taba so mbeni mbage ti tere ti lo abuba pepe, so ngere ti lo alingbi na ngere ti taba so a yeke mu ka na ndo so a zia nde ndali ti Nzapa.

Habakuk 2:6

Me ti azo so lo zia ala na gbe ti komandema ti lo so, fade ala kue ayeke kasa lo, ala yeke he lo na ngia si ala yeke tene atënë ti songo be na lo.” Fade ala yeke tene: “Mawa na mo, mo so mo yeke bongbi na ndö ti tere, na ndö ti tere aye so ayeke ti mo pepe! Mo yeke bongbi ni ngbii asi lawa? Gba ti ayongo laa mo bongbi ni na ndö ti mo.

Zakarii 5:4

So tënë ti yanga ti *KOTA GBIA so ayeke na ndö ti dunia kue laa: mbi yeke tokua deba ni titene ali na ya ti da ti zo ti nzi, nga na ya ti da ti zo ti dengo ba ti mvene na iri ti mbi. Dengo ba ni ayeke ngba na ya ti da ti azo ni, ayeke buba ni kue, ataa akeke ti li ni, ataa atêne ni.”

Matthieu 22:21

Ala kiri tënë na lo: “Ti kota gbia ti Rome.” Tongaso Jésus atene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.”

Awatokua 5:9

Tongaso Pierre atene na lo: “Ngbanga ti nyen si mo na koli ti mo, ala leke na be ti ala ti tara Yingo ti *Kota Gbia so? Baa, akoli so alu koli ti mo ayeke na yanga ti da. Fade ala yeke mu nga mo ti gue na mo!”

Ndia ti fani use ni 17:2

Mbeni ye tongaso alingbi ti si: na ya ti mbeni gbata so fade KOTA GBIA Nzapa ti ala ayeke mu na ala, mbeni koli wala mbeni wali asara ye so anzere na le ti KOTA GBIA Nzapa ti ala pepe. Zo ni abuba ya ti *mbuki ti ala na KOTA GBIA,

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Josué 23:16

Tongana ala bata tënë ti mbuki so KOTA GBIA, Nzapa ti ala amu yanga na ala ti sara so pepe, tongana ala kuku na gbe ti ambeni nzapa nde ti voro ala, fade ngonzo ti KOTA GBIA ayeke londo na tere ti ala tongana wâ si lo yeke sara titene ala hunzi gi hio na ndö ti nzoni sese so lo mu na ala.”

Josué 7:1

Azo ti Israel asara mbeni ye so ayeke sioni mingi ndali ti aye so *KOTA GBIA ake na ala ti mu ni. Mbeni zo ti mara ti Juda so iri ti lo Akan amu ambeni ye so KOTA GBIA ake na ala titene ala mu ni; nilaa ngonzo ti KOTA GBIA alondo tongana wâ na tere ti azo ti Israel. Akan ayeke molenge ti Karmi; Karmi ayeke molenge ti Zabdi si Zabdi ayeke molenge ti Zera.

Josué 7:10

KOTA GBIA atene na Josué: “Londo! Ngbanga ti nyen si mo ti, mo kpo li ti mo na sese?

Awafango-ngbanga 2:20

Ngonzo ti *KOTA GBIA alondo tongana wâ na tere ti azo ti Israel si lo tene: “So azo ti mara ni abuba lege ti *mbuki so mbi na akotara ti ala e sara si ala ke ti ma yanga ti mbi so,

1 Samuel 14:38

Tongaso Saul airi amakonzi kue ti ga nduru na tere ti lo, lo tene: “Ala gi mbirimbiri ti hinga siokpari wa laa a sara ni laso.