Josué 6:7 - Mbeti ti Nzapa - Tënë so amu fini

⁷ Na pekoni, lo mu yanga na azo ni, lo tene: “Ala londo, ala tambula, angoro gbata ni! Aturugu so ayeke mu li ni, ala hon ti ala kozo na dawa ti sanduku ti mbuki ti KOTA GBIA.”

Josué 6:7 ပူးပေါင်းရင်းမြစ်များ

Josué 1:14

Fade awali ti ala, amolenge ti ala nga na anyama ti ala ayeke ngba na sese so Moïse amu na ala na mbage ti ngu ti Jourdain ge so. Me ti ala azo so kue ayeke angangu zo ti bira, fade ala yeke leke tere ti ala ti tiri bira, ala yeke hon na dawa ti a-ita ti ala ti mu maboko na ala,

Josué 4:13

Azo nduru na saki baleosio so aleke tere ti ala ti tiri bira, ala hon na dawa ti KOTA GBIA si ala fâ ngu ti Jourdain ti gue na mbage ti lando ti Jéricho.

Josué 6:3

Mo na aturugu ti mo kue, fade ala yeke tambula angoro gbata ni lege oko na ya ti lango oko. Fade ala sara tongaso na ya ti lango omene.

Josué 6:6

Josué, molenge ti Nune, airi awayango-sandaga ni si lo tene na ala: “Ala yo sanduku ti mbuki si ambeni zo mbarambara na popo ti ala amu didi mbarambara ti akoli-taba, ala tambula na dawa ti sanduku ti mbuki ti KOTA GBIA.”

Josué 6:8

Ala sara ye ni kue gi tongana ti so Josué amu yanga na ala. Awayango-sandaga mbarambara so amu adidi mbarambara ti akoli-taba so, atambula na dawa ti sanduku ti KOTA GBIA si ala huru adidi ti akoli-taba ni; sanduku ti mbuki ti KOTA GBIA amu peko ti ala.