Josué 6:6 - Mbeti ti Nzapa - Tënë so amu fini

⁶ Josué, molenge ti Nune, airi awayango-sandaga ni si lo tene na ala: “Ala yo sanduku ti mbuki si ambeni zo mbarambara na popo ti ala amu didi mbarambara ti akoli-taba, ala tambula na dawa ti sanduku ti mbuki ti KOTA GBIA.”

Josué 6:6 ပူးပေါင်းရင်းမြစ်များ

Sigingo 25:14

Ala yeke yoro akeke ni na ya ti akati ni so ayeke na tere ti sanduku ni mbage na mbage titene a yo na ni.

Awatokua 9:1

Nzara ti sarango sioni na adisiple ti *Kota Gbia angba lakue na be ti Saul si lo yeke gi lege ti fâ ala. Tongaso, lo gue, lo baa kota wayango-sandaga,

Josué 24:11

Ala fâ ngu ti Jourdain si ala si na Jéricho. Azo ti Jéricho ni atiri bira na ala. Azo ti mara ti Amori, ala ti Perizi, ala ti Kanaan, ala ti Het, ala ti Girgashi, ala ti Hivi na ala ti Yebus nga atiri bira na ala. Me mbi zia azo ni kue na maboko ti ala, azo ti Israel.

Josué 3:3

si ala mu yanga na azo ni, atene: “Tongana ala baa awayango-sandaga so ayeke azo ti mara ti Lévi na yongo sanduku ti *mbuki ti *KOTA GBIA, Nzapa ti ala, ayeke nzoni ala londo na ndo so ala yeke daa so, ala mu peko ti sanduku ti mbuki ni.

Josué 3:6

Lango oko na pekoni, Josué amu yanga na awayango-sandaga, atene: “Ala mu sanduku ti mbuki ni, ala hon kozo ti azo ni.” Awayango-sandaga ni asara tongana ti so lo hunda.

Josué 6:13

Awayango-sandaga mbarambara so ayo adidi mbarambara ti akoli-taba akiri alondo ti tambula na dawa ti sanduku ti mbuki ti KOTA GBIA, ala yeke huru didi. Aturugu so ayeke mu li ni ayeke tambula na dawa si ala so ayeke ga na peko ayeke mu peko ti sanduku ti mbuki ni. So azo ni ayeke tambula, ala yeke huru didi.

Josué 6:5

Tongana a huru adidi ti akoli-taba ni aninga si ala ma ni, fade azo kue adekongo ngangu; fade ngangu gbagba so angoro gbata ni ayeke kungbi. Tongaso, azo ti Israel ayeke li na ya ti gbata ni, zo oko oko gi na dawa ti lo.”

Josué 6:7

Na pekoni, lo mu yanga na azo ni, lo tene: “Ala londo, ala tambula, angoro gbata ni! Aturugu so ayeke mu li ni, ala hon ti ala kozo na dawa ti sanduku ti mbuki ti KOTA GBIA.”

Josué 6:8

Ala sara ye ni kue gi tongana ti so Josué amu yanga na ala. Awayango-sandaga mbarambara so amu adidi mbarambara ti akoli-taba so, atambula na dawa ti sanduku ti KOTA GBIA si ala huru adidi ti akoli-taba ni; sanduku ti mbuki ti KOTA GBIA amu peko ti ala.

1 Samuel 4:3

Aturugu ti Israel akiri na ya ti bâbâ ti ala si *akangba atene: “Ngbanga ti nyen laa *KOTA GBIA azia lege na azo ti Filistii ti fâ e laso tongaso? E gue na Silo, e mu sanduku ti *mbuki ti KOTA GBIA, e ga na ni. Tongaso si KOTA GBIA aduti na popo ti e si lo zi e na maboko ti awato ti e.”