Josué 6:5 - Mbeti ti Nzapa - Tënë so amu fini

⁵ Tongana a huru adidi ti akoli-taba ni aninga si ala ma ni, fade azo kue adekongo ngangu; fade ngangu gbagba so angoro gbata ni ayeke kungbi. Tongaso, azo ti Israel ayeke li na ya ti gbata ni, zo oko oko gi na dawa ti lo.”

Josué 6:5 ပူးပေါင်းရင်းမြစ်များ

Sigingo 19:19

Toto ti adidi ni akiri ague guengo na nduzu. So Moïse ayeke tene tënë, Nzapa ayeke kiri tënë na lo na ya ti toto ti bekpa.

Ésaïe 25:12

Ngangu gbagba so ayo na nduzu, kota gbagba ti bira ti mo so, KOTA GBIA ayeke kungbi ni na sese, lo yeke fâ ni kue si lo yeke bi ni na ya ti fuku ti sese.

Ésaïe 30:25

Na lango so a yeke fâ azo kue, na ndembe so ada so ayo na nduzu mingi ayeke tuku na sese, gba ti ngu ayeke sua na ndö ti akota hoto nga na ndö ti akete hoto kue.

Jérémie 50:15

Mbage na mbage kue, ala dekongo ti bira na li ti lo! Lo yoro maboko ti lo na nduzu ti zia tere ti lo na maboko ti ala! Angangu gbagba ti lo ti lo ti bira ati awe; a kungbi gbagba ti lo awe. KOTA GBIA laa akiri na Babilone peko ti sioni so lo sara. Ala nga, ala kiri na Babilone peko ti sioni so lo sara. Ala sara na lo gi ye so lo sara na amba ti lo so.

Ahebro 11:30

Na lege ti mabe, azo ti Israel atambula, angoro gbata ti Jéricho na ya ti lango mbarambara si na pekoni, gbagba ti gbata ni atuku na sese.

Josué 6:16

Ti fani mbarambara ni, so awayango-sandaga ahuru didi awe, Josué atene na azo ni, atene: “Ala dekongo ngangu, ngbanga ti so KOTA GBIA azia gbata ni na maboko ti ala awe!

Josué 6:20

Awayango-sandaga ahuru didi; gi so azo ama hurungo didi ni, ala dekongo ngangu si gbagba ni akungbi. Gi hio tongaso, azo ni ali na ya ti gbata ni, zo oko oko gi na dawa ti lo si ala mu gbata ni.

Josué 6:4

Fade awayango-sandaga mbarambara amu adidi mbarambara ti akoli-taba si ala tambula na dawa ti sanduku ti *mbuki. Na lango mbarambara ni, fade ala tambula angoro gbata ni lege mbarambara si awayango-sandaga ahuru didi ti akoli-taba ni.

Josué 6:6

Josué, molenge ti Nune, airi awayango-sandaga ni si lo tene na ala: “Ala yo sanduku ti mbuki si ambeni zo mbarambara na popo ti ala amu didi mbarambara ti akoli-taba, ala tambula na dawa ti sanduku ti mbuki ti KOTA GBIA.”

Awafango-ngbanga 20:37

Azo so ahonde tere ti ala na ya ti ngonda so alondo hio amu lege ti Gibea. Ala kangbi tere ti ala na ya ti gbata ni kue si ala fâ azo ni kue.

1 Samuel 17:20

David alondo na kota ndaperere, lo zia anyama ti lo na mbeni zo ti bata ni; lo mu kungba ti lo si lo gue tongana ti so babâ ti lo amu yanga na lo. Gi so lo yeke si na ya ti bâbâ tongaso, andaa aturugu aleke tere ti ala kue ti tiri bira si ala yeke dekongo ti bira.

1 Samuel 17:52

Aturugu ti Israel na ti Juda adekongo ti bira si ala tumba peko ti azo ti Filistii ngbii asi na yanga ti gbata ti Gat na ti Ekron. Kuâ ti azo ti Filistii ayeke lango na tere ti lege ti kodro ti Shaaraim ngbii asi na Gat nga na Ekron.

1 Samuel 4:5

Gi so sanduku ti mbuki ti KOTA GBIA asi na ya ti bâbâ ni awe, azo ti Israel kue adekongo ngangu si sese ayingi.