Josué 6:4 - Mbeti ti Nzapa - Tënë so amu fini

⁴ Fade awayango-sandaga mbarambara amu adidi mbarambara ti akoli-taba si ala tambula na dawa ti sanduku ti *mbuki. Na lango mbarambara ni, fade ala tambula angoro gbata ni lege mbarambara si awayango-sandaga ahuru didi ti akoli-taba ni.

Josué 6:4 ပူးပေါင်းရင်းမြစ်များ

Tongo nda ti aye 2:3

Nzapa asara tufa na ndö ti lango mbarambara ni si lo zia ni nde ndali ti lo, ngbanga ti so na lango so laa lo wu tere ti lo na peko ti kua so kue lo wani, lo sara.

1 Agbia 18:43

Na pekoni, lo tene na zo ti kua ti lo: “Gue, mo baa ndo na mbage ti kota ngu-ingo kâ.” Zo ti kua ni ague, lo baa ndo si lo tene: “Ye oko ayeke daa pepe.” Fani mbarambara, Élie atene na lo: “Kiri kâ!”

2 Agbia 5:10

Élisée atokua mbeni zo ti tene na lo: “Gue, mo sukula tere ti mo fani mbarambara na ya ti ngu ti Jourdain. Fade buruma ti mo ayeke hunzi si tere ti mo ayeke ga *nzoni.”

2 Agbia 5:14

Tongaso Naaman azu na ngu ti Jourdain, lo li na ya ti ngu ni fani mbarambara alingbi na tënë so zo ti Nzapa atene. Na pekoni, tere ti lo aga *nzoni: poro ti tere ti lo akiri aga tongana ti kete molenge.

2 Mbai 13:12

Fadeso, Nzapa wani ayeke makonzi ti e; awayango-sandaga ti lo ayeke na e, ala yeke na li ti e, ala yeke na atatalita ti huru ni si e yeke dekongo ti bira na li ti ala, azo ti Israel. Ala tiri bira na KOTA GBIA, Nzapa ti akotara ti ala pepe, ngbanga ti so ala lingbi ti so benda pepe.”

2 Mbai 20:17

Tiringo bira ni ayeke ti ala pepe. Ala, azo ti Juda na ti Jérusalem, ala gue kâ, ala luti kpoo, ala kue ayeke baa lege so KOTA GBIA ayeke soo ande ala na kuâ. Ala sara mbeto pepe, ala zia mbeni ye azia mbeto na be ti ala pepe. Kekereke, ala gue na mbage ti awato ni; fade KOTA GBIA ayeke na ala.’ ”

2 Mbai 20:19

Na pekoni, azo ti mara ti Lévi, ala so ayeke ahale ti Kehat, na ahale ti Kore alondo ti gonda KOTA GBIA, Nzapa ti Israel na kota go mingi.

2 Mbai 20:21

Na pekoni, Yosafat na azo ni ama tere si lo zia azo ti hengo bia ti mu li ti tambula ti aturugu; ala yu bongo so a zia nde ndali ti KOTA GBIA si ala yeke he bia ti sepela na lo, atene: “Ala sepela KOTA GBIA, ngbanga ti so nzoni be ti lo angba kpu na kpu!”

Mbeti ti Job 42:8

Fadeso, ala mu akoli-bagara mbarambara, akoli-taba mbarambara, ala gue, awara Job, zo ti kua ti mbi. Ala mu anyama ni na *sandaga so a yeke gbi kue na wâ ndali ti ala wani. Fade Job ayeke sambela ndali ti ala, mbi yeke yeda na sambela ti lo. Tongaso, mbi yeke sara na ala pepe alingbi na ye ti buba so ala sara; ala tene taa-tënë na ndö ti mbi pepe; gi Job, zo ti kua ti mbi laa atene taa-tënë.”

Ésaïe 27:13

Na lango ni so, mbeni kota didi ayeke toto. Tongaso azo so agirisa ando na sese ti Asirii, na azo so akangbi na sese ti Ezipte, ala kue ayeke kiri. Ala yeke ga ti kuku na gbe ti KOTA GBIA na Jérusalem, na li ti hoto so ayeke nde si ayeke nzoni kue.

Awayango-sandaga 14:16

lo yeke yoro kozo li ti maboko ti lo ti mbage ti koli na ya ti mafuta so ayeke na ya ti maboko ti lo ti mbage ti wali so si lo yeke fi ni fani mbarambara na dawa ti KOTA GBIA.

Awayango-sandaga 4:6

lo yeke yoro li ti maboko ti lo na ya ti mene ni si lo yeke fi ni fani mbarambara na tere ti ridoo so a kanga na yanga ti ndo so ayeke nde si ayeke nzoni kue, na dawa ti KOTA GBIA.

Zakarii 4:2

Lo hunda mbi, lo tene: “Nyen laa mo baa, nyen?” Mbi kiri tënë: “Mbi baa na ya ti mbeni ye tongana bango-li, mbeni gere ti alamba so a sara ni kue na lôro. Na mbage ti li ni, mbeni ta ti ziango mafuta na ya ni ayeke daa. Alamba mbarambara ayeke na ndö ti gere ti alamba ni; lamba oko oko ayeke na kamba mbarambara so mafuta ayeke hon na ya ni ti gue na ya ti alamba ni.

Wungo ti azo 23:1

Balaam atene na Balak: “Mo leke na mbi agbalaka mbarambara na ndo so; mo mu na mbi akoli-bagara mbarambara nga na akoli-taba mbarambara.”

Josué 6:13

Awayango-sandaga mbarambara so ayo adidi mbarambara ti akoli-taba akiri alondo ti tambula na dawa ti sanduku ti mbuki ti KOTA GBIA, ala yeke huru didi. Aturugu so ayeke mu li ni ayeke tambula na dawa si ala so ayeke ga na peko ayeke mu peko ti sanduku ti mbuki ni. So azo ni ayeke tambula, ala yeke huru didi.

Josué 6:3

Mo na aturugu ti mo kue, fade ala yeke tambula angoro gbata ni lege oko na ya ti lango oko. Fade ala sara tongaso na ya ti lango omene.

Josué 6:5

Tongana a huru adidi ti akoli-taba ni aninga si ala ma ni, fade azo kue adekongo ngangu; fade ngangu gbagba so angoro gbata ni ayeke kungbi. Tongaso, azo ti Israel ayeke li na ya ti gbata ni, zo oko oko gi na dawa ti lo.”

Aye so Nzapa afa 1:20

Atongoro mbarambara so mo baa na maboko ti mbi ti koli si nda ni angba na hondengo ni so, na agere ti lamba mbarambara so a sara ni na lôro so, nda ni ayeke tongaso: atongoro mbarambara so ayeke *a-ange ti a-Eglize mbarambara ni; agere ti lamba mbarambara so ayeke a-Eglize mbarambara ni.”

Aye so Nzapa afa 1:4

Jean laa atokua mbeti so na *a-Eglize mbarambara so ayeke na sese ti Azii. Ayeke nzoni Nzapa, lo so lo yeke laso, lo yeke ando si lo yeke ga, asara nzoni be na ala si amu na ala siriri! Ayeke nzoni ayingo mbarambara so ayeke luti na dawa ti mbata ti lo ti gbia amu ye so na ala!

Aye so Nzapa afa 10:3

Lo dekongo ngangu tongana bamara so ayeke toto. Na peko ti dekongo ti lo, abekpa mbarambara asungba.

Aye so Nzapa afa 15:1

Na pekoni, mbi baa mbeni ye ti kpene nde na yayu; ye ni ayeke kota mingi si ayeke nga ye ti dongo be. Mbi baa *a-ange mbarambara so agbu tanga ti aye ti sioni mbarambara na maboko ti ala. Biani, tanga ti aye so ayeke sara titene ngonzo ti Nzapa ahunzi.

Aye so Nzapa afa 15:7

Mbeni oko na popo ti aye osio so ayeke na fini amu akopo mbarambara na a-ange mbarambara so; a sara akopo ni na lôro. Ya ti akopo ni asi singo na ngonzo ti Nzapa, lo so lo yeke na fini kpu na kpu.

Aye so Nzapa afa 16:1

Na pekoni, mbi ma mbeni kota go so alondo na ya ti kota da ti Nzapa si atene na *a-ange mbarambara so, atene: “Ala gue, atuku ngonzo ti Nzapa so ayeke na ya ti akopo mbarambara so na ndö ti sese!”

Aye so Nzapa afa 5:1

Mbi baa mbeni mbeti so a rule ni rulengo; mbeti ni ayeke na maboko ti koli so aduti na ndö ti mbata ti gbia so. A su mbeti na ya ni nga na peko ni kue, a zia *anzoroko mbarambara na ndö ni ti kanga na ni.

Aye so Nzapa afa 5:6

Na pekoni, mbi baa mbeni Molenge ti Taba, lo yeke luti na tere ti mbata ti gbia so ayeke na popo ti aye osio so ayeke na fini na akangba. Molenge ti Taba ni akpa taba so azo afâ lo awe. Adidi ti lo ayeke mbarambara. Ale ti lo ti bango na ndo ayeke mbarambara; ale ni ayeke ayingo mbarambara so Nzapa atokua ala na ndö ti sese mobimba.

Aye so Nzapa afa 8:2

Na pekoni, mbi baa *a-ange mbarambara so ayeke luti na le ti Nzapa; a mu tatalita mbarambara na ala.

Aye so Nzapa afa 8:6

*A-ange mbarambara so agbu atatalita mbarambara na maboko ti ala aleke tere ti ala ti huru atatalita ni.