Josué 6:27 - Mbeti ti Nzapa - Tënë so amu fini

²⁷ KOTA GBIA ayeke na Josué si iri ti lo awu amu ya ti kodro ni kue.

Josué 6:27 ပူးပေါင်းရင်းမြစ်များ

Tongo nda ti aye 39:21

*KOTA GBIA ayeke na Joseph, lo sara nzoni be na Joseph; lo sara titene makonzi ti da ti kanga ni abaa Joseph na nzoni le.

2 Samuel 7:9

Na ndo so kue mo gue daa, mbi yeke fade na mo, mbi fâ awato ti mo kue na dawa ti mo. Fade mbi yeke sara titene iri ti mo awu tongana ti akota zo ti sese so.

1 Mbai 14:17

Tongaso laa iri ti David amu ya ti akodro kue; KOTA GBIA asara si mbeto ti David asara amara kue.

Esther 9:4

Biani, Mardochée ayeke lani kota zo mingi na yangbo ti gbia, sango ti lo amu ya ti akodro-sese ni kue si lo ngba ti ga kota zo lakue.

Matthieu 14:1

Na ndembe ni so, Herode, govoronere ti Galile ama sango ti Jésus;

Matthieu 18:20

Biani, na ndo so azo use wala ota abongbi daa na iri ti mbi, mbi yeke na popo ti ala.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 4:24

Sango ti Jésus amu ya ti sese ti Sirii kue. Nilaa azo aga na lo azo so tere ti ala aso, ala so ayeke na akobela nde nde si ala yeke na siriri pepe: ala so ayeke na asioni yingo, ala so ayeke na kobela ti makako nga na ala so mbage ti tere ti ala abuba. Jésus akai kobela na tere ti ala kue.

Ndia ti fani use ni 31:6

Ala gbu ngangu, ala sara ye ti koli, ala sara mbeto pepe, ala do na mbeto na dawa ti amara ni so pepe, ngbanga ti so KOTA GBIA Nzapa ti ala laa ayeke tambula na ala. Fade lo yeke do ala ti zia ala pepe, lo yeke zia ala oko pepe.”

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

2 Timothée 4:22

Ayeke nzoni *Kota Gbia aduti na mo! Ayeke nzoni Nzapa asara nzoni be na ala!

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 9:1

Agbia so kue ayeke na mbage ti ngu ti Jourdain, ala so ayeke na sese ti ahoto, ala so ayeke na *Kodro-ti-gbeni, ala so ayeke na yanga ti kota ngu-ingo ti Mediterane ngbii asi na Liban ama tënë ti ye so asi na gbata ti Ai. Tongaso azo ti mara ti Het, ti Amori, ti Kanaan, ti Perizi, ti Hivi na ti Yebus

Josué 9:3

Azo ti Gabaon ama tënë ti ye so Josué asara na agbata ti Jéricho na ti Ai.

Josué 9:9

Ala kiri tënë na lo, atene: “E azo ti kua ti mo, e londo na mbeni kodro yongoro mingi. E ga ndali ti so, e ma sango ti *KOTA GBIA, Nzapa ti mo. E ma nga tënë ti aye so kue lo sara na kodro ti Ezipte,

Awafango-ngbanga 1:19

KOTA GBIA wani ayeke na azo ti Juda, lo sara si ala mu sese so ahoto ayeke daa. Me ala tumba azo so alango na lando ti gbeni so pepe, ngbanga ti so azo ni ayeke na apusu ti bira so a sara na wen.

1 Samuel 18:14

Na ya ti abira so kue David ayeke gue daa, lo yeke so benda, ngbanga ti so KOTA GBIA ayeke na lo.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.