Josué 6:26 - Mbeti ti Nzapa - Tënë so amu fini

²⁶ Na ngoi ni so, Josué adeba yanga ti lo, atene: “Deba ti KOTA GBIA aga na li ti zo so ayeke londo ti kiri ti leke gbata ti Jéricho so! Lo yeke futa lekengo gere ti gbata ni na fini ti kozo molenge ti lo; lo yeke futa nga lekengo ayanga ti gbata ni na fini ti tanga ti molenge ti lo.”

Josué 6:26 ပူးပေါင်းရင်းမြစ်များ

1 Agbia 16:34

Na ngoi ni so laa Hiel, mbeni zo ti Betel, akiri aleke gbata ti Jéricho. Me na ndembe so Hiel ayeke zi du ti lu gere ti gbata ni, Abiram, kozo molenge ti lo ti koli akui. Na ndembe so lo yeke zia ayanga ti gbagba ti gbata ni daa, Segub, tanga ti molenge ti lo ti koli akui. Aye ni so asi alingbi na tënë ti KOTA GBIA so lo tene ando na lege ti Josué, molenge ti Nune.

1 Agbia 22:16

Me gbia atene na lo: “Fani oke laa mbi lingbi ti hunda na mo titene mo deba yanga ti mo ti tene na mbi gi taa-tënë na iri ti KOTA GBIA?”

2 Agbia 2:4

Élie akiri atene na Élisée: “Élisée, mbi gbu gere ti mo, mo ngba na ndo so, ngbanga ti so KOTA GBIA atokua mbi na Jéricho.” Élisée akiri tënë: “KOTA GBIA ayeke na fini! Mo nga, mo yeke na fini! Fade mbi yeke zia mo pepe!” Tongaso ala gue, asi na Jéricho.

Malashii 1:4

Tongana azo ti Edom atene: ‘A buba agbata ti e kue awe, me fade e yeke kiri ti leke ni senge.’ ” Tënë so KOTA GBIA so ayeke na ndö ti dunia kue atene ayeke so: “Ala kiri aleke ni ma! Me ti mbi, mbi yeke kungbi ni kue na sese. Fade a yeke iri ala: ‘Sese ti azo ti sarango sioni’, wala ‘Azo so KOTA GBIA asara ngonzo na tere ti ala kpu na kpu’.

Matthieu 26:63

Me Jésus azi yanga oko pepe. Kota wayango-sandaga atene na lo: “Mbi hunda na mo ti deba yanga ti mo, na iri ti Nzapa so ayeke na fini, mo tene na e: Mo yeke *Mesii, Molenge ti Nzapa?”

Awatokua 19:13

Ambeni zuife so ayeke fono na ya ti akodro nde nde ti tumba asioni yingo amu nga iri ti Jésus ti tumba na asioni yingo na tere ti azo. Ala yeke tene na asioni yingo, ni atene: “Na iri ti Jésus so Paul ayeke fa tënë ti lo, mbi mu yanga na ala, ala sigigi!”

Josué 16:7

Alondo na ndo so, azu ague na Atarot nga na Naara, akiri na Jéricho si asi na Jourdain.