Josué 6:23 - Mbeti ti Nzapa - Tënë so amu fini

²³ Amaseka-koli so ague lani abembe ndo so ali si ala sigigi na Rahab, babâ ti lo, mama ti lo, a-ita ti lo nga na aye ti lo kue. Ala sigigi na azo ti kete mara ti lo kue si a bata ala na mbeni ndo nde, na peko ti bâbâ ti azo ti Israel.

Josué 6:23 ပူးပေါင်းရင်းမြစ်များ

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

Tongo nda ti aye 18:24

E hinga pepe, azo ti mbirimbiri ayeke baleoku na ya ti gbata ni. Mo yeke buba gbata ni biani? Mo yeke zi tënë na li ti azo ni ndali ti azo ti mbirimbiri baleoku so ayeke na ya ti gbata ni so pepe?

Tongo nda ti aye 19:29

Me na ndembe so Nzapa abuba agbata so ayeke na lando ni kâ so, lo dabe ti lo na Abraham. Lo zi Lot na ya ti ye ti sioni na ndembe so agbata ni aga kirikiri.

Wungo ti azo 31:19

Na popo ti ala, azo so afâ zo, wala ala so andu kuâ ti mbeni zo, ala ngba na gigi ti bâbâ ni na ya ti lango mbarambara. Fade ala yeke *sukula sioni ti ala na ota lango ni nga na mbarambara lango ni si. Tënë so abaa nga awali so ala gbu ala na ngbaa so.

Awatokua 10:28

Lo tene na ala: “Ala hinga kue: *Ndia amu lege pepe na zuife ti gue na ndo ti zo ti mbeni mara nde nga ti li na da ti lo. Me ti mbi, Nzapa afa na mbi atene, ayeke nzoni mbi baa mbeni zo tongana zo so ayeke *sioni pepe wala zo so alingbi pepe ti sara beoko na lo.

Awatokua 27:24

si lo tene na mbi: ‘Paul, mbeto asara mo pepe! Alingbi mo gue, mo si na gbe ti kota gbia ti Rome titene lo fâ ngbanga ti mo. Ndali ti mo, fade Nzapa ayeke bata azo so kue ayeke na ya ti mangboko ni.’

1 Korente 5:12

Mbi laa mbi lingbi ti fâ ngbanga ti azo ti gigi? Alingbi ala fâ ngbanga ti azo ti ya ni!

Efeze 2:12

ando, ala yeke yongoro na Christ, mbeni ye ti ala oko so ala lingbi ti wara na popo ti azo ti Israel ayeke daa pepe. Nzapa asara si azo so lo mu zendo na ala, lo sara *ambuki na ala; me ala azo ti amara nde, ala yeke na ya ti ambuki so pepe. Mbeni ye so ala lingbi ti zia be ti ala daa ti ku na dunia so ayeke daa pepe; ala hinga Nzapa pepe.

Ahebro 11:31

Na lege ti mabe, Rahab, wali-ndumba, ayamba na ndo ti lo na nzoni be azo ti *bembengo ndo, nilaa na ngoi so azo ti Israel aga ti fâ azo so ake Nzapa, lo kui pepe.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Josué 2:13

so fade ala yeke zia babâ ti mbi, mama ti mbi, a-ita ti mbi ti koli na ti wali nga na aye ti ala kue ti ngba na fini. Ala fa na e so fade ala yeke zi e na ya ti kuâ.”

Josué 2:16

Lo tene na ala: “Ala gue, ahonde tere ti ala na ndö ti ahoto titene azo so ayeke tumba peko ti ala so awara ala pepe. Ala ngba kâ na ya ti lango ota, ngbii azo ni akiri si. Na pekoni, fade ala mu lege ahon.”

Josué 2:18

Baa ye so mo lingbi ti sara ayeke so: tongana e li ande na ya ti kodro ni, fade mo kanga bengba kamba so na fenetere so mo yoro e daa si mo zu e na gbeni so. Na pekoni, mo bongbi na ya ti da ti mo, babâ ti mo, mama ti mo, a-ita ti mo, na asewa ti mo kue.

Awafango-ngbanga 1:25

Koli ni afa na ala lege ti lingo na ya ti gbata ni, ala li na ya ti gbata ni si ala fâ azo ti gbata ni kue na yongoro zeme; me gi koli so, lo na asewa ti lo laa azo ni azia ala si ala hon.