Josué 6:22 - Mbeti ti Nzapa - Tënë so amu fini

²² Josué atene na azo use so ague lani *abembe ndo na ya ti gbata ni, atene: “Ala li na ya ti da ti Rahab, wali-ndumba so, ala sigigi na lo nga na asewa ti lo kue tongana ti so ala deba yanga ti ala lani na lo so.”

Josué 6:22 ပူးပေါင်းရင်းမြစ်များ

2 Samuel 21:2

Gbia airi azo ti Gabaon ti tene tënë na ala. Azo ti Gabaon ayeke azo ti Israel pepe; me ala yeke tanga ti azo ti Amori so angba na fini. Azo ti Israel adeba yanga ti ala lani ti bata fini ti azo ti Gabaon. Me Saul, so tënë ti azo ti Israel na ti Juda agbu be ti lo ahon ndoni agi lege ti fâ azo ti Gabaon ti hunzi ala.

2 Samuel 21:7

Gbia abata Mefibaal, molenge ti Jonatan, ata ti Saul, ngbanga ti so lo na Jonatan asara lani *mbuki na dawa ti KOTA GBIA.

Abia (Psaumes) 15:4

Zo so Nzapa ake tënë ti lo, na le ti lo, lo baa zo ni tongana mbumbuse zo, me lo yeke ne zo so ayeke kpe mbeto ti KOTA GBIA. Tongana lo mu zendo ti sara mbeni ye, ataa so zendo ni ayeke ga na kpale na tere ti lo, lo yeke sara ni.

Ezekiel 17:13

Na pekoni, lo mu mbeni zo ti sewa ti gbia ni, lo sara *mbuki na lo. Gbia ti Babilone asara si zo ni adeba yanga ti lo ti ngba na peko ti lo. Gbia ni ague na akota zo ti kodro ni na yongoro ndo

Ezekiel 17:16

“Fini ti mbi! So tënë ti yanga ti mbi, Kota Gbia NZAPA laa: Gbia so ayeke kui ande na kodro ti gbia so azia lo na ndö ti mbata ti gbia so. Biani, lo baa dengo ba ti yanga ti lo tongana senge ye, lo buba ya ti mbuki ni. Tongaso, na Babilone, na ndo ti gbia ni laa, gbia ti Israel ayeke kui.

Ahebro 11:31

Na lege ti mabe, Rahab, wali-ndumba, ayamba na ndo ti lo na nzoni be azo ti *bembengo ndo, nilaa na ngoi so azo ti Israel aga ti fâ azo so ake Nzapa, lo kui pepe.

Josué 6:17

Gbata ni na aye so kue ayeke na ya ni, fade a yeke zia ni titene a buba ni, ngbanga ti so gbata ni ayeke ti KOTA GBIA. Gi Rahab, wali-ndumba so, lo na azo so kue ayeke na lo na ya ti da ti lo laa ayeke ngba na fini, ngbanga ti so lo honde azo ti *bembengo ndo so lani e tokua ala so.

Josué 6:23

Amaseka-koli so ague lani abembe ndo so ali si ala sigigi na Rahab, babâ ti lo, mama ti lo, a-ita ti lo nga na aye ti lo kue. Ala sigigi na azo ti kete mara ti lo kue si a bata ala na mbeni ndo nde, na peko ti bâbâ ti azo ti Israel.

Josué 9:15

Josué na azo ni aleke tënë ti siriri si ala ga ambuki; lo zia ala si ala ngba na fini. Akota zo ti bongbi ti azo ni adeba yanga ti ala ti bata tënë ti mbuki ni.

Awafango-ngbanga 1:25

Koli ni afa na ala lege ti lingo na ya ti gbata ni, ala li na ya ti gbata ni si ala fâ azo ti gbata ni kue na yongoro zeme; me gi koli so, lo na asewa ti lo laa azo ni azia ala si ala hon.