Josué 6:21 - Mbeti ti Nzapa - Tënë so amu fini

²¹ Ala buba aye so kue ayeke na ya ti gbata ni; akoli na awali, amaseka na ambakoro, abagara, ataba na alele, ala fâ ala kue.

Josué 6:21 ပူးပေါင်းရင်းမြစ်များ

1 Agbia 20:42

Tongaso wayanga-Nzapa ni atene na lo: “Tënë so KOTA GBIA atene ayeke so: ‘Lani, mbi zia koli so titene a fâ lo; me mo zi maboko na tere ti lo si lo kpe, lo hon. Fadeso, mo laa mo yeke wara kuâ na peko ti lo si azo ti kodro ti mo ayeke wara nga kuâ na peko ti azo ti kodro ti lo.’ ”

Jérémie 48:18

Mo, zo ti gbata ti Dibon, londo na ndö ti mbata ti mo ti gbia, mo zu, mo duti na ndö ti kuru sese. Biani, zo so abuba kodro ti Moab so, lo yeke ga ti tiri bira na mo; lo yeke kungbi na sese gbagba ti mo ti bira.

Ndia ti fani use ni 13:16

fade ala yeke fâ azo ti gbata ni kue, ala yeke fâ nga anyama kue. Na pekoni, ala yeke buba gbata ni na aye ti ya ni kue:

Ndia ti fani use ni 2:34

Na pekoni, e mu agbata ti lo kue; e buba ni kue kue kue, e fâ akoli, awali na amolenge, e hunzi ala; e zia zo oko angba na fini pepe.

Ndia ti fani use ni 7:16

Amara so kue KOTA GBIA ayeke zia ala na maboko ti ala, azo ti Israel, alingbi ala baa mawa ti ala pepe, ala fâ ala kue ahunzi ala. Ala voro anzapa ti amara ni so pepe. Tongaso pepe, fade anzapa ni ayeke ga kuku ti gbungo ala.

Josué 10:28

Gi na lango ni so, Josué amu gbata ti Makeda si lo fâ gbia ni na azo ti gbata ni kue; lo zia zo oko angba na fini pepe. Mara ti ye so lo sara na gbia ti Jéricho so, gi ni laa lo sara na gbia ti Makeda.

Josué 10:39

Ala mu gbata ni na gbia ni nga na agbata so kue angoro Debir. Ala fâ azo ti agbata ni kue, ala zia zo oko angba na fini pepe. Ye so Josué asara na agbata ti Hebron na ti Libna na agbia ti agbata ni, gi mara ni laa lo sara na gbata ti Debir nga na gbia ni.

Josué 11:11

na azo ti gbata ni kue, lo hunzi ala; ye so kue ayeke na fini angba pepe; lo gbi nga gbata ni.

Josué 11:14

Azo ti Israel amu akungba na anyama so kue ala gbu na peko ti bira na ya ti agbata ni. Me ala fâ azo ti agbata ni kue, ahunzi ala; ye so kue ayeke na fini, ala zia ni angba pepe.

Josué 8:2

Fade mo yeke sara na gbata ti Ai na gbia ni gi mara ti ye so mo sara lani na gbata ti Jéricho nga na gbia ni. Me ala lingbi ti mu aye so ala yeke gbu na peko ti bira, anzoni ye nga na anyama ti gbata ni titene aga ti ala. Mo tokua ambeni turugu na hondengo ni na mbage ti peko ti gbata ni.”

Josué 8:22

Ambeni zo ti Israel alondo na ya ti gbata ni si ala gue ti tiri nga na azo ti Ai. Azo ti Israel akanga lege mbage na mbage si azo ti Ai ayeke gi na popo ti azo ti Israel. Azo ti Israel afâ ala kue, zo oko angba na fini pepe, zo oko awara lege ti kpe pepe.

Josué 9:3

Azo ti Gabaon ama tënë ti ye so Josué asara na agbata ti Jéricho na ti Ai.

Aye so Nzapa afa 18:21

Tongaso, mbeni ngangu ange amu mbeni ngbongboro têne so akono alingbi na têne ti nikango na ye, lo bi na ya ti kota ngu-ingo si lo tene: “A yeke bi Babilone, kota gbata ni na ngangu tongaso. Fade azo ayeke kiri ti baa ni pepe!

1 Samuel 15:3

Fadeso, gue, mo tiri bira na azo ti Amalek, mo buba aye ti ala kue, mo zia mbeni oko angba pepe. Mo fâ akoli na awali, amolenge na akete amolenge so angba ti nyon mê, abagara, ataba, *azambala nga na alele.’ ”

1 Samuel 15:8

Saul afâ azo kue na yongoro zeme. Me lo gbu Agag, gbia ti azo ti Amalek, lo fâ lo pepe.