Josué 6:20 - Mbeti ti Nzapa - Tënë so amu fini

²⁰ Awayango-sandaga ahuru didi; gi so azo ama hurungo didi ni, ala dekongo ngangu si gbagba ni akungbi. Gi hio tongaso, azo ni ali na ya ti gbata ni, zo oko oko gi na dawa ti lo si ala mu gbata ni.

Josué 6:20 ပူးပေါင်းရင်းမြစ်များ

2 Mbai 13:15

Aturugu ti Juda adekongo ti bira. Gi na ndembe so ala dekongo, Nzapa akinda Yeroboam na azo ti Israel kue na dawa ti Abia nga na azo ti Juda.

Sofonii 1:16

Lango ni ayeke lango ti hurungo didi, lango ti dekongo ti bira ti mu agbata so ngangu gbagba ayeke na tere ni nga na ada so ayo na nduzu mingi so.

Ahebro 11:30

Na lege ti mabe, azo ti Israel atambula, angoro gbata ti Jéricho na ya ti lango mbarambara si na pekoni, gbagba ti gbata ni atuku na sese.

Josué 6:5

Tongana a huru adidi ti akoli-taba ni aninga si ala ma ni, fade azo kue adekongo ngangu; fade ngangu gbagba so angoro gbata ni ayeke kungbi. Tongaso, azo ti Israel ayeke li na ya ti gbata ni, zo oko oko gi na dawa ti lo.”

1 Samuel 4:5

Gi so sanduku ti mbuki ti KOTA GBIA asi na ya ti bâbâ ni awe, azo ti Israel kue adekongo ngangu si sese ayingi.