Josué 6:19 - Mbeti ti Nzapa - Tënë so amu fini

¹⁹ Wen ti nginza kue na lôro nga na aye so kue a sara na bengba wen nga na wen, fade ala zia ni nde ndali ti KOTA GBIA; ala zia ni na ya ti kubu so a yeke bata amosoro ti KOTA GBIA daa.”

Josué 6:19 ပူးပေါင်းရင်းမြစ်များ

2 Samuel 8:11

Gbia David azia aye so nde ndali ti KOTA GBIA, tongana ti so lo zia lani nde wen ti nginza nga na lôro so lo gbu na maboko ti amara so kue lo kinda ala:

1 Agbia 14:26

Lo mu amosoro so a bata na ya ti kubu ti da ti KOTA GBIA nga na amosoro so ayeke na ya ti yangbo ti gbia, lo hon na ni; lo mu aye kue kue kue, ataa *avala ti lôro so Salomon amu yanga si a sara ni ando so.

1 Agbia 7:51

So gbia Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba; lo zia aye ni na ya ti kubu so ayeke bata ka amosoro ti da ti KOTA GBIA daa.

2 Agbia 24:13

Nabukodonosor amu amosoro so kue a bata na ya ti kubu ti kota da ti KOTA GBIA, na amosoro so a bata na ya ti kubu ti yangbo ti gbia, lo gue na ni alingbi gi na tënë so KOTA GBIA atene. Lo fâ ya ti aye so kue Salomon, gbia ti Israel aleke na lôro si lo zia na ya ti kota da ti KOTA GBIA so.

1 Mbai 18:11

Gbia David azia aye so nde ndali ti KOTA GBIA; lo bongbi ni na wen ti nginza nga na lôro so lo gbu na maboko ti amara kue: azo ti mara ti Edom, ti Moab, ti Amon, ti Filistii na ti Amalek.

1 Mbai 26:20

Mbeni zo ti mara ti Lévi, Ahia, kua ti lo ayeke ti baa ndo na ndö ti kubu so a bata amosoro ti kota da ti Nzapa daa nga na aye so a zia nde ndali ti Nzapa.

1 Mbai 26:26

Shelomit, lo na a-ita ti lo ayeke baa ndo na ndö ti aye so kue gbia David, na amakonzi ti asewa, na amakonzi ti aturugu 1 000 na ti aturugu 100 nga na amakonzi nde nde ti aturugu azia ni nde ndali ti Nzapa.

1 Mbai 26:27

Mbage ti aye so azo ni so agbu na peko ti bira, ala zia ni nde ndali ti lekengo na kota da ti KOTA GBIA.

1 Mbai 26:28

Aye so kue wayanga-Nzapa Samuel, Saul, molenge ti Kish, Abner, molenge ti Ner, Yoab, so iri ti mama ti lo ayeke Seruya, azia nde ndali ti Nzapa; Shelomit na a-ita ti lo laa ayeke baa ndo na ndö ni.

1 Mbai 28:12

Lo mu nga na Salomon mbeti so afa kode ti ambeni ye so lo leke na be ti lo ti sarango ni: ya ti gbagba ti kota da ti *KOTA GBIA, ada so angoro tere ti ya ti gbagba ni, akubu so a yeke bata amosoro ti kota da ti Nzapa daa nga na akubu so a yeke bata aye so a zia ni nde ndali ti Nzapa daa.

2 Mbai 15:18

Aye so babâ ti lo amu na Nzapa nga na aye so lo wani, lo mu na Nzapa, lo mu ni lo ga na ni na ya ti kota da ti Nzapa; aye ni ayeke so: wen ti nginza, lôro na ambeni kungba nde nde.

2 Mbai 31:12

Aye so azo azi na ndö ti ye so ala wara, adime na aye so ala zia nde ndali ti Nzapa, ala ga na ni lakue na legeni na ya ti akubu ni. Konania, zo ti mara ti Lévi laa ayeke makonzi na ndö ti aye ni. Ita ti lo Shimei laa ayeke use makonzi ni.

Néhémie 10:38

Fade e yeke mu nga na awayango-sandaga ni mbeni mbage ti nzoni farini ti e, nga na asandaga nde nde ti ale ti keke ti e, ti fini vin na ti mafuta. E yeke gue na aye ni so na ya ti ada so ayeke na ya ti gbagba ti kota da ti Nzapa. E yeke mu na azo ti mara ti Lévi *dime ti ale ti kobe ti yaka ti e. Azo ti mara ti Lévi ayeke gue ala wani ti mu adime ni na ya ti agbata so kue e yeke sara kua daa.

Jérémie 38:11

Ebed-Melek amu akoli baleota so si ague na ala. Lo gue, lo si na yangbo ti gbia, na ya ti mbeni kubu so ayeke na gbe ti da ti mosoro. Kâ, lo mu agbagba bongo so asuru kue, lo kanga ni na yanga ti kamba si lo yoro ni na Jérémie na ya ti du ni.

Awayango-sandaga 19:24

Na osio ngu ni, fade a yeke zia le ti akeke ni kue nde ndali ti mbi KOTA GBIA, na ndembe ti mbeni matanga ti sepelango mbi.

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”

Wungo ti azo 31:11

Na pekoni, ala hon na aye so kue ala gbu na peko ti bira, azo nga na anyama kue.

Wungo ti azo 31:12

Ala mu lege ti gue na aye ni na ya ti bâbâ ti ala so ayeke na lando ti Moab, na tere ti ngu ti Jourdain, na ndo so abaa le na gbata ti Jéricho. Ala gue na ni ti fa na Moïse, na wayango-sandaga Elazar nga na bongbi ti azo ti Israel kue.

Wungo ti azo 31:22

‘Aye ti lôro, ti wen ti nginza, ti bengba wen, ti wen, ti eten, ti plon,

Matthieu 27:6

Akota wayango-sandaga aro nginza ni si ala tene: “*Ndia ti e ake titene e zia nginza so na ya ti sanduku ti nginza ti kota da ti Nzapa, ngbanga ti so nginza ti mene laa.”

Marc 12:41

Na pekoni, Jésus aduti na ya ti kota da ti Nzapa na tere ti sanduku ti nginza si lo yeke baa lege so gba ti azo ayeke bi nginza na ya ni. Azo ti mosoro mingi atuku gba ti nginza daa.

Josué 7:11

Azo ti Israel asara siokpari awe. Biani, ala buba lege ti mbuki ti mbi na ala awe. Biani, ye so mbi ke na ala ti mu, ala mu ni; ala nzi ni si ala honde ni na ya ti akungba ti ala.